кирк даглас – Kurir.mk

На 102 години почина Ен Даглас

Ивона Петрова — Fri, 30 Apr 2021 07:13:38 +0000

Ен Далгас, вдовицата на Кирк Даглас и маќеа на актерот Мајкл почина вчера во Калифорнија. Пред една недела таа го прослави својот 102 роденден. Нејзиниот сопруг, легендарниот актер Кирк Даглас почина во февруари 2020 година на 104 години. Парот се венчал во 1954 година откако се запознале во Париз за време на снимање на филмот „Act of Love“. Двајцата ги имаат синовите Питер кој е продуцент и Ерик кој е актер. -Често се прашувам што би се случило да не се венчав со неа. Можеби не би преживеал без нејзината смисла за хумор и искрен инстикт, изјавил во една прилика Кирк Даглас. Мајкл истакнал дека таа го извлекувала најдоброто од сите нив, особено од неговиот татко.

Мајкл нема да види ни цент од богатството на Кирк Даглас, познато каде ќе завршат милионите

Ивона Петрова — Mon, 24 Feb 2020 08:19:15 +0000

Актерот Кирк Даглас почина на почетокот на месецов, а по повеќедецениската филмска кариера, неговото богатство се проценува на 60 милиони евра. Ни цент од овој износ тој им нема оставено на синовите, меѓу кои најпознат е актерот Мајкл Даглас. Сите парични средства кои ги имал Кирк ги оставил за хуманитарни цели. Преку својата фондација тој средствата ги поделил на универзитети, детски болници и театарот кој го носи неговото име. Познатиот актер, последната ѕвезда од златната ера на Холивуд, почина на 5 февруари, речиси 2 месеци откако го прослави својот 103 роденден.

Погребан е Кирк Даглас: 100-годишната сопруга во инвалидска количка, синовите во солзи

Ивана Ефремовски — Sun, 09 Feb 2020 13:42:14 +0000

Познатиот американски актер Кирк Даглас вчера беше погребан во Лос Анџелес, два дена откако почина на 104-годишна возраст. Според „Фокс њуз“, Даглас во неговиот вечен дом, на гробиштата Вествуд, го испратиле членови на семејството, меѓу кои и синот, славниот холивудски актер Мајкл Даглас (75). На погребот присуствувале и другите двајца синови на Кирк, Питар и Џоел, сопругата Ен Бајденс која има сто години, а заедно во брак минале 65 години. Покрај Мајкл Даглас, на погребот присуствувала и неговата сопруга, исто така познатата американска актерка, Кетрин Зета Џонс. Кирк Даглас е роден на 9 декември 1916 година, како Ишур Даниеловиќ во градот Амстердам во сојузната држава Њујорк, во сиромашно семејство на еврејски имигранти кои потекнувале од место во денешна Белорусија. Пред да се приклучи на американската морнарица во 1941 година, името Изи Демски, кое го користел дотогаш, официјално го променил во Кирк Даглас.

Кетрин се прости од Кирк Далгас: „Ќе те сакам до крајот на животот“

Ивана Ефремовски — Thu, 06 Feb 2020 17:52:29 +0000

Познатата актерка Кетрин Зета Џонс се прости од легендарниот актер Кирк Далгас. Заедно со нејзиниот сопруг Мајкл Даглас ја објавија тажната вест за актерот кој почина на 103 години. „Мој драг Кирк, ќе те сакам до крајот на животот. Веќе ми недостигаш. Убаво спиј“, напиша Кетрин на социјалните мрежи и објави нивна заедничка фотографија. Двајцата останаа запаметени по нивниот бакнеж кој се случи на гала вечерата во Лос Анџелс, каде легендарниот актер го прослави неговиот 100-ти роденден.

ФОТО: Холивудската легенда Кирк Даглас „уловен“ како им подарува училиштен прибор на дечиња од Егејска Македонија (ФОТО)

Дарко Андоновски — Thu, 06 Feb 2020 10:36:20 +0000

Македонската обединета дијаспора на својот Твитер профил на несекојдневен начин и со фотографија од далечната 1947-та година се прости од холивудската легенда Кирк Даглас. Имено тој бил фотографиран околу 1947-та година како подарува училиштен прибор на дечиња во Егејска Македонија. - Холивудската легенда Кирк Даглас сликан околу 1947 година каде поклонува училишен прибор на дечиња во Егејска Македонија. Бог да го прости Кирк Даглас!, стои во нивниот пост на Твитер.

Холивудската легенда Кирк Даглас сликан околу 1947 година каде поклонува училишен прибор на дечиња во Егејска Македонија. Бог да го прости Кирк Даглас! pic.twitter.com/eKmZhPX3Qj
— UMD (@UMDiaspora) February 6, 2020

Холивудската легенда Кирк Даглас почина на 103 години

Ивона Петрова — Thu, 06 Feb 2020 06:29:23 +0000

Американскиот актер и продуцент Кирк Даглас почина синоќа на 103 годишна возраст, соопшти неговиот син Мајкл Даглас. -Со огромна тага, јас и моите браќа, ви соопштуваме дека Кирк Даглас денеска нè напушти на возраст од 103 години. За светот тој беше легенда, актер од златната дома на филмовите, кој доживеа златна возраст, хуманитарец чија посветеност на правдата и каузите во кои веруваше поставија стандард кон кој сите целевме. Но, за мене и за моите браќа Џоел и Питер, тој беше едноставно Тато, за Катрин прекрасен свекор, за неговите внуци и правнук сакан дедо, а за неговата сопруга Ен прекрасен сопруг. Животот на Кирк беше добро проживеан и тој остава филмско наследство што ќе остане и за генерациите кои доаѓаат и минато како прочуен филантроп кој работеше за да помогне на јавноста и да донесе мир на планетата. Дозволете ми да завршам со зборовите што му ги кажав на неговиот последен роденден и кои секогаш ќе останат вистина. Тато, те сакам многу и сум горд што сум твој син, напиша Мајкл на социјалните мрежи. Кирк Даглас е роден 9 декември 1916 година. Играл во 95 играни филмови, а продуцирал повеќе од 30. Тој е добитник на почесен „Оскар“ за животно дело.

ФОТО: Легендарниот Кирк Даглас го прослави 103 роденден

Ивона Петрова — Mon, 09 Dec 2019 10:51:39 +0000

Легендата на светската кинематографија, актерот Кирк Даглас наполни 103 години. По повод овој јубилеј во семејниот дом на Дагласови била одржана роденденска забава. Каква била атмсферата преку социјалните мрежи покажа неговиот внук, Камерон Даглас кој на Инстаграм објави неколку фотографии. На една од објавените фотографии се гледа роденденската торта на Кирк, додека на последната е собрано речиси целото семејство и блиските пријатели. Мајкл Даглас и неговата сопруга Кетрин Зета Џонс не присуствувале на роденденот, бидејќи во моментов се наоѓаат во Индија.

Кирк Даглас (102) и Ана (99) во брак се 65 години: Како преживеа најубавата холивудска љубов и покрај искушенијата?

Предраг Кукиќ — Tue, 10 Sep 2019 18:11:36 +0000

Актерите на една од најубавите љубовни приказни досега, која трае веќе 65 години, се легендарниот глумец Кирк Даглас (102) и Ана Бајденс (99). Тие се запознале далечната 1953 година, додека Ана била ангажирана во филмското студио како дублер во филмот „Lust for Life“. Актерот и во тоа време плејбој Кирк биле воодушевен од убавината и интелигенцијата на Ана, и се вљубил во неа на прв поглед. Ја поканил да му се придружи на него и неговите пријатели на ручек и постојано си велел себеси дека оваа жена не смее да го одбие, таа мора да биде негова. Во тоа време, илјадници жени сонувале да бидат поканети на ручек од Кирк Даглас, но Ана ја одбила поканата. Всушност, таа била првата жена што го одбила. „Таа беше неосвоива и „најтешка“ жена, која што некогаш ја имав сретнато. Се сметав себе си за ѕвезда, неодолив и прекрасен човек и ладнокрвно ми рече: Благодарам, но јас сум уморна. Извинете, и си замина”, раскажува Даглас. во интервјуа. Неговата прва реакција на отфрлањето на Ана бил бес. Како тоа една жена да го одбие? Но, нешто не му давало мир и тој не сакал да се откаже од Ана. Како конечно успеа да ја освои? Ана го одбила Даглас уште неколку пати. Тогаш сфатил дека сигурно прави нешто погрешно, кога девојката дури и не сака да испие пијалак со него. „Престанав да го изигрувам романтичниот херој и не се обидував повеќе да ја импресионирам. Престанав да зборувам за себе и почнав да ја слушам што зборува. Тогаш започна вистинската љубовна приказна”, напиша Кирк подоцна во мемоарите. Актерот дал се од себе за да и покаже на Ана дека не е арогантен плејбој кој спие со секоја жена што му се нуди. Наместо на вечера и хотел, тој ја поканил Ана на хуманитарен концерт и циркус. Таму се пријавил да јава слонови. „Тоа е она што ме освои кај него, непредвидливоста. Не само што беше смешно и забавно, туку можев да видам дека Кирк може да биде сосема поинаков отколку што се претставуваше себеси. И што е најважно, тој беше способен за тоа што никој не би го направил, во позитивна смисла“, вели Ана. Тие се венчале во мај 1954 година, една година откако се запознале. За сето ова време, Даглас ја опсипувал со оригинални љубовни писма. Тој и ги пишувал секој ден, каде и да го водела работата. И пишувал колку му недостасува и оти сонува дека Ана ќе биде со него секој ден од животот. Со текот на времето, Ана сфатила дека не е за него трофеј, туку љубов. И дека тој е љубов на нејзиниот живот. Љубовта на Кирк и Ана минала низ многу искушенија. Ана заболела од карцином на дојка и поминала низ тешка борба, додека Кирк паднал во депресија и на крајот доживеал мозочен удар, од кој никогаш не се опорави целосно. Заедно преживеаја најстрашна трагедија што може да му се случи на еден човек – тие изгубија еден син. Но, ништо не успеа да ги раздели. Останаа заедно повеќе од шест децении, а со годините тие само уште повеќе се сакаат.