кирил и методиј – Kurir.mk

Денеска се празнува 24 мај, Ден на светите браќа Кирил и Методиј

Тале Кристо — Tue, 24 May 2022 07:02:06 +0000

Родени браќа родум од Солун, од угледни и богати родители, Лав и Марија. Постариот брат, Методиј, како офицер помина десет години меѓу Македонските Словени. Потоа се оддалечи на гората Олимп и се предаде на монашки подвиг. Овде подоцна му се придружи и Кирил (Константин). Кога хазарскиот цар Каган побара од царот Михаил проповедници на верата во Христос, тогаш на заповед на царот беа пронајдени овие двајца браќа и беа испратени меѓу Хазарите. Откако го уверија Каган во верата Христова, тие го крстија овој цар и голем број негови старешини и уште помногуброен народ. По извесно време се вратија во Цариград, каде што ја составија словенската азбука од триесет и осум букви и почнаа да ги преведуваат црковните книги од грчки на словенски. На повик од царот Ростислав отидоа во Моравија и таму ја распространија и ја утврдија христијанската вера, па ги умножија книгите и им ги дадоа на свештениците за да ја подучуваат младината. Подоцна, на повик од папата, заминаа за Рим, каде што Кирил се разболе и умре, на 14 февруари 869 година. Методиј се врати во Моравија и до смртта се потруди на утврдувањето на Христовата вера меѓу Словените. По неговата смрт – а тој се упокои во Господа на 6 април 885 година – неговите ученици го преминаа Дунав и се спуштија на југ во Македонија, каде што од Охрид продолжија да работат меѓу Словените на истото дело што го започнаа Методиј и Кирил на север.

Утре се празнува 24 мај, Ден на светите браќа Кирил и Методиј

Тале Кристо — Mon, 23 May 2022 20:00:43 +0000

Денеска е Упокоение на Св. Методиј Солунски

Ивона Петрова — Tue, 19 Apr 2022 05:14:43 +0000

На 19 април 885 година во Моравија умрел Методиј Солунски, постар брат на Константин Филозоф – Кирил, двајцата македонски и сесловенски учители и просветители. Светителските празници редовно се определуваат според денот на упокојувањето на светителот. Зашто тоа е денот на нивната лична пасха, нивниот личен премин од смрт во живот, зашто тие, исто како и Христос, во себе го носеа најизобилниот живот, пред кого смртта останува немоќна. Денешниот празник е празникот на личната пасха на едниот од двајцата словенски просветители, празник на личната пасха на свети Методиј Солунски. Создавајќи ја првата словенска азбука, преведувајќи ги на словенски јазик најпотребните богослужбени книги, издигнувајќи еден македонски говор на прв словенски книжевен јазик и формирајќи силни следбеници, како што беа нивните ученици Климент Охридски, Константин Брегалнички и други словенски просветители, Кирил и Методиј станале најзаслужни за словенската просвета, богослужба и култура. Методија е роден околу 825 година. Инаку, тој се слави заедно со својот брат Кирил на нивниот заеднички празник на 24 мај.

Се празнува Упокојувањето на Методиј Солунски, едниот од двајцата словенски просветители

Ивона Петрова — Mon, 19 Apr 2021 05:19:58 +0000

Светителските празници редовно се определуваат според денот на упокојувањето на светителот. Зашто тоа е денот на нивната лична пасха, нивниот личен премин од смрт во живот, зашто тие, исто како и Христос, во себе го носеа најизобилниот живот, пред кого смртта останува немоќна. Денешниот празник е празникот на личната пасха на едниот од двајцата словенски просветители, празник на личната пасха на свети Методиј Солунски. Инаку, тој се слави заедно со својот брат Кирил на нивниот заеднички празник на 24 мај.

И Србите ќе го слават Денот на словенската писменост во чест на Кирил и Методиј

Ивана Ефремовски — Thu, 16 May 2019 14:48:53 +0000

Владата на Република Србија на денешната седница го усвои Предлог-законот за дополнување на Законот за државни и други празници со кој предлага 24 мај да биде нов празник – Ден на Кирил и Методиј. -Со овој празник ќе се одбележува Денот на словенската писменост и култура, кој го втемелија словенските просветители Кирил и Методиј, основачите на словенската книжевност и креаторите на првото словенско писмо – глаголицата, соопштија од Кабинетот за соработка со медиумите на српската Влада. (МИА)

Културното здружение „Кирил и Методиј“ во Грција на суд

Дарко Андоновски — Thu, 11 Apr 2019 08:15:02 +0000

Македонците од Ираклеа, Серско, основале културно здружение „Кирил и Методиј“ и веднаш по регистрацијата добиле покана за на суд, каде што сега треба да докажуваат дека имаат право да формираат такво здружение. За да го избегнат поимот „македонски јазик“, Македонците од Ираклеа (Долна Џумаја) во регистрацијата напишале дека здружението меѓу другото ќе се грижи и за јазикот што го зборува автохтоното население. Според грчките медиуми, Пан-хеленистичката федерација на културните асоцијации на Македонците поднела тужба, во која се вели дека членовите на здружението „Кирил и Методиј“ се сепаратисти и дека јазикот на домородното, автохтоно население не се разликува од грчкиот јазик. За нив, рекле тие, таму нема друго автохтоно население освен грчките Македонци. Членовите на здружението „Кирил и Методиј“ велат дека не случајно ја избрале таа формулација (јазикот на автохтоното население) за да се избегне употребата на поимот македонски јазик и да се избегне репризата при регистрацијата на Домот на македонската култура во Лерин пред 30 години. Се чека одлуката на судот.

УМС на ВМРО-ДПМНЕ го чествува денешниот празник и им поделија книги на скопјани

Ивана Ефремовски — Thu, 24 May 2018 14:29:01 +0000

Делегација на Унијата на млади сили на ВМРО-ДПМНЕ го чествува денешниот празник. Младината на партијата денес положи свежо цвеќе на споменикот на Свети Кирил и Методиј. Тие исто така делеа книги на граѓаните низ градот Скопје.