Киро Здравев – Kurir.mk

Претседателот на Судски совет му одобрил на кандидат за претседател на Врховен да преполага тест?

Ивона Петрова — Wed, 03 Feb 2021 11:27:01 +0000

Претседателот на Судскиот Совет, Киро Здравев му дозволил на еден од кандидатите да го преполага тестот за интегритет на судијата Џемали Саити, кој е еден од кандидатите за претседател на Врховниот суд. Курир се обиде да ги провери ваквите информации во судот, но од таму до објавување на овој текст одговор нема. Во трка за претседател на Врховниот суд покрај Саити, се и врховните судии Беса Адеми и Лидија Неделкова. Дел од албанските медиуми пред десетина дена пишуваа дека двајца од тројцата кандидати за претседател на Врховниот суд сè уште направиле психолошки тест и тест за интегритет и затоа интервјуата со кандидатите сè уште не се започнати. -Ги разгледавме апликациите, видовме дека двајца од кандидатите немаа психолошки тест и тест за интегритет. Тие мора да одат во Институтот за социолошки истражувања за да ги направат тестовите. Потоа ќе има интервјуа и дури потоа ќе биде избран нов претседател на Врховниот суд. Планираме до крајот на јануари да се избере нов претседател, изјави Здравев кон крај на минатиот месец за „Порталб.мк“.

Здравев со порака до власта: Наместо декларативно залагање за независно судство, започнете со видливи дела

Дарко Андоновски — Tue, 24 Nov 2020 18:40:12 +0000

Вечерва во „24 Анализа“ гостуваше Киро Здравев,првиот човек на Судски совет кој што испрати порака до власгта дека наместо да се залагаат за независно судство преку зборови, нека започнат да се залагаат преку видливи дела. „Сакам да кажам една работа, да испратам една порака до извршната и законодавната власт да нивната желба за самостално и независно судство не ја пласираат само декларативно туку со конкретни дејствија и видливо да потврдат дека и те како се заинтересирани за самостојноста и назависноста на судството“, истакна Здравев. Здравев на самиот крај од емисијата нагласи дека најбитно е во иднина мора да се инвестира во човечките ресусрси од причини што тие инвестиции се најјаки капитални инвестиции.

Здравев: За да се спроведе онлајн судење, прво треба да се опремат судовите со информатичка опрема

Дарко Андоновски — Tue, 24 Nov 2020 18:08:53 +0000

„На некој начин ние не сме спремни, дигитализирани за да можеме сите судови да одговориме на онлајн судењата. Јас испратив писмо до претседателите на судовите и многу мал е бројот на судовите каде што може да се спроведуба онлајн судење“, истакна Киро Здравев, првиот човек на Судски совет при гостување во емисија на телевизија 24. Здравев додаде дека за да се спроведе онлајн судење прво треба да се обезбедат компјутери, па потоа да се говори за тоа. „Потребна е информатичка опрема, за да можеме судовите да ги опремиме и да се врши онлајн судење“, рече Здравев.

Милошоски: Здравев знае дека е подобар кандидат за уставен судија од Кацарска

Магдалена Андонова — Thu, 05 Nov 2020 13:01:33 +0000

Зошто претседателот на Републичкиот судски совет, Киро Здравев кој е предлагач во имае на РСС не одбои барем пет минути да не удостои за квалитетите на предложениот судија за Устаен суд, Добрила Кацарска, праша на дебатата на собраниската седница за предлог на уставен судија, пратеникот од ВМРО-ДПМНЕ Антонио Милошоски. Според него Здравев добро знае дека тој е 10 пати подобар кандидат од Добрила Кацарска. -Здравев завршил Правен факултет, станал судија во Основен суд во Штип, градел искуство на судски предмети, бил во Апелација, па во Врховен , а бил вклучен и во Академијата на судии за пренесување на знаење на идните судии и обвинители, рече пратеникот Милошоски. Милошоски посочи дека парламентот и јавноста се потценети. -Не добивме ни 5 минути образложение за тоа која е личноста што се предлага за уставен судија. Во Уставниот суд според сознанија само една личност во таа институција е послаба и доаѓа како партиско решение, сите останати се подобри од предлогот Кацарска да биде судија, рече Милошоски.

Киро Здравев е нов претседател на Судски совет: Од септември расчистување со нестручните судии

Ивана Ефремовски — Thu, 25 Apr 2019 17:53:32 +0000

Врховниот судија Киро Здравев застанува на чело на Судскиот совет. Како единствен кандидат за оваа функција тој денеска ја доби поддршка од сите 12 членови на советот, кои присуствуваа на седницата. Пред нив, но и пред новинарите Здравев вети дека својот двегодишен мандат ќе го посвети на враќањето на интегритетот на судската професија и довербата на граѓаните во правосудството. Еден од приоритетите ќе бидат и заостанатите постапки за нестручно постапување на судии. Негов заменик во следните две години ќе биде Селим Адеми, чиј мандат како член на судскио совет истекува за 6 месеци. Но Адеми вели дека ова нема да биде пречка да ја извршува функцијата. Поддршка за изборот на Здравев и Адеми даде и првиот човек на Врховен Јово Вангеловски. Министерката Дескоска иако поканета, не присуствуваше на денешната седница на Судскиот совет. Од министерството за правда се повикуваат на одредбите од новото законско решение донесено вчера согласно препораките на ГРЕКО, според кои министерот за правда не присуствува на седници кога се вршат избори на судии или членови на судскиот совет.