киви – Kurir.mk

Направете си сируп од киви – може да спречи појава на тромб, згрутчување на крвта, но и ризик од мозочен удар

Ивана Ефремовски — Wed, 22 Mar 2023 20:50:43 +0000

Сокот од киви е нешто што треба да го вклучиме во секојдневната употреба бидејќи делува благотворно на организмот и е полн со различни здрави состојки. Одличен е за оние кои имаат проблеми со песок во бубрезите и жолчката. Сокот од киви ќе ви обезбеди големо количество калиум и влакна, кои исто така можат да ве заштитат од срцеви заболувања. Треба да бидете внимателни со дневната количина на сок од киви. Не треба да пиете повеќе од 1-2 чаши сок што сте го разредиле со вода, бидејќи може да сте алергични на киви. Состојки: 1,5 килограми свежи и излупени киви половина килограм шеќер 1,5 литри вода Подготовка: Кивито излупете го и исецкајте го, ставете го во блендер и изблендирајте. Ако немате блендер при рака, можете да користите и мелница за домати. Потоа изблендираното киви поминете го низ густа цедалка за да испушти што повеќе сок. Потоа зовријте ја водата, кога водата ќе зоврие почекајте да се излади. Во исцедениот сок од киви додајте ја провриената вода што се оладила и половина килограм шеќер. Мешајте околу 20 минути додека шеќерот целосно не се раствори. Стаклените шишиња во кои ќе го истурите домашниот сок од киви стерилизирајте ги и ставете ги во фрижидер. Пред да го користите сокот, разредете го со вода. Сокот или сирупот од киви содржи: витамин А, витамини од Б комплексот, витамин Ц, витамин Е, витамин К, селен, калциум, калиум, фосфор, каротеноиди, железо, хлорофил, лутеин, јаглехидрати, флавоноиди и затоа се препорачува да се користи во исхрана за бебиња, а кивито особено се препорачува за време на бременоста.

Зад добриот вкус лежат многуте хранливи материи, ОВА овошје може да се јаде цела година

Ивана Ефремовски — Thu, 12 Jan 2023 08:31:48 +0000

Кивито за првпат станало популарно на Нов Зеланд, а плодовите на ова овошје денес ги уживаат луѓето ширум целиот свет. Зад добриот вкус лежат многуте хранливи материи, како што се витамин Ц, К и Е, фолна киселина, калиум, растителни влакна и антиоксиданти. Кивито може да се консумира цела година. Следат некои од здравствените придобивки од ова овошје… Антиоксидансите, односно витаминот Ц го подобрува имунолошкиот систем и помага во спречување настинка и грип. Натаму, како што покажуваат и научните истражувања, консумирањето три киви на ден може да го намали крвниот притисок. Причината за ова е што ова овошје содржи лутеин, што исто така, е моќен антиоксиданс. Кивито (како и повеќето овошја) содржи и многу растителни влакна, а тие пак, поволно влијаат на целокупниот систем на варење. Кивито го подобрува и видот. За повеќето луѓе, кивито е безбедно за јадење, но кај оние кои се алергични на ова овошје, може да се појави отечен јазик, осип, тешко голтање, па и повраќање.

Киви- витаминско чудо кое го штити здравјето

Катерина Бојаџиева — Tue, 06 Dec 2022 09:20:56 +0000

Кивито изобилува со висока хранлива содржина и е една од најдравите производи на природата. Еве зошто треба да јадете киви почесто: Содржи големо количество на витамин Ц Кивите содржат два пати повеќе витамин Ц отколку лимонот и портокалот. Витаминот Ц делува како моќен антиоксидант, елиминирајќи ги слободните радикали кои можат да предизвикаат воспаление или рак. Исто така помага за подобрување на имунитетот. Го подобрува спиењето Многубројните истражувања покажале дека ова овошје содржи голем број состојки кои се корисни во медицината, меѓу кои и антиоксиданти и серотонин, кои помагаат за луѓето кои страдаат од несоница. Јадењето киви пред спиење може да ви помогне полесно и мирно да заспиете. Тоа е одличен извор на диетални влакна Ова егзотично овошје е одличен извор на диетални влакна, кои помагаат во превенцијата од многубројни болести. Зголеменото конзумирање на храна богата со растителни влакна може да го намали ризикот од кардиоваскуларните болести. Ваквата храна ве одржува сити подолго време, помага при губењето на тежината и често се препорачува за дијабетичари. Помага во варењето на храната Овошјето киви во себе содржи ензим познат како „actinidain“, кој е познат по своите протеински растворливи својства. Покрај тоа што помага во варењето на протеините во телото, тоа исто така им помага и на пациентите кои страдаат од синдром на нервозно дебело црево. Тоа е одличен извор на фолат Кинезите од секогаш го ценеле ова овошје поради неговите лековити својства. Тоа е одличен извор на витамин Б6, исто така познат како фолат, за кој се смета дека е од корист на бремените жени. Тој помага за развојот на фетусот и го прави здрав. Исто така е добар и за деца кои сè уште растат. Изобилува со витамини и минерали Овошјето киви е преполно со витамини и минерали како што се витамините А, Б6, Б12, Е, калиум, калциум, железо и магнезиум. Тие заедно придонесуваат за правилното функционирање на телото, циркулацијата на крвта преку крвните садови, борбата против стрес, апсорпцијата на железо за здрави коски, добар вид, итн. Високото ниво на калиум помага во одржување на крвниот притисок, додека магнезиумот помага во функциите на нервите и мускулите. Ја разубавува кожата Витамините кои ова овошје ги содржи се одлични за кожата бидејќи делуваат како антиоксидант и ја спречуваат деградацијата на кожата. Земете неколку парчиња киви и нанесете ги на вашето лице, вашата кожа ќе ви се заблагодари.

Во овој период од годината е најдобро да јадете киви, дознајте каква моќ има ова овошје

Ивана Ефремовски — Thu, 24 Nov 2022 14:40:36 +0000

Кивито во овој период од годината е вкусно, сочно и богато со хранливи материи, антиоксиданси и висока концентрација на витамин Ц, дури и повеќе отколку во портокалите и лимоните. Покрај тоа, ова овошје е и одличен извор на калциум, растителни влакна и витамини А и Е, кои помагаат, односно го намалуваат ризикот од настанување на макуларна дегенерација дури за 36%. Кивито содржи и лутеин и зеаксантин, соединенија кои ги има во структурата на окото. Лутеинот помага при филтрирање на штетната сина светлина и со тоа го забавува процесот на стареење на очите. Флавонидите и каротеноидите имаат антиоксидативни својства и го штитат телото од слободни радикали. Според некои сознанија, кивито ја штити и ДНК од оксидациски оштетувања, а со тоа и значајно го намалува ризикот на заболување од рак.

Рецепт за сочна пица кој би го налутил секој вистински Италијанец

Магдалена Андонова — Fri, 27 May 2022 14:15:48 +0000

Обожувате италијанска кујна? Тогаш пица со киви е нешто што мора да го пробате! Постојат илјадници видови пици и секој од нив е исклучително јадење кое сите сакаат да го пробаат. Сепак, доколку ви здодеат најпопуларните вкусови – капричиоза, наполитана или вегетаријанска, можеби е вистинско време да пробате нешто ново. Предлог на една данска пицерија е пица со киви. Таа се подготвува на вообичаен начин – тесто со прелив од кечап или доматен сос, кашкавал и месо по избор, со тоа што наместо феферони на површината се ставаат киви исечени на кругови.

I have can now say I have witnessed hell@DaddyWarpig pic.twitter.com/WjC48p9Y3U
— Ranba_Ral (@Ranba_Ral) January 12, 2020

И додека некои се посомневале во вкусот на оваа пица, пред сè станува збор за слатко-солена комбинација, некои се воодушевени од идејата и со задоволство би го пробале овој рецепт. - Ако јадам пица во комбинација со ананас, зошто не би пробал со киви?, напишал еден корисник на Редит. Инаку, ова не е единствен рецепт за овошна пица. Веќе со години наназад во светот е многу популарна хавајската пица. Пицата со ананас веројатно не е за секого, но љубителите на таа обична комбинација тврдат дека станува збор за многу освежително јадење, кое посебно се препорачува во летните месеци.

Со киви до подобар вид по природен пат

Ивана Ефремовски — Thu, 24 Feb 2022 11:02:13 +0000

Доколку барате начин како да го подобрите видот, пробајте со едноставен рецепт: Јадете киви! Киви или актинидија е моќно и вкусно овошје кое ни е достапно преку целата зима. Ова витаминско чудо изобилува со хранливи материи и е речиси без маснотии, односно содржи само 42 калории. Кивито одлично се вклопува со други плодови во овошна салата, а можете да го додадете и во сосови или во утринската порција житарици за дополнителни хранливи материи. Јадењето две до три киви дневно може да ве заштити од низа очни болести, вклучувајќи катаракта и загуба на видот од макуларна дегенерација. Исто така, минералниот состав нуди здравствени придобивки за вашиот нервен систем и циркулаторни функции. Овошјето киви содржи лутеин и зеаксантин каротеоноиди, кои, колку чудно и да звучи се составен дел на мрежницата на окото. Вашето тело ги користи овие фитохемикалии за да создаде витамин А, а само една чаша киви содржи 220 микрограми лутеин и зеаксантин, кои ја обновуваат мрежницата и делуваат превентивно на појава на макуларна дегенерација.

5 причини зошто да јадете киви: Го зајакнува имунитетот и е сојузник на добриот вид

Ристе Здравков — Thu, 16 Dec 2021 18:25:18 +0000

Есента и зимата секогаш носат ризик од настинки, а здравата храна која е полна со витамин Ц е важна за борбата на организмот против болести, настинки и грип, вклучува и киви. Кивито е овошје со кисел вкус, полно со придобивки за здравјето на луѓето. Полн е со витамини Ц, К и Е, но и фолати и калиум. Богато е со антиоксиданси и е одличен извор на влакна. Малите семиња киви се јадат, исто како и кората, иако повеќето луѓе ја лупат и ја фрлаат. Нутриционистите и лекарите тврдат дека постојат најмалку пет причини зошто ова овошје треба да се консумира, особено во есен и зима. Го зајакнува имунолошкиот систем Ова овошје е полно со витамин Ц, кој игра важна улога во зајакнувањето на имунолошкиот систем. Некои нутриционисти тврдат дека секојдневната потрошувачка на киви во зима го намалува ризикот од настинка и грип, особено кај децата и оние над 65 години. Го подобрува варењето Бидејќи содржи многу растителни влакна, кивито е одлично овошје за подобрување на варењето. Исто така, содржи ензим наречен актинидин, кој помага да се разложи протеинот, што го прави пожелно во исхраната. Сојузник на добар вид Дегенерацијата на макулата е водечка причина за губење на видот, а кивито може да игра важна улога во нејзиното спречување. Офталмолозите и нутриционистите се склони да тврдат дека три киви дневно го намалуваат ризикот од макуларна дегенерација за дури 36 проценти. Се верува дека за тоа се одговорни соединенијата зеаксантин и лутеин од киви. Борец против многу болести Оксидативниот стрес може да предизвика оштетување на ДНК, што може да доведе до разни здравствени проблеми. Благодарение на антиоксидансите што ги содржи, научниците веруваат дека редовното внесување киви во исхраната може да го намали нивото или ризикот од оксидативен стрес. Покрај тоа, му се припишуваат чудесни својства во намалувањето на крвниот притисок. Го намалува ризикот од згрутчување на крвта Се верува дека ова овошје, покрај тоа што влијае на регулирањето на крвниот притисок, помага и во намалување на ризикот од згрутчување на крвта. Студијата спроведена на Универзитетот во Осло покажа дека консумирањето на две киви дневно значително го намалува ризикот од згрутчување на крвта, но исто така ја намалува количината на маснотии во крвта. Редовното консумирање киви, покажа истото норвешко истражување, може да спречи болести поврзани со висок крвен притисок, како што се мозочен удар или срцев удар. Киви е овошје што е безбедно да се конзумира што се однесува до повеќето луѓе. Исклучок се луѓето кои имаат алергиски реакции на некои супстанции што ги содржи кивито. Во многу ретки случаи, кивито може да го забави згрутчувањето на крвта и со тоа да го поттикне крварењето, па затоа не се препорачува за луѓе кои страдаат од нарушување на крвта или во блиска иднина треба да направат операција. Нутриционистите препорачуваат кивито да се јаде свежо или да се додаде во смути. Според нив, во зависност од возраста и здравствената состојба, генерално се доволни еден до три киви дневно за да го снабдат телото со важни хранливи материи.

Тие носат вечна младост: Зошто е многу важно да јадете киви?

Ивана Ефремовски — Thu, 18 Feb 2021 07:58:38 +0000

Кивито се нарекува и растение на вечна младост и здравје затоа што содржи многу витамини, минерали и други супстанции кои имаат корисен ефект врз човечкото тело. Така, во 100 грама киви има до 300 милиграми Ц витамини, 174 милиграми А витамини и содржи значителни количини витамини од групата Б. Покрај тоа, има многу калциум, железо, фосфор, магнезиум и други минерали. Некои нутриционисти го сметаат кивито за „суперовошје“ затоа што има идеална рамнотежа помеѓу минимален број калории и максимален лековит ефект врз организмот. Благодарение на своите квалитетни состојки, тој е ефикасен во борбата против респираторните инфекции и покрај тоа го зајакнува имунитетот, штити од вируси, го регулира крвниот притисок, го намалува ризикот од срцеви заболувања, мозочен удар, тумори и помага при главоболка и стрес. Кивито, исто така, го намалува холестеролот, ги неутрализира слободните радикали и ги отстранува токсините од телото. Редовното консумирање на свежо киви ја намалува количината на триглицериди во крвта за 15 проценти, а ова корисно овошје помага и во зараснување на раните, одржување на здравјето на коските, забите и непцата, како и апсорпцијата на железо и има позитивен ефект врз дигестивниот систем бидејќи одржува рамнотежа помеѓу корисни и штетни бактерии во цревата. Поради богатата содржина на витамин Ц и овошни киселини, киви е вообичаена состојка во производите за нега на лице и тело. Ја штити кожата од сушење и ја прави кадифена и нежна, го регулира лачењето на маснотиите, ги стеснува зголемените пори и го забавува стареењето. Се препорачува консумирање на киви секојдневно, но не повеќе од две парчиња, инаку кивито може да предизвика алергии.

Избегнувате да јадете киви бидејќи ве мрзи да ги лупите? Ова сигурно не сте го знаеле, а многу е важно!

Ивана Ефремовски — Fri, 17 May 2019 16:34:46 +0000

Една од омилените состојки на витаминското смути и совршен додаток на лути маргарити е специфичното овошје киви. Меѓутоа, многумина го избегнуваат поради чистење, бидејќи може да одземе многу време, ако не сте вешти во тоа. Така се дошло до поставување на прашањето- дали ова овошје може да се јаде како јаболко? Едноставно да го измиете и веднаш да почнете да го јадете заедно со кората, и не би ви одземало многу време. Одлучивме да дознаеме дали е тоа можно. Дали кивите може да се јадат со кора? Се разбира. Кората на кивите е целосно јадлива и заедно со месото на овошјето дополнително внесува хранливи материи во организмот. Многу ги јадат така затоа што е ефикасно и брзо, а покрај тоа и една студија открила дека во кората се наоѓаат двојно повеќе влакна отколку во самото месо. Дали е вкусно? Косата на кората е ”големо не” за многу луѓе, додека други велат дека ситуацијата е слична како кај праската. Што се однесува на вкусот, го има истиот како и месото на овошјето! Како да се јаде? Едноставно измијте го и гризете како јаболко или целиот плод ставете го во блендер при правење на смути. Се разбира, секогаш со помош на крпа или нож можете да ги отстраните малите влакна, ако ви сметаат.

Витаминско чудо кое го штити здравјето

Предраг Кукиќ — Tue, 16 Apr 2019 14:31:00 +0000

Кивито изобилува со висока хранлива содржина и е една од најдравите производи на природата. Еве зошто треба да јадете киви почесто: Содржи големо количество на витамин Ц Кивите содржат два пати повеќе витамин Ц отколку лимонот и портокалот. Витаминот Ц делува како моќен антиоксидант, елиминирајќи ги слободните радикали кои можат да предизвикаат воспаление или рак. Исто така помага за подобрување на имунитетот. Го подобрува спиењето Многубројните истражувања покажале дека ова овошје содржи голем број состојки кои се корисни во медицината, меѓу кои и антиоксиданти и серотонин, кои помагаат за луѓето кои страдаат од несоница. Јадењето киви пред спиење може да ви помогне полесно и мирно да заспиете. Тоа е одличен извор на диетални влакна Ова егзотично овошје е одличен извор на диетални влакна, кои помагаат во превенцијата од многубројни болести. Зголеменото конзумирање на храна богата со растителни влакна може да го намали ризикот од кардиоваскуларните болести. Ваквата храна ве одржува сити подолго време, помага при губењето на тежината и често се препорачува за дијабетичари. Помага во варењето на храната Овошјето киви во себе содржи ензим познат како „actinidain“, кој е познат по своите протеински растворливи својства. Покрај тоа што помага во варењето на протеините во телото, тоа исто така им помага и на пациентите кои страдаат од синдром на нервозно дебело црево. Тоа е одличен извор на фолат Кинезите од секогаш го ценеле ова овошје поради неговите лековити својства. Тоа е одличен извор на витамин Б6, исто така познат како фолат, за кој се смета дека е од корист на бремените жени. Тој помага за развојот на фетусот и го прави здрав. Исто така е добар и за деца кои сè уште растат. Изобилува со витамини и минерали Овошјето киви е преполно со витамини и минерали како што се витамините А, Б6, Б12, Е, калиум, калциум, железо и магнезиум. Тие заедно придонесуваат за правилното функционирање на телото, циркулацијата на крвта преку крвните садови, борбата против стрес, апсорпцијата на железо за здрави коски, добар вид, итн. Високото ниво на калиум помага во одржување на крвниот притисок, додека магнезиумот помага во функциите на нервите и мускулите. Ја разубавува кожата Витамините кои ова овошје ги содржи се одлични за кожата бидејќи делуваат како антиоксидант и ја спречуваат деградацијата на кожата. Земете неколку парчиња киви и нанесете ги на вашето лице, вашата кожа ќе ви се заблагодари.