киргистан – Kurir.mk

Киргистанскиот претседател го ратификуваше договорот за заедничка противвоздушна одбрана со Русија

Тале Кристо — Thu, 12 Oct 2023 18:38:48 +0000

Киргистанскиот претседател Садир Жапаров денеска го ратификуваше договорот за воспоставување заеднички систем за противвоздушна одбрана со Русија, јавува Анадолија.

Според договорот, технологијата ќе стане составен дел на заедничкиот систем за противвоздушна одбрана на Заедницата на независни држави (ЗНД).

Бишкек ќе обезбеди парцела од пет хектари покрај руската воздухопловна база во градот Кант за поставување на потребната инфраструктура.

Страните го склучија договорот во Москва на 16 август 2022 година, а рускиот претседател Владимир Путин го потпиша законот на 29 мај годинава.

Претходно денеска, портпаролот на Кремљ, Дмитриј Песков, го поздрави договорот како „големо достигнување“.

ЗНД е сојуз на некои земји кои порано беа дел од Советскиот Сојуз, односно Ерменија, Азербејџан, Белорусија, Казахстан, Киргистан, Молдавија, Русија, Таџикистан, Туркменистан, Украина и Узбекистан.

Украина официјално не се повлече од алијансата, но не учествува во нејзината работа веќе неколку години.

Русија ќе има нови воени постројки во Киргистан

Тале Кристо — Mon, 08 May 2023 16:40:53 +0000

Русија ќе ги „развие“ своите воени капацитети во Киргистан, централноазиска земја која е сојузник на Москва, соопшти денеска Кремљ по средбата меѓу претседателите на двете земји Владимир Путин и Садир Џапаров. - Шефовите на држави ја истакнаа важноста од зајакнување на вооружените сили на Киргистан и развојот на руските воени капацитети на нејзина територија, се вели во заедничкото соопштение што го пренесе Кремљ. Русија има воена база во Киргистан која се состои од аеродром, поморски објект на езеро и неколку други објекти. Путин го прими Џапаров во пресрет на утрешната воена парада по повод Денот на победата над нацистичка Германија. Претседателот на Киргистан е еден од ретките странски лидери кои ќе присуствуваат на парадата.

Земјотрес од 5,9 степени во Киргистан, во Индонезија од 5,5 степени

Ивона Петрова — Mon, 27 Feb 2023 06:58:56 +0000

Киргистан синоќа беше погоден од земјотрес со јачина од 5,9 степени. Епицентарот на земјотресот бил на длабочина од 15 километри. Засега нема информација за повредени лица или материјална штета. И Индонезија беше погодена од земјотрес со јачина од 5,5 степени. Земјотресот бил на длабочина од 12 километри.

По интензивните борби, Киргистан и Таџикистан не пријавија големи инциденти во текот на ноќта

Ивана Ефремовски — Sat, 17 Sep 2022 08:17:11 +0000

По интензивните борби во петокот, ниту Киргистан ниту Таџикистан не пријавија големи инциденти во текот на ноќта, што укажува дека се држат до договорот за прекин на огнот, освен што киргистанската гранична полиција соопшти дека едно од нивните села накратко било гранатирано. Двете поранешни советски републики се спротивставија на нивните граници оваа недела, обвинувајќи се меѓусебно дека користеле тенкови, минофрлачи, ракетна артилерија и беспилотни летала во нападите врз пограничните населби.

Граничните прашања во земјите од Централна Азија претежно датираат од советската ера кога Москва се обиде да го подели регионот помеѓу групи чии населби често се наоѓаа меѓу оние на другите етнички групи. Киргистан, кој објави 24 мртви и десетици ранети во петокот, објави дека пограничното село било гранатирано со минофрлачи пет минути рано наутро во саботата, по инаку мирната ноќ.

Таџикистан не даде официјална изјава за бројот на жртвите, но безбедносни извори соопштија дека најмалку седум лица загинале во петокот. Таџикистанската гранична полиција во петокот соопшти дека киргистанските хеликоптери и беспилотни летала нападнале неколку таџикистански села. Безбедносните служби на Таџикистан соопштија дека началниците за безбедност на двете земји денеска ќе ги продолжат разговорите за да се реши конфликтот. (МИА)

Трагедија во Киргистан: Девојче загина од гром

Магдалена Андонова — Fri, 03 Jun 2022 08:09:06 +0000

Во Киргистан девојче загина од гром, а уште две деца се повредени, соопшти Министерството за здравство на земјата за Интерфакс. Несреќата се случила во градот Токмок додека учениците се враќале од училиште. Двајца повредени ученици се хоспитализирани и нивната состојба е задоволителна, пренесуваат медиумите.

Поранешниот премиер на Киргистан уапсен поради корупција

Ивана Ефремовски — Wed, 02 Jun 2021 13:45:39 +0000

Поранешниот премиер на Киргистан, Омурбек Бабанов е уапсен и одреден му е двомесечен притвор под сомнение за корупција, изјави канцеларијата на окружниот суд во Бишкек. -Судот донесе одлука за притвор на Бабанов од два месеца, изјави претставник на судот. Како што претходно е соопштено од Државниот комитет за национална безбедност на Киргистан, поранешниот премиер е осомничен за корупција при спроведувањето на проектот за развој на рудникот за злато Кумтор. Тој беше приведен од специјалните служби на 31 мај. Бабанов беше премиер во времето на поранешниот шеф на државата Алмазбек Атамбаев и главен против кандидат на поранешниот претседател Соронбај Женбеков на изборите на 15 октомври 2017 година. (МИА)

Садир Жапаров победи на претседателските избори во Киргистан

Тале Кристо — Mon, 11 Jan 2021 07:43:47 +0000

Киргистанскиот националистички политичар Садир Жапаров убедливо победи на вчера оддржаните предвремени претседателски избори во Киргистан, а кои се одржаа откако граѓанските протести во октомври за спорното гласање во парламентот земјата ја одведоа во политички хаос. Првичните резултати на изборната комисија покажуваат дека Жапаров освои речиси 80 проценти од гласовите во оваа централноазиска држава, тесно поврзана со Русија, што значи дека нема да има втор круг од изборите, пренесе Хина. Повеќе од 80 проценти од гласачите, исто така, го поддржаа предлогот за уставни реформи што ќе му даде поголема моќ на претседателот во однос на парламентот. Насилните протести, што избувнаа во октомври минатата година по спорните парламентарни избори, експресно го лансираа Жапаров (52) од затворската ќелија во премиерското столче и кулминираа со преземање на привременото претседателство. По изборите, на кои провладините партии лојални на тогашниот претседател Соронбај Џенбеков освоија најмногу гласови, илјадници демонстранти излегоа на улиците на главниот град Бишкек. Демонстрантите упаднаа во зградата на парламентот, канцеларијата на претседателот и затворот, ослободувајќи го Жапаров, поранешен лидер на опозицијата, кој подоцна беше назначен за премиер, а потоа и за вршител на должноста претседател, откако Џенбеков поднесе оставка за да ги прекине протестите. На Жапаров, кој беше осуден на неколку години затвор заради киднапирање на провинцискиот гувернер во текот на еден опозициски протест, во екот на немирите во октомври му беше поништена затворската казна, а за време на кампањата имаше голема предност пред другите 16 претседателски кандидати.

Премиерот на Киргистан, Садир Жапаров, најави претседателска кандидатура

Дарко Андоновски — Thu, 12 Nov 2020 15:30:42 +0000

Киргистанскиот премиер, Садир Жaпаров, денеска изјави дека во следните неколку дена ќе поднесе оставка на позицијата вршител на должноста претседател на земјата за да може да учествува на претседателските избори, што ќе се оддржат на 10 јануари следната година. -Претседателот на парламентот, Талант Мамитов, ќе ја преземе функцијата шеф на државата согласно Уставот на Киргистан, изјави Жапаров на прес-конференција. Жапаров дојде на власт откако премиерот Соронбај Женбеков беше соборен од власта по минатомесечните протести. Британскките медиуми пренесуваат дека првично беше планирано претседателските избори да се одложат до планираните уставни реформи во земјата, но по денешното соопштение се насетува дека ова веќе не е опција. Жапаров вети дека, во случај да загуби на изборите, нема да ги оспори изборните резултати и дека ќе ги спречи неговите приврзаници да излезат на улиците.

Повторени парламентарни избори во Киргистан на 20 декември

Тале Кристо — Wed, 21 Oct 2020 07:06:29 +0000

Повторените парламентарни избори во Киргистан ќе се одржат на 20 декември, објави Централната изборна комисија. – Членовите на Централната изборна комисија денеска одлучија повторените избори за парламентот на Киргистан ќе се одржат на 20 декември, рече портпаролот на Комисијата. Тој додаде дека подготовките за одржување нови избори почнуваат денеска. Киргистанскиот претседател Соронбај Женбеков минатата недела поднесе оставка, по немирите што ја тресат земјата од 4 октомври. Женбеков претходно го назначи Садир Жапаров, политичар кој побара негова оставка, за нов премиер во обид да се стави крај на политичката криза што ја зафати земјата. Немирите во Киргистан избувнаа по објавувањето на резултатите од парламентарните избори одржани на 4 октомври, кога илјадници незадоволни луѓе се собраа во центарот на Бишкек и упаднаа во зградата на Владата и Парламентот и се судрија со полицијата. Претседателот на Киргистан е обвинет за учество во местење на резултатите од парламентарните избори и за купување гласови, како и за заплашување на гласачи. Централната изборна комисија ги поништи изборните резултати по насилните демонстрации, а два дена подоцна, Женбеков прогласи вонредна состојба во главниот град и ѝ нареди на армијата да воведе ред.

На 20 декември ќе бидат повторени парламентарните избори во Киргистан

Ивона Петрова — Fri, 16 Oct 2020 07:03:20 +0000

Повторените парламентарни избори во Киргистан ќе се одржат на 20 декември, додека предвремените претседателски избори условно се закажани на 17 јануари 2021 година, објави денеска претседателката на Централната изборна комисија, Нуржан Шајлдабекова. Таа за ТАСС изјави дека нема причина парламентарните и претседателските избори да се одржат истовремено. – Мислам дека тоа ќе биде нецелисходно, затоа што повторените парламентарни избори мора да се одржат за два месеци, а претседателските за три, објасни таа. Таа изјави дека Централната изборна комисија е надлежна за закажување на парламентарните избори, додека претседателските избори ги закажува парламентот. – Според законот, претседателските избори мора да се одржат три месеци по оставката на претседателот, така што тие се закажани условно на 17 јануари, рече Шајлдабекова. Киргистанскиот претседател Соронбај Женбеков вчера поднесе оставка, по немирите што ја потресуваат земјата од 4 октомври, кога се одржаа парламентарните избори. – Не ја држам власта. Не сакам да останам во историјата на Киргистан како претседател кој пролеваше крв и пукаше кон сопствените граѓани. Затоа, донесов одлука за оставка, нагласи Женбеков во вчерашната изјава. Киргистан, земја со 6,5 милиони жители, сместена на границата со Кина, беше втурната во хаос по гласањето на 4 октомври – опозицијата соопшти дека изборите биле нефер со купување гласови и други нерегуларности. Демонстранти потоа ги заезедоа владините згради, ограбувајќи некои канцеларии, а Централната изборна комисија ги поништи изборите. Женбеков воведе вонредна состојба во главниот град што беше одобрена во вторникот од парламентот. Властите распоредија војници во Бишкек за време на викендот и воведоа полициски час. Овој потег ги намали тензиите во градот, но започнаа да формираат групи за заштита на имотот. Продавниците и банките кои беа затворени минатата недела повторно се отворија. Превирањата се третпат во последните 15 години – демонстранти да соборат влада во Киргистан, една од најсиромашните држави од поранешниот Советски Сојуз.