Кирил Пецаков – Kurir.mk

Пецаков: Ниту ова ниту било кое раководство на Охрид не се дрзнало да не се грижи за статусот на регионот во УНЕСКО

Ивона Петрова — Thu, 05 Oct 2023 18:27:59 +0000

Градоначалникот на Охрид, Кирил Пецаков, реагираше на денешните изнесени забелешки од страна на Општина Струга, дека Општината Охрид и нејзините раководители се најодговорни за проблемите и тешкотиите во Охридскиот регион и во крајна линија неговиот статус во УНЕСКО. Според соопштението на Општина Струга, најголем дел од проблемите и тешкотиите во Охридскиот регион произлегле од Општината Охрид и нејзините раководители кои, како што е наведено, постојано, преку платени медиуми, организации и лобисти, ја напаѓале Општина Струга за секаков аспект во секое време и место, без никакви аргументи“. Пецаков во одговорот на соопштението до јавноста посочува дека ниту ова, ниту било кое претходно раководство на Општина Охрид до далечното минато, се дрзнало да не се грижи за зачувување на статусот на УНЕСКО. -Што се однесува до случувањата во Охридскиот регион, а се поврзани со УНЕСКО, треба секој еден практикант на функција да знае дека тука се надлежни повеќе институции централни и локални и дека ниедна од овие институции не може самостојно да ги пишува заклучоците во извештаите кои го носи УНЕСКО. А за да увидиш во извештајот кои се забелешките треба да го прочиташ, а не да чекаш некој да ти го прераскаже, вели тој. Тој наведе дека Општина Охрид и тој како нејзин градоначалник, со сите надлежни институции домашни и меѓународни имале одлична комуникација на поле УНЕСКО. -Тоа се потврдило и го потврдиле многубројните посети и работни состаноци. Иако, Општина Охрид која територијално е најопфатена со УНЕСКО, своите задолженија ги извршува редовно и навремено и во ниеден момент не бара кривец во други општини, бидејќи нема потреба да бараш кривец кога си ја работиш работата согласно Закон“, вели Пецаков. Што се однесува до наводното поткупување медиумите, организациите и лобистите, тој се воздржува од коментар, остава самите да дадат одговор доколку се чувствуваат повикани. Претходно денеска струшкиот градоначалник Рамиз Мерко имал средба со претставници на Мешовитиот експертски тим од Обединетите нации, УНЕСКО, УНДП, УНЕП и Северна Македонија за изработка на Студијата за оправданост за урбанистичкиот план за крајбрежниот појас на Охридското Езеро.

Мицкоски: Трпејца ќе добие нова канализациона мрежа и колекторски систем за што ќе се инвестираат речиси 2 милиони евра

Дарко Андоновски — Tue, 03 Oct 2023 14:48:22 +0000

Претседателот на ВМРО-ДПМНЕ, Христијан Мицкоски и градоначалникот на Охрид, Кирил Пецаков денеска беа во посета на Трпејца. „Заедно со градоначалникот на Охрид Кирил Пецаков бевме во посета на Трпејца која што ќе добие нова канализациона мрежа и колекторски систем за што ќе се инвестираат речиси 2 милиони евра, со што ќе се реши повеќедецениски проблем на жителите од ова населено место и проект кои со години беше ветуван и нереалзиран. По промената на власта новата Влада од централниот буџет ќе издвојува до 250 милиони евра за развој на општинската локална инфраструктура, канализации, водоводи и други важни потреби на граѓаните. Во Охрид на годшино ниво ќе се инвестираат по 8 милиони евра. Па така освен нов кокелекторски систем и канализација во Трпејца, исто такви капитални инвестиции ќе има и во Долно Лакочераи, ќе изградиме ново училиште Глигор Прличев, нов градски плоштад кај стариот Чинар, нова катна гаража, како и почеток на нов водовен систем "свињишки извори" со што Охрид ќе добие решение за квалитетно водоснабдување за наредните неколку децении. Важно е! Од сите вас зависат промените“, стои во неговиот пост на Фејсбук.

Мицкоски: Владата на СДСМ и ДУИ им се одмаздува на охриѓани бидејќи дадоа поддршка на Пецаков и ВМРО-ДПМНЕ во 2021 година и во ек на туристичка сезона им го затвора влезот

Ивана Ефремовски — Fri, 28 Jul 2023 13:15:37 +0000

Посебно е шокантна состојбата бидејќи во екот на туристичката сезона буквално е затворен влезот во најголемиот туристички центар во Македонија, Охрид. И тоа што го прави владата само покажува дека станува збор за ненародна влада, вели претседателот на ВМРО-ДПМНЕ, Христијан Мицкоски, запрашан како ја коментира одлуката за затворање на влезот на Охрид. Мицкоски посочи дека владата на ДУИ и СДСМ ги казнува граѓаните бидејќи на локалните избори во 2021 година огромна поддршка дадоа за Кирил Пецаков и ВМРО-ДПМНЕ. -Владата во сред туристичка сезона ги казнува охриѓани за тоа што на локалните избори во 2021 година дадоа огромна поддршка за Кирил Пецаков и за ВМРО-ДПМНЕ. Граѓаните не се виновни што тие се криминални политичари и што оваа влада предводена од ДУИ, а поддржана од помалиот коалициски партнер СДСМ се криминалци и што народот сака што побрзо да си заминат и никој од нив не е виновен затоа што овие луѓе се тотално неспособни. И сета своја неспособност, гнев и обид да му се реваншираат на народот во Охрид тие го покажуваат сега на отворена сцена затворајќи го влезот во нашиот најголем туристички центар Охрид во екот на туристичката сезона, рече Мицкоски. Мицкоски нагласи дека владата на СДСМ и ДУИ е влада полна со гнев и се одмаздува кон граѓаните и затоа на следните избори ќе доживее дебакл. -Ете со таква влада ние денеска имаме работа. Влада која што е целосно полна со гнев и влада која што им се одмаздува на сопствените граѓани затоа што дебакл ќе доживее на следните парламентарни избори, дециден е Мицкоски.

Пецаков: Со затворањето на патот на влезот на Охрид власта го разбуди гневот кај туристите

Ивана Ефремовски — Tue, 25 Jul 2023 17:14:18 +0000

Вечерва во емисијата „За или против“ на Алфа телевизија градоначалникот на Општина Охрид, Кирил Пецаков говореше за предизвиците со кои што секојдневно се соочува, но исто така и говореше за проблемите со кои што се соочија туристите кога власта го затвори патот на влезот на Охрид.

„Во периодот во кој што беше затворен патот на влезот на Охрид, туристите кои што пристигнуваа беа нервозни поради патувањето од аеродромот до Охрид. Се им пречеше на туристите бидејќи патувале подолго од аеродромот до Охрид отколку од Амстердам до Охрид“, појасни Пецаков.

Тој укажа дека слабо се одвиваа активностите на патот од страна на власта. Со овој чекор кој што го направија во ек на почетокот на туристичката сезона само ја докажаа својата неспособност.

„Потегот кој што го правеа во тој правец го изведуваше албанска фирма, а сега не е изведувач. Досега имавме проблеми доста. Ние ги трпиме цело време проблемите“, нагласи градоначалникот на општина Охрид.

„Ние имаме проблеми, и туристите ги перцепираат. А, зошто е тоа така? Одговор како Општина не добиваме. Оние моменти кога ќе се доведеле како притисок како Влада последниве две години, ние сме добивале лажни ветувања дека сите проблеми ќе се решеле до крај на 2023-та година, така е и со случајот со автопатот Кичево – Охрид“, појасни Пецаков.

По невремето во Охрид: Поплавени дворови и куќи, огромна штета на земјоделските култури

Ивона Петрова — Sat, 24 Jun 2023 12:28:48 +0000

Градоначалникот на Општина Охрид итно го свика општинскиот кризен штаб по силното невреме кое го погоди овој град. -Од првичните информации со кои располагаме, отежнат е сообраќај на одредени улици поради обилните врнежи и големата вода која се уште се слива, има пријави за поплавени домови, дворови, куќи а штетата на земјоделските култури очигледно ќе биде огромна бидејќи невремето кое траеше повеќе од половина час беше проследено со врнежи од град со големина на лешник и орев, вели Пецаков. Посочува дека сите пумпи за исцрпување на вода со кои располага општината се ставени на располагање на Територијалната противпожарна единица Охрид, каде во најголем дел се пријавуваат поплавите. -Вршиме напори со соседните општини за набавка на дополнителен број пумпи, иако колекторот е ставен стопроцентно во функција и во најголем дел од критичните места ќе се исцеди надојдената вода. Проблем има на пресекот помеѓу АСНОМ и булеварот Туристичка, со струјата која ги снабдува пумпите од колекторот, но се решава. Проблем има и во планинските села каде има наноси од земја. Се надеваме дека до вечер ќе успееме да го нормализираме сообраќајот насекаде. Екипите на општинските Јавни претпријатија остануваат во полна готовност доколку произлезе потреба за брза реакција, нагласува градоначалникот на Охрид.

Свикан општинскиот кризен штаб по невремето во Охрид

Ивона Петрова — Sat, 24 Jun 2023 10:53:34 +0000

Силно невреме проследено со интензивни врнежи од дожд и град околу пладне го зафатија Охрид и околината. На моменти, градот беше со големина на орев, што ќе предизвика штети, особено на овошките и посевите. Невремето што траеше околу половина час ги испразни улиците низ градот. Градската канализациска мрежа не можеше да ја прими сета вода, која почна да се излева од шахтите. Градоначалникот на Охрид, Кирил Пецаков, свика состанок на Општинскиот кризен штаб поради невремето.

Пецаков предупредува: За еден ден три сообраќајни несреќи, во политика одлуки од инает не се носат!

Ивана Ефремовски — Sun, 18 Jun 2023 18:23:44 +0000

„Во 24 часа 3-та сообраќајка, не дај Боже да треба брзата помош при сообраќајка да се движи тука. Во политика од секакви побуди може да се носи одлука, само од инает НЕ”, објави на својот Фејсбук профил градоначалникот на Охрид, Кирил Пецаков. Застој и чекање за влез и излез во градот има со часови, а причина за ваквата состојба се градежните работи за реконструкција на патот Подмоље-Охрид. Градоначалникот побара од надлежните, активностите да се одложат по завршувањето на летната сезона, но не наиде на разбирање. -Како и да е уште првиот ден го ископавте влезот да не се премислите случајно, понудивте двојно пари на изведувачите ако завршат пред рокот, јас само се надевам нема да имаме проблеми во овие тешки три недели пред нас ако се 3 се разбира, стои во објавата на охридскиот градоначалник Пецаков. Министерот за транспорт и врски Бочварски побара туристите и граѓаните да се стрпат бидејќи како што рече се ќе заврши до 10 јули пред шпицот на сезоната. Од неодамна, поради реконструкција на патниот правец Подмоље-Охрид, сообраќајот се одвива по стариот пат Охрид-Струга, што предизвика големи реакции во јавноста, пред се’ поради безбедноста на овој патен правец.

Градоначалникот Пецаков оствари средба со амбасадорката на Црна Гора

Ивана Ефремовски — Tue, 13 Jun 2023 13:13:40 +0000

Развој на туризмот и промоција на Охрид како атрактивна туристичка дестинација, биле во фокусот на денешната средба на градоначалникот Кирил Пецаков со амбасадорката на Црна Гора, Марија Петровиќ. На средбата, како што соопшти општинската прес-служба, биле потврдени добрите односи што Општина Охрид ги негува со збратимените и пријателски градови од Црна Гора, Будва и Котор. - Беше разговарано и за зачувување на животната средина, заштита на Студенчишкото Блато и состојбата со Колекторскиот систем на Охридското Езеро. Градоначалникот и амбасадорката разговараа и за можностите за соработка во делот на подготвување на проекти, како и за економска соработка со организирање на регионални економски форуми меѓу малите бизниси од Македонија и Црна Гора, стои во информацијата. Двајцата соговорници се осврнале и на соработката што Охрид ја има со црногорската општина Котор и за размената на искуства со УНЕСКО. Заеднички се согласиле дека Организацијата на градови со светско културно наследство (OWHC) треба да продолжи со своите активности и да се организира средба во Охрид меѓу градоначалниците од градовите кои се дел од оваа организација.

Пецаков: Поради градежните активности на влезот на Охрид, туризмот губи многу

Катерина Бојаџиева — Tue, 13 Jun 2023 11:08:57 +0000

Кирил Пецаков, градоначалник на Охрид во своето гостување во Студио 10 зборуваше за темата која беше викендот актуелна поврзана со Охрид, а тоа беше блокада на влезот на Охрид која се случи поради градежни активности. Имено Пецаков во врска со ова посочи дека со започнувањето на овие градежни активности сега пред почетокот на туристичката сезона, се губи многу во туризмот. -Со огледа на тоа што покрај мене оние кои го потпишаа тоа барање, а од друга страна оние кои што имаа доста погласни реакции од мојата со посочување на пластични примери околу затварањето на градот, а и реални примери што се соочиле во овие неколку дена, би рекол дека туризмот губи многу. Сето тоа можеа да го завршат и претходно, но се одлучија сега. Зошто и како, тоа прашање ќе мора да го поставите и вие како новинари, да дадат логичен одговор зошто сега, која е разликата што посебно ова не се последни километри од изградба на автопатот, туку ова е едно од спорните точки од околу 30 или 40 кои сеуште не се завршени на автопатот, рече Пецаков. Градоначалникот Пецаков порача дека културно, со разбирање ќе побараат овие градежни активности на влезот на Охрид да не се одвиваат сега пред почетокот на туристичката сезона. -Наше е да се избориме, повторно со замолница, со културно, со разбирање, едноставно мораме да имаме разбирање за ова. Најбитната работа е не дека како на Кирил како градоначалник му текнало, за ова имавме реакции од луѓе засегнати директно кои што ги гледале, дополнително Брзата помош, пристапноста до Центарот за трауматологија до Центарот за кардиоваскуларни заболувања, вели Пецаков. На крај Пецаков заклучи: -Јас не знам какви сеуште предизвици не чекаат пред нас во овие следни 30-40 дена, доколку го испочитуваат рокот, а притоа не са отвори главниот влез во Охрид.

Пецаков: Се чувствува отсуството на поддршка од централната власт, но сепак со домаќинско и одговорно работење, реализираме проекти за граѓаните на Охрид

Катерина Бојаџиева — Fri, 09 Jun 2023 16:20:21 +0000

Факт е дека Охрид години наназад мака мачи со тој долг и некако заштитен знак на Охрид е задолжувањето и нејзината блокирана сметка која што во голема мера го отежнува нормалното функционирање на општината, а со тоа секако и на јавните претпријатија, вели Кирил Пецаков, градоначалник на општина Охрид на денешната трибина во организација на ВМРО-ДПМНЕ на тема Политики за силна култура и развиен туризам. Пецаков посочи дека иако ја наследил општината со долг од 11 милиони евра од претходниот градоначалник од СДСМ, сепак со домаќинско и одговорно работење се собираат приходи во буџетот на општината и како што рече за многу брзо време истата сметка ќе биде одблокирана. Последната година вложивме доста напори и да кажам се посветивме на раздолжувањето на општина Охрид, секако мачен процес, но домаќински и одговорно можеме да постигнеме големи резултати. Што значи тоа? Приходот кој што го остваруваме по однос на уредување на градежното земјиште е неколкукратно зголемен, зголемен е данокот на промети и секако со оној закон кој што беше донесен по однос на даноците за стан, куќа која што не се живее, земјоделско земјиште кое што не се обработува и градежно земјиште кое што не изградено, неколкукратно се зголемени тие приходи и суштински го олеснуваат работењето на општина Охрид по однос на финансиската состојба, додаде Пецаков. Иако ја наследив општината со 11 милиони евра долг, би рекол дека динамиката која што е зададена за многу скоро време ќе даде и многу позитивни резултати и би сакал да кажам дека Охрид има светла иднина и наскоро можеме да очекуваме одблокираме сметката на Охрид, истакна тој. Пецаков кажа дека се чувствува отсуството на поддршка од страна на централната власт, но како што нагласи и покрај тоа неговата работа како градоначалник е да работи и да создава проекти со кои што ќе го подобри животот на граѓаните во Охрид. Дефинитивно постои еден потежок вид на соработка. Го чувствуваме и сметам дека Охрид како центар на култура и на историско светско природно културно наследство, би требало да има многу поголема поддршка од самата централна власт без разлика од кој од која политичка партија е. Меѓутоа наша работа како локална власт е да работиме и создаваме проекти, да пронаоѓаме начин на финансирање и сето тоа да го реализираме за подобар живот на граѓаните во Охрид, дециден е Пецаков. Пецаков, рече дека до сега се испроектирани 30 проекти, дел се веќе завршени а дел ќе бидат завршени до крајот на мандатот. До сега се испроектирани вкупно 30 проекти, од кои дел се завршени, а дел се оние кои што ќе го означат мандатот, односно тоа е капиталните проекти, објасни тој. До сега се направени 11 водоводни линии, 9 канализациони мрежи и секако уште многу други проекти кои на дневна основа ги работиме заедно со граѓаните од асфалтирање на улици, уредување на улици и сите оние работи кои за граѓаните се потребни, заклучи Пецаков.