ќафасан – Kurir.mk

Бил на СТОП листа: 73-годишен Албанец приведен на ГП Ќафасан

Ивана Ефремовски — Sat, 02 Sep 2023 11:23:10 +0000

На 01.09.2023 во 16:00 часот на Граничен премин Ќафасан, полициски службеници го лишиле од слобода К.С.(73) од Република Албанија затоа што при пасошка контрола и проверка било констатирано дека евидира во оперативната евиденција на стоп листата поради сомнение за сторено кривично дело по член 237 од Кривичниот законик. Лицето било предадено на полициски службеници од Полициската станица Струга за понатамошна постапка.

На преминот Ќафасан во просек дневно по 10 илјади патници, нема задржувања

Тале Кристо — Thu, 10 Aug 2023 15:40:20 +0000

На граничниот премин Ќафасан, на македонско - албанската граница кај Струга, последните денови за влез и излез од албанска територија се регистрираат по над 10 илјади патници, јави Топ чанел. -Најголем дел од патниците кои доаѓаат во Албанија се туристи кои одат на албанското крајбрежје за да го поминат својот летен одмор. И покрај големата фреквенција преминувањето на границата се одвива без задржување. Туристите кои доаѓаат се од Северна Македонија, но и од различни европски земји, наведува телевизијата. Оценува дека за разлика од првите денови на месецов, од кога почна да функционира заедничко управување на граничните и царинските контроли со едно застанување, кога имаше подолго задржување, сега тоа е надминато што го потврдуваат и туристите. - Доаѓаме на одмор во Албанија. Ќе останеме една недела. Без проблеми ја минавме границата, не се задржавме ни 5 минути, изјави турист. Во последните 24 часа преку овој премин за влез на албанска територија регистрирани се 5700 додека за излез 4800 лица. -На двете страни функционираат по три шалтери, што е доволно за да се справат со зголемениот бран на патници и возила. Од почетокот на овој месец на преминот регистрирани се над 100 илјади патници на влез во и излез од албанска територија.

Албанец приведен на „Ќафасан“

Ивана Ефремовски — Mon, 15 Aug 2022 12:20:06 +0000

На 14.08.2022 во 12:40 часот на Граничен премин „Ќафасан“ од полициски службеници бил лишен од слобода O.М.(38) од Р.Албанија. По извршените гранични проверки било констатирано дека во службената евиденција е на Стоп-листата со мерка “апси“. Лицето е предадено на полициски службеници од Полициска станица Струга за понатамошна постапка.

Колони возила на „Ќафасан“, еве каква е состојбата на останатите гранични премини

Ивона Петрова — Mon, 16 Aug 2021 05:02:06 +0000

Поголема колона возила утринава се забечежува на граничниот премин „Ќафасан“. На останатите гранични премини, од македонска страна, нема подолги задржувања за влез и излез од државата. Интензитетот на сообраќај на патните правци надвор од градските средини е умерен. Сообраќајот на државните патишта се одвива непречено, по суви коловози. Регионалниот патен правец кој води преку Националниот парк Галичица ќе биде затворен за секаков сообраќај секој ден на делницата од Баба до Царина - (преспанска страна) од 08:00 до 17:00 часот, поради изведување градежни работи на пат - (реконструкција на коловозната конструкција). После 17:00 часот патниот правец ќе биде отворен за сообраќај и на оваа делница, при што истиот ќе биде обезбеден со лица од страна на изведувачот на работите и соодветна сообраќајна сигнализација. Од Охрид до Баба регионалниот патен правец ќе биде отворен за сообраќај во двете насоки. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Албанец баран од Интерпол уапсен во Македонија

Ивана Ефремовски — Sat, 22 May 2021 10:50:22 +0000

На 21.05.2021 во 10.50 часот на Граничен премин „Ќафасан“ од полициски службеници е лишен од слобода Е.Р.(32) од Р.Албанија затоа што при извршена пасошка контрола било констатирано дека истиот евидира на стоп-листа со мерка „апси“ издадена од Интерпол Скопје. Лицето е предадено на полициски службеници од Полициска станица Струга за понатамошна постапка.

Приведен државјанин на Албанија за фалсификувана возачка дозвола

Ивана Ефремовски — Sun, 31 Jan 2021 12:45:59 +0000

На 30.01.2021 на Граничен премин Ќафасан З.П.(26) од Р.Албанија, при влез во Република Македонија, употребил грчка возачка дозвола, во чија оригиналност се посомневале полициските службеници. Во консултација со Основното јавно обвинителство Струга и извршеното криминалистичко-техничко вештачење на спорната возачка дозвола, утврдено е дека истата е фалсификувана. Тој е приведен, а од страна на ОПКМСР-Струга до ОЈО Струга е поднесена кривична пријава по член 378 став 3 вв став 1 од Кривичниот законик, додека од страна на Судија на претходна постапка при Основен суд Струга на З.П. му е одредена мерка притвор.

Албанец баран од Интерпол уапсен на „Ќафасан“

Ивана Ефремовски — Sat, 17 Oct 2020 09:15:35 +0000

На 17.10.2020 во 01.30 часот при влез во РепубликаМакедонија, на Граничниот премин „Ќафасан“, полициски службеници го лишиле од слобода Ц.Л.(34) од Пешкопеја, Република Албанија, затоа што при пасошка контрола било констатирано дека се наоѓа на стоп - листа со мерка „апси“, по барање од Интерпол - Атина, Република Грција. Тој бил приведен и во 05.30 часот бил предаден на полициски службеници од Полициската станица Струга за понатамошна постапка.

Млад Албанец уапсен на граница, од Ќафасан пратен во притвор

Ивана Ефремовски — Wed, 14 Oct 2020 14:07:52 +0000

ОВР Струга поднесе кривична пријава против Р.К.(23) од Република Албанија, поради постоење основи на сомнение за сторено кривично дело „недозволено производство и пуштање во промет на наркотични дроги, психотропни супстанции и прекурсори“. На 09.10.2020, полициски службеници од Одделот за криминалистичка полиција - Сектор за недозволена трговија со дрога, во координација со ОВР Струга и Регионален центар Запад на патот Граничен премин Ќафасан - Струга сопреле возило „голф“, во кое бил пријавениот и при преглед кај него биле пронајдени 50 грама кокаин. На Р.К. му е изречена мерка притвор.

Преку преминот Ќафасан претпладнево минале 3.000 лица, главно македонски туристи

Магдалена Андонова — Sun, 23 Aug 2020 14:18:15 +0000

Македонските граѓани и натаму се меѓу најбројните туристи на албанските плажи. Освен изминатиот период, и сега е голем бројот на оние кои за одмор го избираат албанското крајбрежје, посебно Драч, Валона и Саранда. Голема фреквенција и денеска е забележана на преминот Ќафасан, на македонско – албанската граница кај Струга, каде само претпладне на албанска територија влегле над 3.000 патници. -Само првите претпладневни часови преку преминот минаа над 3.000 патници, главно македонски државјани, но има и државјани на други земји. Во текот на вчерашниот ден и денеска вкупно поминале над 12.000 лица, информираат од Дирекција за граница и миграција. Додаваат дека со цел нормално да се одвива протокот на патници и возила да не се создаваат непотребни гужви зголемен е бројот на шалтери на кои се работи. Од албанската страна работат шест шалтери, четири за влез и два за излез, додека на македонска страна на преминот пет шалтери. Дел од македонските туристи, кои за одмор ја избрале Албанија минуваат и преку преминот „Блато“ кај Дебар. Станува збор за оние кои одлучиле да одмараат во Шенѓин, град кој е побилску доколку се патува преку Дебар, а каде климата е идентична со онаа со црнгорското летувалиште Улцињ.

На Ќафасан уапсени двајца македонски државјани барани со меѓународна потерница

Ристе Здравков — Wed, 05 Aug 2020 14:35:17 +0000

На граничниот премин Ќафасан, кај Струга, на албанска страна, уапсени се двајца македонски државјани, барани со меѓународна потерница, со цел нивна екстрадиција во Австрија и Словенија, информираше албанската полиција. Станува збор за 53-годишен маж кој се бара заради трговија со дрога од страна на австриските власти и 39-годишен маж кој се бара од словенечките власти за измама против владата. – Припадниците на граничната полициска станица Ќафасан, во соработка со структурите за истраги на криминал на дирекцијата во Корча, полицискиот комесаријат во Поградец и Интерпол Тирана, приведоа двајца македонски државјани барани со меѓународна потерница. Приведени се Р.Д.(53) жител на селото Штермница, Тетово и С.Р.(39), жител на Лабуништа, Струга, стои во полициското соопштение. Се додава дека при контрола на нивната документација при влез во Албанија, граничната полиција констатирала дека Р.Д. се бара од австриските власти за трговија со дрога. Тамошниот суд му определил мерка притвор за кривично дело за кое се предвидува затворска казна во траење од 15 години. Меѓународната потерница против С.Р. ја распишале словенечките власти заради кривично дело „измама против владата“, за што во словеничкот кривичен законик се предвидува до осум години затворска казна. И нему му била изречена мерка притвор. Двата случаи се под надлежност на Обвинителството во Подградец, кое треба да ги преземе потребни активности за нивна екстрадција.