Кирил Николовски – Kurir.mk

Кирил Николовски стави крај на играчката кариера

Бошко Тасиќ — Tue, 14 Feb 2023 05:35:11 +0000

Поранешниот македонски кошаркарски репрезентативец Кирил Николовски стави крај на играчката кариера и има нова функција во неговиот клуб Еуро Никел. Високиот крилен центар по тешката повреда на лигаментите со која се здоби на дуелот со ТФТ M пред крајот на минатата година реши дека е време за крај. 34-годишникот заминува во пензија како член на Еуро Никел, а претходно играше и за Кожув, Работнички, Карпош Соколи, Фени, МЗТ Скопје, Вардар Осигурување. Четирикратниот шампион на Македонија со МЗТ Скопје и Работнички во иднина ќе работи како технички раководител во Еуро Никел.

Крај на сезоната за Кирил Николовски

Бошко Тасиќ — Fri, 08 Apr 2022 18:18:52 +0000

Еуро Никел до крајот на сезоната нема да може да смета на услугите на Кирил Николовски кој поради повреда го очекува пауза од два до три месеци. Центарот дојде како големо засилување во кавадаречкиот тим од редовите на Кожув, значајно влијаеше во играта на вицешампионот, но тренерот Самарџиев сега ќе мора да бара ново решение. Поранешниот македонски репрезентативец настапи на седум натпревари за „сино-белите“ во кои бележеше просек од 11.1 поен со реализација од 53 отсто за два и 29 за три поени, а додаде и 7.4 скока и 1.7 асистенција.

Николовски заминува од Кожув

Бошко Тасиќ — Thu, 13 Jan 2022 20:37:27 +0000

Македонскиот кошаркарски репрезентативец Кирил Николовски си замина од Кожув и кариерата ќе ја продолжи во друга екипа. Искусниот крилен центар беше член на Кожув од почетокот на оваа сезона и настапуваше во одлична форма. На 12 натпревари, просечно постигнуваше по 18,7 поени, 8,2 скока и 1,3 асистенции со просечен индекс од 22,5, втор највисок во екипата, зад Чаз Вилијамс. Во гевгелискиот прволигаш дојде од Работнички чиј член беше претходните четири години.

Николовски пред почетокот на квалификациите: Тука сум, да помогнам колку што можам

Тале Кристо — Mon, 22 Nov 2021 20:21:33 +0000

Повратникот во македонската кошаркарска репрезентација Кирил Николовски е подготвен да даде максимум во дресот со националниот грб доколку добие шанса од селекторот Драган Бајиќ. „Црвено-жолтите“ во ноемврискиот ФИБА „прозорец“ во квалификациите за Светскиот куп 2003 ќе се сретне со Шпанија и Украина. Последен настап на Николовски за македонската репрезентација му беше пред четири години на гостински терен во Талин, против Естонија? – Веројатно тој период ќе беше и пократок, но летоска поради приватни обврски морав да го одбијам повикот да се вратам во националниот тим. Јас отсекогаш сум стоел на располагање кога е во прашање играњето за репрезентацијата. Па еве ме тука на првиот тренинг во „Јане Сандански“, изјави вели искусниот кошаркар за веб-страницата на КФСМ. За дуелот со Шпанија Николовски вели: „Свесни сме за тоа, огромен предизвик за сите нас кои се собравме тука, е да се обидеме да дадеме максимум од своите можности. До каде ќе нè доведе тоа во еден ваков натпревар, ќе видиме. Имаме неколку дена за одработување. Реално, и искрено посакувам да се „потрошиме“, да одиме до крајот. Да видиме колку навистина сме подготвени да играме против најдобрата европска репрезентација во овој момент“. Шпанија ќе гостува во Скопје на 26 ноември во Спортскиот центар „Јане Сандански“ со почеток од 19:30 часот.