киро глигоров – Kurir.mk

Дваесет и осум години од атентатот врз претседателот Киро Глигоров

Тале Кристо — Tue, 03 Oct 2023 06:58:15 +0000

Пред 28 години на 3 октомври беше извршен атентат врз првиот претседател на Република Македонија Киро Глигоров, кој го преживеа со тешки повреди на главата. На местото на атентатот загина неговиот возач Александар Спировски, а беше повреден телохранителот на Глигоров, Илчо Теовски. Како последица од повредите почина и случајниот минувач Христо Христоманов, а беа повредени и Климе Коробар и Јован Атанасовски. Останува непознато кој стоел зад атентатот. Истражната постапка која се води против непознат сторител се уште е отворена. Истрагата утврди дека атентатот бил добро подготвен и организиран и оти само среќна околност е што претседателот Глигоров го преживеа атентатот. Денеска се навршуваат 10 години од смртта на првиот претседател на независна Република Македонија Киро Глигоров. Нападот беше извршен со автомобил-бомба на 3 октомври 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Во автомобил „цитроен ами 8“ биле скриени 20 килограми експлозив, кој бил активиран со далечински управувач кога возилото на Глигоров се движеше кон зградата на Собранието. Пред експлозијата службеното возило на претседателот на улицата „Македонија“ го забавило едно „фиќо“. Глигоров атентат Во истрагата биле претресени 30.850 возила и прегледани повеќе од 15.000 објекти, легитимирани биле повеќе од 188.000 лица, од кои 19.000 биле претресени. МВР извршило и повеќе информативни разговори со луѓе за кои сметало дека се можни сторители на атентатот, но сите тие биле пуштени по испрашувањата. Киро Глигоров почина на 1 јануари 2012 година на 94 години.

На денешен ден е роден Киро Глигоров: Претседателот влезе во Гинисовата книга на рекорди и беше прв носител на „Орденот на Република Македонија“

Ивана Ефремовски — Wed, 03 May 2023 06:03:38 +0000

На денешен ден во 1917-та година во Штип е роден Киро Глигоров, првиот претседател на самостојна Република Македонија. Бил претседател во два мандата од 1991 до 1999 година. По пензионирањето Киро Глигоров бил активен како публицист. Глигоров е автор на неколку дела, главно пишувани по завршувањето на неговиот мандат како претседател - „Македонија е сè што имаме“ (2001), „Атентат - ден потоа“ (2002), „Виорни времиња: Република Македонија реалност на Балканот“ (2004) и „Сите југословенски (стопански) реформи“ (2006). Тој е основач и на фондацијата „Киро Глигоров“. Киро Глигоров беше најстариот македонски политички функционер. На 17 ноември 1999 година, кога заврши неговиот втор претседателски мандат, тој имаше 82 години, а во 2000 година Гинисовата книга на рекорди го забележа Глигоров како најстар претседател на држава во светот. На 8 април 1993 година Глигоров првпат се обрати на македонски јазик на говорницата на Обединетите нации кога Република Македонија стана 181. членка на ОН. На 3 октомври 1995 година во 9 часот и 50 минути преживеа атентат со автомобил-бомба поставен на улицата „Македонија“ во непосредна близина на хотелот „Бристол“. Во 2005 година стана прв носител на „Орденот на Република Македонија“. Починал на 1 јануари 2012 година.

Отворен ден за посета на спомен собата на Киро Глигоров во Штип

Тале Кристо — Tue, 02 May 2023 14:09:10 +0000

Општинскиот мултимедијален центар „Киро Глигоров“ утре организира отворен ден за посета на спомен собата на Киро Глигоров. Кирил Панајотов вработен во Општина Штип вели дека по повод денот на раѓањето на Глигоров, граѓаните може да ја посетат спомен собата и да се запознаат преку фотографии, предмети, експонати со личниот и професионален живот на Глигоров. -Ја продолжуваме таа традиција, утре е отворен ден на спомен собата на Глигоров и ќе дојдат има веќе најавено и организирани посети ама и граѓани кои по сопствена инцијатива ќе дојдат да ја посетат спомен собата. Ние во рамките на тоа ќе им понудиме да може да ја погледнат изложбата од фотографии кои го отсликуваат животот на Глигоров, од неговото раѓање, школување, учеството во НОБ, во СФРЈ, сведоштво од двата мандати на претседателот Глигоров, како и фотографии од неговиот личен живот, вели Панајотов. Тој истакна Глигоров беше скромна личност и за која вреди да се научи нешто плус. -Во суштина претседателот Глигоров беше многу скромна личност. Тој не истакнуваше некои работи кои навистина биле важни, значајни чекори кои ги преземал и како функционер, но и како човек. Лично задоволство ми е што имав прилика да допрам до документи кои многу малку се знаат од јавноста за Глигоров и тука неговата скромност доаѓа до израз, рече Панајотов. Тој ги повика граѓаните да ја посетат спомен собата на Глигоров која утре е отворена. Забележува дека оваа спомен соба може да се посети и секој работен ден од понeделник до петок.

Триесет и две години од изборот на Киро Глигоров за прв претседател на независна Република Македонија

Тале Кристо — Fri, 27 Jan 2023 12:57:58 +0000

Пред 32 години Киро Глигоров беше избран за прв претседател на независна и суверена Република Македонија. Глигоров беше претседател на Република Македонија во два мандата, заклучно до 17 ноември 1999 година. Тој го имаше првото обраќање на македонски јазик на говорницата на Обединетите нации кога Република Македонија на 8 април 1993 година стана 181-та членка на Светската организација. На 3 октомври 1995 година преживеа атентат со автомобил-бомба поставен на улицата Македонија во непосредна близина на хотелот „Бристол”. По завршувањето на неговиот мандат како претседател беше посветен на публицистичка дејност, а меѓу делата е автор и на книгата „Македонија е сè што имаме” (2001). Почина на 1 јануари 2012 година во Скопје во неговиот дом на 94-годишна возраст.

Единаесет години од смртта на претседателот Киро Глигоров

Ивана Ефремовски — Sun, 01 Jan 2023 08:05:53 +0000

Денеска се навршуваат 11 години од смртта на првиот претседател на независна Република Македонија Киро Глигоров. По повод годишнината од смртта на првиот претседател на Републиката, Киро Глигоров, делегација на Собранието, предводена од потпретседателот Горан Мисовски, во состав Марија Георгиевска, Љатифе Шиковска и Тони Јаревски, ќе положи свежо цвеќе на неговото вечно почивалиште на Градските гробишта Бутел во Скопје. Глигоров почина на 1 јануари 2012 година во Скопје во својот дом на 94-годишна возраст. Беше најстариот македонски политички функционер. На 17 ноември 1999 година, кога заврши неговиот втор претседателски мандат, тој имаше 82 години, а во 2000 година Гинисовата книга на рекорди го забележа Глигоров како најстар претседател на држава во светот. Во 1991 година ја предводеше Македонија која по мирен пат се осамостои од дотогашната Социјалистичка Федеративна Република Југославија во која Глигоров извршуваше високи државни функции. На 8 април 1993 година Глигоров првпат се обрати на македонски јазик на говорницата на Обединетите нации кога Република Македонија стана 181. членка на ОН. На 3 октомври 1995 година преживеа атентат со автомобил-бомба поставен на улицата Македонија во непосредна близина на хотелот „Бристол“. По пензионирањето беше активен како публицист. Глигоров е автор на неколку дела, главно пишувани по завршувањето на неговиот мандат како претседател – „Македонија е сè што имаме“ (2001), „Атентат – ден потоа“ (2002), „Виорни времиња: Република Македонија реалност на Балканот“ (2004) и „Сите југословенски (стопански) реформи“ (2006). Тој е основач и на фондацијата „Киро Глигоров“. Во 2005 година стана прв носител на „Орденот на Република Македонија“. (МИА)

27 години од атентатот врз Киро Глигоров

Ивона Петрова — Mon, 03 Oct 2022 06:01:25 +0000

На денешен ден пред 27 години врз претседателот Киро Глигоров беше извршен атентат, а оттогаш иако имаше бројни заложби и ветувања дека нарачателите и извршителите ќе бидат пронајдени и донесени пред лицето на правдата, досега нема никакви конкретни резултати, а атентатот врз првиот македонски претседател паѓа во заборав. Во историјата ќе остане запишано дека на 3 октомври 1995 година врз претседателот беше извршен неуспешен обид за атентат. Глигоров го преживеа атентатот со тешки повреди во пределот на главата. На местото на атентатот загина неговиот возач Александар Спировски, а беше повреден телохранителот на Глигоров, Илчо Теовски. Исто така, на повредите подоцна им подлегна и Ристо Хаџиманов, пензионер, кој бил случаен минувач покрај местото на настанот. Нападот беше извршен со автомобил-бомба на 3 октомври во 9:50 часот на улицата „Македонија“ пред хотелот „Бристол” во Скопје, кога Глигоров со службено возило се движел од неговата резиденција до работното место во Собранието. Бомбата, поставена во автомобил АМИ 8, експлодираше кога автомобилот на претседателот поминувал покрај него. Од силината на експлозијата, Цитроенот беше целосно распарчен, а делови од возилото се разлетале наоколу. Експлозивната направа е производство на ЈНА, а содржела еден килограм пластичен експлозив, со стотици челични топчиња кои имале смртоносно дејство во радиус од околу 50 метри. За обидот за атентат врз него, Глигоров напиша и автобиографска книга „Атентат – ден потоа“, што ја промовираше во 2002 година. Првиот претседател на независна Република Македонија, Киро Глигоров почина од природна смрт на 94 годишна возраст на 1- ви јануари 2012 година.

Десет години од смртта на претседателот Киро Глигоров

Катерина Бојаџиева — Sat, 01 Jan 2022 08:06:45 +0000

Денеска се навршуваат 10 години од смртта на првиот претседател на независна Република Македонија, Киро Глигоров. Претседателот на државата Стево Пендаровски и делегација на Собранието на Градските гробишта – Бутел денеска ќе положат цвеќе на гробот на Глигоров, по повод 10 – годишнината од неговото упокојување. Глигоров почина на 1 јануари 2012 година во Скопје во својот дом на 94-годишна возраст. Беше најстариот македонски политички функционер. На 17 ноември 1999 година, кога заврши неговиот втор претседателски мандат, тој имаше 82 години, а во 2000 година Гинисовата книга на рекорди го забележа Глигоров како најстар претседател на држава во светот. Во 1991 година ја предводеше Македонија која по мирен пат се осамостои од дотогашната Социјалистичка Федеративна Република Југославија во која Глигоров извршуваше високи државни функции. На 8 април 1993 година Глигоров првпат се обрати на македонски јазик на говорницата на Обединетите нации кога Република Македонија стана 181. членка на ОН. На 3 октомври 1995 година преживеа атентат со автомобил-бомба поставен на улицата Македонија во непосредна близина на хотелот „Бристол“. По пензионирањето беше активен како публицист. Глигоров е автор на неколку дела, главно пишувани по завршувањето на неговиот мандат како претседател – „Македонија е сè што имаме“ (2001), „Атентат – ден потоа“ (2002), „Виорни времиња: Република Македонија реалност на Балканот“ (2004) и „Сите југословенски (стопански) реформи“ (2006). Тој е основач и на фондацијата „Киро Глигоров“. Во 2005 година стана прв носител на „Орденот на Република Македонија“.

Нарачателите и извршителите останаа мистерија: 26 години од атентатот врз Киро Глигоров

Ивона Петрова — Sun, 03 Oct 2021 07:23:53 +0000

На денешен ден пред 26 години врз претседателот, Киро Глигоров беше извршен атентат, а оттогаш иако имаше бројни заложби и ветувања дека нарачателите и извршителите ќе бидат пронајдени и донесени пред лицето на правдата, досега нема никакви конкретни резултати, а атентатот врз првиот македонски претседател паѓа во заборав. Во историјата ќе остане запишано дека на 3 октомври 1995 година врз претседателот беше извршен неуспешен обид за атентат. Глигоров го преживеа атентатот со тешки повреди во пределот на главата. На местото на атентатот загина неговиот возач Александар Спировски, а беше повреден телохранителот на Глигоров, Илчо Теовски. Исто така, на повредите подоцна им подлегна и Ристо Хаџиманов, пензионер, кој бил случаен минувач покрај местото на настанот. Нападот беше извршен со автомобил-бомба на 3 октомври во 9:50 часот на улицата „Македонија“ пред хотелот „Бристол” во Скопје, кога Глигоров со службено возило се движел од неговата резиденција до работното место во Собранието. Бомбата, поставена во автомобил АМИ 8, експлодираше кога автомобилот на претседателот поминувал покрај него. Од силината на експлозијата, Цитроенот беше целосно распарчен, а делови од возилото се разлетале наоколу. Експлозивната направа е производство на ЈНА, а содржела еден килограм пластичен експлозив, со стотици челични топчиња кои имале смртоносно дејство во радиус од околу 50 метри. За обидот за атентат врз него, Глигоров напиша и автобиографска книга „Атентат – ден потоа“, што ја промовираше во 2002 година. Првиот претседател на независна Република Македонија, Киро Глигоров почина од природна смрт на 94 годишна возраст на 1- ви јануари 2012 година.

Пендаровски им оддаде почит на Киро Глигоров и Борис Трајковски

Ивона Петрова — Wed, 08 Sep 2021 07:55:45 +0000

Претседателот Стево Пендаровски, по повод 8 Септември – Денот на независноста, денеска положи свежо цвеќе на вечните почивалишта на покојните претседатели Киро Глигоров и Борис Трајковски на градските гробишта Бутел во Скопје.

Девет години од смртта на Киро Глигоров

Ивона Петрова — Fri, 01 Jan 2021 11:47:53 +0000

Денеска се навршуваат 9 години од смртта на првиот претседател на независна Република Македонија, Киро Глигоров. Тој почина на 1 јануари 2012 година на 94 години во својот дом во Скопје. Делегација на Владата предводена од министерот за правда Бојан Маричиќ и министерката за образование и наука Мила Царовска денеска положи цвеќе на гробот Глигоров, во алејата на великаните на Градските гробишта Бутел во Скопје.