Кирил Лазов – Kurir.mk

Лазов: Печат на министерувањето на Меџити е целосната негрижа за граѓаните во Македонија и за медицинскиот кадар, затоа мора да и се стави крај на оваа ненародна власт

Тале Кристо — Sun, 11 Jun 2023 10:26:04 +0000

Четвртиот министер за здравство во оваа Влада за неговите 100-тина дена како министер покажа целосна негрижа за граѓаните, но и за медицинските лица, истакна на денешната прес-конференција Кирил Лазов, член на Комисија за здравство на ВМРО-ДПМНЕ. Тој се покажува како лик кој целосно се вклопува во корумпираната и криминална Влада предводена од СДСМ и ДУИ. Додека нема лекови, нема термини за преглед, нема термини за било каква медицинска интервенција, на министерот за здравство приоритет му како граѓани од други држави да се лечат во Македонија. И тоа ни помалку ни повеќе, туку под исти услови како и граѓаните на Македонија кои цел свој работен век плаќаат за овој здравствен систем. Нејасно е и треба да се даде одговор во јавноста, колку оваа мерка ќе ги чини македонските граѓани и како ќе дојдат тие на ред во здравството во Македонија? Освен негрижа за граѓаните, која треба да му биде приоритет на секој министер во секторот здравство, има целосна негрижа и за медицинскиот персонал. Медицински персонал ем нема, ем постојано бега од државава, ама затоа министерот за здравство ги дискредитира и оние малку кои се останати. И додека вели ќе ги укинам организациските директори, во меѓувреме си тера, и си менува, и си назначува токму организациски директори. Разрешува и медицински директори, а јавноста не е информирана која е постапката за стручност при разрешување и избор на нови директори. Печат на министерувањето на Фатмир Меџити до сега се две работи, целосна негрижа за граѓаните во државава, второ, целосна негрижа за медицинскиот кадар. Поради ова, бараме, прво, да почне да работи транспарентно, второ, да каже по критериуми ги избира новите директори. Низата на проблеми, стратешки грешки и слично не се намалува и покрај назначениот четврт министер за здравство. Токму поради тоа оваа власт мора да замине што поскоро и да почне процес на обновување на различните сегменти во државава. Во неговото министерување само се таложат проблемите и има се повеќе грешки. Токму затоа мора да замине час поскоро оваа ненародна власт!

Лазов: Уште никој не презел одговорност за настанот на Инфективна во Велес кога пациенти без оставени без елементарна грижа

Ивана Ефремовски — Fri, 08 Oct 2021 17:03:55 +0000

Поминаа 2 дена, а сеуште никој не превзема одговорност затоа што пациентите на Инфективното одделение без оставени без елементарна грижа додека траеше партиското сликање со Ненад Коциќ, изјави д-р Кирил Лазов, кандидат на советник на ВМРО-ДПМНЕ во Велес. -Сакаме да ве известиме дека денес ВМРО-ДПМНЕ поднесе приговор до Државната изборна комисија, известување до Државната комисијата за пречување на корупција и до ОПСЕ и ОДИХР за скандалозниот настан кој го одржа кандидатот за градоначалник Ненад Коциќ заедно со медицинскиот персонал од Инфективното одделение на велешката болница. Иако втор ден по ред ги прозиваме јавно, ниту пратеникот Коциќ, ниту директорот на болницата Бојаџиев, ниту СДСМ како партија не кажаа кој и како дозволил или организирал да партиски настан каде целиот персонал ја напушти болницата за да се слика со кандидатот за градоначалник на СДСМ, Ненад Коциќ. За време на настанот пациентите кои се згрижени во болницата и буквално се борат за живот со подмолниот вирус се оставени сами на себе, без лекарска грижа,рече Лазов. Од ВМРО ДПМНЕ додаваат дека забележиле од фотографиите дека за време на сликањето пациенти чекаат пред вратата на болницата без никој од медицинскиот персонал да ги прими. -Ги повикуваме уште еднаш Коциќ, Бојаџиев и раководството на СДСМ Велес, да дадат одговор како го организираа овој настан и кој од болницата даде наредба или одобрување докторите да се сликаат со партиски кандидат во текот на работното време. Дали планираат некој да одговара за ова или ќе молчат и никој нема да понесе одговорност исто како за пожарот во болницата во Тетово каде изгореа 14 живи луѓе, рече Лазов.

Лазов: Планираниот клинички центар во Србија е ист како оној во Македонија, разликата е што овој ветуван од Заев и Филипче е 4 пати поскап

Тале Кристо — Wed, 02 Jun 2021 11:50:17 +0000

Владата предводена од СДСМ ги лаже граѓаните дека ќе изгради нов клинички центар во Скопје. Владата подготови само физибилити студија од 30 страни, нема никаков проект, ама затоа планира тоа да чини повеќе од половина милијарда евра, рече доктор Кирил Лазов од Комисијата за здравство на панел дискусијата во организација на ВМРО - ДПМНЕ насловена како „4 години Заев, 4 години украден живот, доста е“. Доктор Лазов укажа дека во Белград се гради клинички центар со исти перформанси и истиот чини 125 милиони евра, а во Македонија нема проект за нов клинички, ама има цена повисока од над половина милијарда евра. „За клиничкиот што го нудат Заев и Филипче нема проект, ама има цена, а во цената не се вклучени геомеханички испитувања на земјиштето, водовод, канализација, пристапни патишта, што значи ќе биде и поскап. Има само физибилити студијата која очигледно им е само покритие за пљачка. Најкорумпираната Влада во Европа предводена од Заев и министерот за здравство Филипче сакаат да направат само нов криминал сега со наводна градба на нов клинички центар’, рече Лазов. Како е можно за клинички со исти перформаси во Србија да се трошат 125 милиони евра, а кај нас да има 4 пати повисока цена, праша Лазов. „За разлика од кај нас, во Србија клинички центар се гради за 4 пати помала сума во вредност од 125 милиони евра. А според карактеристиките станува збор за ист клинички центар. Единтвената разликата е во тоа што тој во Белград се прави за четири пати помала сума и со детален проект, а во Македонија ист таков би чинел четири пати повеќе или повеќе од половинина милијарда евра и со физбилити студија од само 30 страни, без никаков проект“, рече Лазов. Очигледно е додаде, доктор Лазов, дека во Македонија интересот е само за провизии и ставање пари во џеб.

Лазов: Владата предводена од СДСМ катастрофално се справува со корона кризата и има нула реализација на ветени проекти

Ивона Петрова — Wed, 02 Jun 2021 10:53:19 +0000

Состојбата со справување со ковид пандемијата е катастрофална, оттука и последиците се катастрофални. Има повеќе од пет илјади починати како последица на комликации од корона, рече доктор Кирил Лазов од Комисијата за здравство на панел дискусијата во организација на ВМРО - ДПМНЕ, а насловена како „4 години Заев, 4 години украден живот, доста е“. Оттука, илуистрираше Лазов, според „Ворлдометар“ по број на починати на милион жители Македонија е на високо 4 место, а според американскиот институт „Хелт дата“ е на шесто место. Дополнително, американскиот институт, изрази сомнеж за точноста на бројките за починати кои ги презентираат надлежните или дека има два пати повеќе починати. И не само што не се справи со корона кризата, владата предводена од СДСМ не реализираше ништо од ветеното во програмата. -Ветуваа современ и функционален клинички центар во Скопје. По 4 години направија единствено една физибилити студија од 30 страници во која е одредена единствено цената од повеќе од половина милијарда евра. Нема проект, во цената не се вклучени геомеханички испитувања на земјиштето, водовод, канализација, пристапни патишта. Или физибилити студијата им е само покритие за пљачка. Или во Белград се гради клинички со исти перформанси и чини 125 милиони евра во Македонија над 500 милиони, евра или 400 илјади Филипче и Заев ги планираат за во џеб, рече Лазов. Дoктор Лазов се осврна и на останатите нереализирани проекти. -Велеа ќе започнат изградба на клинички центар во Битола. Апсолутна нула, нема план, нема проект, нема локација, нема ништо. На матичните им ветуваа зголемување на капитации од 55 на 90 денари, на стоматолозите од 40 на 70 денари. Им дадоа само трошки или покачување од 8 денари, или на матичните 63 денари, а на стоматолозите 48 денари, значи далеку од ветините 90 за матични и далеку од ветените 70 денари за стоматолози, рече Лазов.

Лазов: Без масовна имунизација не треба да има попис

Магдалена Андонова — Thu, 11 Mar 2021 12:49:52 +0000

Власта од една страна ќе не затвора дома со полициски час кој ќе трае од 22 до пет часот наутро, како последица на ширењето на корона вирусот, а од друга страна по нашите домови ќе ни праќа по тројца попишувачи за да им го реализираат најавениот попис, а кои нема да бидат ниту вакцинирани, ниту пак тестирани за да се знае дали се носители или не на вирусот. На ваквата нелогична и несфатлива одлука на власта реагира медицинско здравствената фела, која е во првите борбени редови со невидливиот непријател, кој ги клекна на колена како здравствениот систем на Македонија, така и економијата која е во рецесија. Доктор Кирил Лазов, кој е член на Комисијата за здравство на ВМРО-ДПМНЕ смета дека без масовна вакцинација не треба да има попис во Македонија. Тој додава многу е недвосмислено е во државата да има рестриктивни мерки како полициски час, а од друга страна по домовите да влегуваат по тројца невакцинирани попишувачи, затоа што државата нема набавено. - БЕЗ МАСОВНА ИМУНИЗАЦИЈА НЕ ТРЕБА ДА ИМА ПОПИС! Апсурдните ликови Филипче и Заев ни подготвуваат попис, кој треба да биде статистичка, а не политичка операција, ама ќе го исполитизираат и искористат во нивните политикантски драмолетки. Истите тие ни воведоа мерка полициски час, ни помалку ни повеќе од 22:00 - 05:00. Тоа значи дека преку ден ќе се пипишуваме, а ќе не потпишуваат невакцинирани попишувачи за кои нема набавено вакцини, а од 22:00 ќе бидеме под мерка полициски час. Каква двосмисленост! Каква лицемерна политика! Без масовна имунизација не треба да има попис!, пишува доктор Кирил Лазов на социјалната мрежа Фејсбук.

Лазов: Крими бизнисот на Филипче за стерилизација приоритет, набавка на вакцини може да почека

Ивана Ефремовски — Tue, 02 Feb 2021 11:38:23 +0000

Власта освен во лажењето за вакцините против корона, контиунитет има и во сомнителни тендери. Или тендери за кои самите тие одлучуваат и ги интересира само личната добивка, во конкретниов случај оној за еден вид на приватизација на стерилизацијата. А станува збор за многу специфична област, за која во иднина ќе се грижи приватна фирма која ќе треба да набавува хируршки инструменти, облека за лицата кои влегуваат во операциска сала, дезинфекција на салите, до грижа за медицинскиот отпад и слично, истакна д-р Кирил Лазов. -Кон средината на јануари со допис беа известени здравствените установи дека „се исполнети сите договорни услови за приватниот партнер да започне со давање на интегрираните услуги за стерилизација“. Во прилог им беше доставен готов договор кој треба да го потпишат надлежните, корисниците на овие услуги. Станува збор за 31 здравствена установа од целата држава. Но, од почетокот на постапката во 2019 година кога ВМРО-ДПМНЕ побара одговори од министерството за здравство ништо не се случи, освен зделки кои очигледно одговараат на сметките на Филипче и Заев. Иако Филипче велеше дека презема чекори за унапредување на јавното здравство, освен физибилити студии, тендери или сомнителна приватизација на јавното здравство, не видовме ништо. Многу е едноставно, власта и министерството за здравство имаат обврска да дадат одговори во јавноста затоа што се работи за народни пари, истакна тој. Тој прашува: Прво, зошто формираните цени се четири пати повисоки од оние до сега? Второ, дали е доволно приватниот партнер да доставува банкарска гаранција од само 5% од вредност на договор, како што стои во понудениот договор до здравствените установи? Трето, зошто анексите на договорот се однесуваат главно на начинот и условите на плаќање? -Очигледно е за Заев и Филипче се се врти само околу парите! Очигледно е тие не се заинтересирани за здравјето на граѓаните, ниту во период на пандемија со корона. Вакцини нема, иако во другите држави вакцинацијата е почната од декември 2020 година, а кај нас нема ниту една вакцина. Во текот на вчерашниот ден стигнаа првите илјада дози од Спутник во Босна и Херцеговина, а во Албанија првите 1.170 дози од Фајзер. Со ова вакцини нема само Македонија и Косово. Набавката на вакцини не им оди, ама затоа се експерти за тендери и распродажба на јавното здравство! За ваквите постапки мора да има одговорност, истакна Лазов.

Лазов: Нема вакцини, ама има нов скандал на Филипче ја продава стерилизацијата на фирма што само тој ја знае

Ивона Петрова — Mon, 01 Feb 2021 11:28:31 +0000

Додека во сите земји целиот здравствен систем е насочен на превенирање и лечење на граѓаните со корона вирус, а паралелно се одвива процесот на вакцинација, Филипче продолжува само со лаги. Секако, и во реализација на неговиот приотет, а тоа се неговите лични интереси и интереси на Заев и неговата екипа, истакна на денешната прес-конференција д-р Кирил Лазов. Тој посочи дека додека во сите земји стигнува веќе третата тура од вакцини, додека граѓаните можат да бираат со која вакцина ќе се вакцинираат, кај нас на големо има распродажба на области од здравството. -Во 2019 година Филипче стартуваше со физибилити студии за еден вид на приватизација на лабораториите, Итната медицинска помош, стерилизацијата и слично, а веќе избрале фирма која треба да направи физибилити студија за приватизација на ренгенот. И сега решил да ја приватизира стерилизацијата. Подготовката стратувала крај на 2019 година, а со истата Заев и Филипче се занимавале во текот на цела 2020 година во ек на пандемија со корона. Процедурата е стигната до таму што на клиниките во рамки на кампусот Мајка Тереза им е доставен договорот што треба да го потпишат со фирмата која ќе ги нуди услугите. Или клиниките се ставени пред свршен чин - еве ви го договорот потпишете. А цените во договорот што владата, преку министерство за здравство го потпишала со фирмата, со која само тие знаат како ја избрале, се четири пати повисоки. Или еден сет чија стерилизација со новиот договор чини нешто повеќе од 16 илјади денара, претходно чинел околу четири илјади денари, посочува Лазов. Тој нагласува дека наместо грижа за лекови против корона и набавка на вакцини тие се занимаваат со продажба на јавното здравство. -Недозволиво е во период на корона пандемија, кога бројката на заболени во земјава се движи кон 100 илјади, а на починати се движи кон 2.800, министерот да се занимава со распродажба на здравството. Сега приоритет број еден е вакцинација, а Филипче не успеа да најде ниту една вакцина. Лошиот менаџмент на корона кризата, немањето вакцини чини човечки животи. За тоа одговрорност мора да има, посочи Лазов.

Доктор Лазов: Неспособноста на Филипче и Спасовски се плаќа со животите и здравјето на граѓаните

Ивана Ефремовски — Sun, 19 Jul 2020 11:53:17 +0000

Во Македонија се постигна нов рекорд на на новозаболени лица од КОВИД-19 во едно деноноќие. И повторно има починати и тоа 8 лица. Филипче наместо политичка кампања работа му е да спасува животи. Имаме нов пораз и огромен број на новозаразени, реагира д-р Кирил Лазов. -Мислите на Филипче и Спасовски им се во политика и тендери, а не заштита на здравјето и животите на граѓаните. Вкупната бројка на заболени е поголема од 9 илјади лица, а бројката починати се ближи кон 500 лица. Македонија повторно се врати на врвот на листите, но на врвот на листите каде има најмногу заразени на милион жители, најмногу починати на милион жители. На црната статистика не потсетија вчера и регионалните медиуми. И што јавија? Најмногу заразени лица на милион жители има Македонија или повеќе од 4 илјади лица. На второ место е Косово со 3.010 заразени на милиони жители, а Србија со 2.776. Словенија со 903 на милион жители и Хрватска 963 со најмалку заразени во однос на бројот на жители, истакна тој. Доктор Лазов порачува дека Македонија води во уште една црна статистика, а таа е за бројот на починати на милиони жители. -Досега во земјава починале 189 луѓе на милион жители. Хрватска има најмал број на смртни случаи на милиони жители, 29. Ако вака се движат бројките среде јули, што да очекуваме есента. Има ли одговори од Филипче и Спасовски како и што понатаму, освен флоскулите „се е под контрола“, „се подготвуваме“...? Неспособноста на Филипче и Спасовски за справување со корона кризата излезе на виделина како никогаш до сега. Заборавија на здравјето на граѓаните, порача тој.

Д-Р Лазов: Филипче, по корона дебаклот, сега дефокусирате со лична промоција? Погледнете ги овие фотографии!

Ристе Здравков — Sat, 13 Jun 2020 14:34:54 +0000

Д-р Кирил ЛАЗОВ, Институт за трансфузиологија По тоталното фијаско и корона дебаклот кој Ви се случува, тргнавте во промоција на и онака малку сработеното во вашиот мандат. Господине Филипче, овој начин ли го избравте за да го прикриете неуспехот во справувањето со коронавирусот? Не се дефокусира јавноста во вашите лични промоции. Граѓаните сакаат резултати. Реновиран оддел на клиника , а што со другите? Лицето на вистината има друга димензија, болна, разочарувачка.. За жал светските стандарди за кој говорите, кај нас се мизерни услови за работа, руиниран ентериер, дотраени и нефункционални санитарни јазли, амортизирана дограма и незадоволителен инвентар. Се додека личната промоција е ставена во функција на собирање политички поени, а партиските цели се издигнати над здравјето на граѓаните, ние никогаш нема да имаме здравствен систем и здравствени установи по светски стандарди. Господине Филипче додека се сликавте и давате изјава за светските стандарди, дали мислевте на овие стандарди како на сликите? Дали сте запознати со стандардите во ЈЗУ ИТМ – СТМ ВЕЛЕС и во другите градови? Колку пати до сега сте ги посетиле? За жал ова се тие стандарди и ова е вистинското лице…

Лазов: Комисијата за заразни болести работи под диригентска палка на Заев, затоа потребно е консолидирање на системот

Ивона Петрова — Tue, 02 Jun 2020 08:44:48 +0000

Четврти месец од корона вирусот и наместо да бележиме пад на заболни, и да говориме за опоравување од корона кризата на сите полиња, како што е тоа во соседните земји, Македонија се’ уште брои двоцифрени бројки на новозаболени, a брои и починати лица, изјави на денешната прес-конференција д-р.Кирил Лазов, член на Комисија за здравство на ВМРО-ДПМНЕ. интегрален тест од прес-конференцијата на Лазов Македонија е земја во која веќе има втор пик, а не како што беа проценките дека тоа ќе се случи евентуално есента. Од крајот на февруари кога беше регистриран првиот случај на корона вирус во Македонија до денес, едно е јасно - надлежните институции целосно потфрлија. Состојбата јасно укажува дека надлежните не се водат од професионалните стандарди, туку од барањата на Заев и Филипче. Комисијата за заразни болести работи под диригентската палка на Заев, а не на професијата. Се гледа резултот од политичкиот диктат - голем број на новозаразени во едно деноноќие, како што и во секое денононоќие има и починати лица. Бројката на новозаразени јасно кажува дека е неопходно итно консолидирање на системот. Бројката на нозаразени говори дека станува збор за втор бран. Филипче и Заев заборавија на граѓаните и нивното здравје. Ама Филипче и Заев се погрижија да постават послушници во Комисијата за заразни болести, лица кои се подготвени да ја стават професијата на страна и да се стават во служба на политиката. Потребно е веднаш да искористи потенцијалот на професионалците и да се формира ново тело од експерти на кои приоритет им е здравјето на граѓаните. Потребно е да се консолидира системот. Нема време и простор за политика. Потребна е акција за заштита на здравјето на граѓаните.