Киро Нацков – Kurir.mk

Нацков: Во Градско се гради обиколница во вредност од 7.600.000 денари

Ивана Ефремовски — Tue, 25 Apr 2023 11:21:14 +0000

Ние направивме една обиколка во населеното место Градско, му беше презентирано тоа што е сработено и тоа што во иднина ќе се работи и му беа презентирани проектите кои што се завршени и некои кои што се во тек. Денеска се наоѓаме на локација каде што од денешен аспект започнува со изградба оваа улица која што ние ја нарекуваме „Обиколница“, која што е тендерирана од Министерството за транспорт и врски, средствата се обезбедени од Светска банка и се износ од 7 600 000 денари и обиколница која што всушност треба да го растерети сообраќајот во Градско односно тешките моторни возила кои што минуваат низ централното подрачје би требало да поминуваат тука, тие од денеска започнуваат со градба па така дојдовме на увид всушност на работите кои што се одвиваат тука, истакна Киро Нацков, градоначалник на општина Градско. -Посебно сакам да истакнам две работи по кои што сме карактеристични, односно кои што ги нема никој го Македонија до сега воведено, а тоа е прво бесплатна градинка за сите деца во Градско односно средства кои што ги обезбедуваме од буџетот на општината и со кои што во целост всушност ги плаќаме придонесите на родителите кои што треба да ги одвојат за сопствените деца за да одат во градинка. Втората работа која што почнуваме од вторник односно од 2-ри мај а тоа е бесплатен оброк, прво за децата од прво до петто одделение. Зошто сега го започнавме сето ова? Зошто кон крајот на школската година? Затоа што сакаме прво да видиме како ќе се одвива проектот, дали ќе има одредени аномалии, дали родителите ќе бидат задоволни, дали децата не дај боже ја фрлаат храната и така натаму. Доколку се се покаже како што треба , од 1-ви септември продолжуваме со истата пракса, значи бесплатен оброк за сите деца од прво до петто одделение, ако е са како што треба од наредниот буџет од 2024 година тој ќе го надоградиме, што значи дека ќе се однесува на сите деца, односно од прво до деветто одделение, посочи тој.

Во Градско почна изградбата на систем за водоснабдување со питка вода

Ивана Ефремовски — Tue, 07 Mar 2023 10:15:40 +0000

Започнува со реализација проектот “Изградба на систем за подобрување на водоснабдување со питка вода за Градско со два цефководи” со средства од Европска инвестициона банка во висина од 12.757.482,00 денари, напиша на својот фејсбук профил градоначалникот на Општина Градско, Киро Нацков. Изведувач на градежните работи е Друштвото за градежни работи, производство, трговија и услуги МИНТ – Инженеринг.

Нацков: Во Општина Градско децата се приоритет број еден, затоа обезбедивме бесплатна градинка за секое дете, бесплатен оброк за учениците од I-V одд. и стипендии за најдобрите

Тале Кристо — Sat, 26 Feb 2022 15:37:14 +0000

Во ова кратко време успеав да воспоставам динамика во работата, да ги елеминирам непотребните трошоци и заштедените финансии да ги пренасочам директно кон потребите на граѓаните, односно кон најмладите, кон учениците, социјално загрозените и лицата со инвалидност, вели градоначалникот на Општина Градско, Киро Нацков на денешниот регионален отчет за градоначалниците од Вардарскиот плански регион организиран во Велес, насловен „Промени што носат иднина – 100 дена локална власт отчет на ВМРО-ДПМНЕ“. Посочи дека вложува максимални напори за решавање на проблемите и потребите на локалното население, при што додаде дека во општина Градско децата и учениците се приоритет број еден, за што заедно со Советот и вработените обезбедиле бесплатна градинка за секое дете, бесплатен оброк за учениците од прво до петто одделение како и стипендии за првенците основци, средношколци и студенти. -Она за што сум посебно горд и за кој што сметам дека сме единствени во Република Македонија кои што го ветивме во нашата програма и го реализиравме, а тоа е, од први јануари оваа година во Општина Градско има бесплатна градинка за секое дете. Нас децата ќе ни бидат приоритет број еден, децата ќе бидат на прво место во овој мандат, во овие четири години. Со помош на Советот и со помош на вработените во општината обезбедивме финансиски средства, од први септември наредната учебна година 2022-2023 да има бесплатен оброк за секое дете, односно за секој ученик од прво до петто одделение, а потоа истата мерка да ја зголемиме за сите ученици во Општина Градско од прво до деветто одделение. За децата да ни бидат приоритет број еден и на прво место, обезбедивме финансиски средства за стипендирање на еден основец, еден средношколец и еден студент, односно најдобрите во Општина Градско. Тоа така ќе биде и во наредните четири години, рече Нацков. Посочи дека во овој период, успеале да реализираат и две песплатни екскурзии, една по барање на жителите на општината и една бесплатна екскурзија која што ќе следува за пензионерите, додавајќи дека има ветено и ќе реализира бесплатни екскурзии за пензионерите во општина Градско во текот на целата година. Нацков исткна дека почна со решавање на еден од сериозните проблеми со кои се соочуваа жителите во општината, а тоа изградба на капела која во најкус можен рок ќе биде пуштена во употреба. Во делот на инфраструктурата, Нацков ги наброја многуте улици кои се реконструирани и веќе пуштени во употреба, како и изготвените документации и обезбедените финансиски средства за изградба и реконструкција на неколку улици и патни правци кои се од особено значење за жителите на општина Градско. -Конечно се заврши работата на улица Илинденска, која што беше во должина од 310 метри, со која што самата општина беше блокирана подолг временски период. Се заврши во целост изградбата на улица Панко Брашнаров со атмосферска канализација, поставени се бекатон коцки на крајот на улицата, направено е темпонирање, од пред неколку дена извршено е и асфалтирање во тој дел каде што беше предвидено. Во фаза на реализација и реконструкција на дел од локалниот пат Градско – село Подлест во должина од 140 метри. Потоа, обезбедени се средства преку Вардарски плански регион, за изградба на еден километар делница од село Чичево до манастир Цв. Архангел Михаил, најзначајното и најбитното светилиште во нашата општина. Во овој момент се реализира тампонирање на пристапен пат до земјоделски површини во село Виничани во должина од 900 метри. Во фаза на реализација е улицата Јане Сандански или кај нас попознато, уливата која што треба да го спои Градско со населбата Стопанство во должина од 817 метри. Во овој момент се отвараат понудите, таа на пролет ќе биде реализирана со пари од Светска банка. Потоа, во фаза на реализација и проектот за реконструкција на локалниот пат село Виничани од регионалниот пат до влезот на селото во должина од 1100 метри, проектот е исто така во фаза на отварање на понудите, финансисран од Светска банка, истакна Нацков. Додаде дека во фаза на реализација е и проектот за подобрување на водоснабдувањето во Градско со питка вода за пиење со два цевководи, во вредност од 210 илјади евра, проектот кој го завршивме целосно во делот на прибирање на сите дозволи кои што ни беа потребни во овој петриод, за кој сега следува тендерирање.

Нацков: Се надеваме на поголема поддршка за Градско како мултикултурна општина и следната влада на ВМРО-ДПМНЕ

Тале Кристо — Thu, 16 Dec 2021 13:09:04 +0000

Општина Градско денеска одблежува 25 години од нејзиното постоење. На одбележувањето на денот на општината присуствуваше и лидерот на ВМРО-ДПМНЕ Христијан МИцкоски. -Сакам да ви се заблагодарам за присуството на 25-годишнината од постоењето на општина Градско во независна суверена Република Македонија. За нас ова беше голема чест и присуството на претседателот на ВМРО-ДПМНЕ, господин проф. д-р. Христијан Мицкоски, изјави денеска градоначалникот на општина Градско Киро Нацков. -Ние денеска прославуваме 25 години од нашето постоење, релативно млада и мала општина. Но, тука во центарот на Македонија претпоставувам дека маме прилично големо значение заради нашата местоположба, заради структурата на населението, заради нашиот мултикултурен аспект кој што го поседуваме, заради културите кои што се испреплетуваат тука во изминатиов временски период . Па, се надевам со новата Влада на професорот Христијан Мицкоски која што ќе биде во наредната 2022 година ќе имаме поголема поддршка и како општина и како население во сите наши проекти кои што ни се предвидени за реализација во наредниот период. Се надевам дека со нови луѓе, со нови сили ќе направиме повеќе и за општината, ќе направиме повеќе и за Македонија, рече Нацков.

Градско доби градоначалник од ВМРО-ДПМНЕ

Ивана Ефремовски — Mon, 18 Oct 2021 08:33:40 +0000

Киро Нацков од ВМРО-ДПМНЕ е новиот градоначалник на општина Градско. Тој освои 55,66% од гласовите на граѓаните. Неговиот противкандидат од СДСМ, Роберт Бешовски ги загуби изборите освојувајќи 841 глас од своите сограѓани.

Нацков: Од 1-ви јануари 2022 бесплатна градинка за сите деца, бесплатни оброци за основците, стипендии за најдобрите во Градско

Ивана Ефремовски — Sat, 09 Oct 2021 17:34:42 +0000

На вечерашниот митинг на ВМРО-ДПМНЕ во општина Градско, кандидатот за градоначалник од ВМРО-ДПМНЕ, Киро Нацков, истакна дека неговото внимание ќе биде насочени кон младите затоа што вложувањето во нив е нужно во време на масовно иселување, вети дека ќе има бесплатна градинка за секое дете, стипендии за најдобрите, бесплатни оброци за основците, екскурзии за пензионерите,а најави и ревизија на работењето на локалната власт. -Во изминатиов период имав прилика да се сретнам со голем број на луѓе, да ги слушнам нивните приказни од секаков аспекти, навредите, манипулациите, закани кои ги доживуваат граѓаните на Градско, денеска најново кај ромското население со кинење на социјалната помош, закани од институциите на вработените од министерство за внатрешни работи, министерство за одбрана и други институции, поткупи, а власта тука не разговара за проекти и како да се натпреварува културно, туку се фали дека имаат многу пари и со поткуп и закани ќе победеле, критикуваше Нацков. Тој посочи дека во Градско попусти се заканите и поткупите затоа што на 18-ти ќе се види кој лажел и крадел изминативе години, а ревизија ќе има на се’ што правела власта тука изминативе четири години, трошоци за јадење и пиење на општинските власти додека народот не може да врзе крај со крај, затоа што не им е гајле и никогаш не ни им било гајле, појасни Нацков. -Една од работите на кои ќе се фокусирам во следните години ќе бидат децата и младите, нема да зборувам улици, патишта, бекатон затоа што тоа е тековна работа, да не се сликаме повеќе со бекатонот и како сме направиле улици, тоа е тековна работа на секој градоначалник, а власта во Градско една уличка за четири месеци не може да направи, а оние суми кои ги споменав претходно веќе ќе ги нема, парите кои планирам да ги употребам веќе од први јануари 2022 година ќе има бесплатна градинка за секое дете во Градско, родителите веќе нема да се грижат за финансиски средства за градинка, ќе има и за бесплатни екскурзии, рече Нацков. Тој истакна дека од почеток на учебната 2022/2023 година секое дете од прво до петто одделение ќе добиваат бесплатен оброк, а од наредните учебни години тоа да важи и за сите останати деца, а тоа ќе биде остварено, вети Нацков -Бесплатни екскурзии за пензионерите минимум две годишно, стипендирање на еден студент, еден средношколец и еден основец, секоја година по едно дете, мораме да вложиме во нашите деца затоа што иселувањето не убива, мора да се посвети внимание на иселувањето и внимание за најдобрите, доста не водеа најлошите од генерациите, а имаме многу квалитетни деца кои не смееме да ги пуштиме да си одат, туку да им овозможиме иднина тука, истакна Нацков. Тој посочи исто така граѓаните на Градско да не се плашат, иако се под притисоци и закани, да излезат на 17-ти и да ја дадат поддршката за ВМРО-ДПМНЕ.