ќатип османи – Kurir.mk

Ќатип Османи ја напушти Шкендија

Бошко Тасиќ — Mon, 15 May 2023 04:27:34 +0000

По завршувањето на сезоната во ПМФЛ оставка од клупата на Шкендија поднесе Ќатип Османи. Османи е човекот кој во минатото ги донесе најголемите успеси на Шкендија. Во изјава за клупскиот сајт по мечот со Работнички Османи се заблагодари и потврди дека си поднесува оставка. „Игравме со комбиниран тим и сепак мислам дека ја заслуживме победата. Мислам дека секогаш може подобро. Но, она што е поважно во овој момент е дека ова беше последен натпревар за мене како тренер на Шкендија. Во оваа прилика сакам да им се заблагодарам на сите за поддршката. Ја имав оваа година, почнувајќи од економистите, медицинскиот персонал, техничкиот персонал, раководството, јавноста, „Балистите“ и можеби уште поважно компанијата „Еколог“ која континуирано со години инвестира во овој тим за да изгради европски клуб“, изјави Османи. Набрзо по изјавата на Османи, Шкендија потврди дека ја прифаќа оставката и во наредниот период ќе се фокусира на пронаоѓање на нов стратег.

Ќатип Османи уште една година тренер на Ренова

Дарко Андоновски — Mon, 31 May 2021 14:23:56 +0000

Македонскиот фудбалски прволигаш Ренова ја продолжи денеска соработката со Ќатип Османи, кој останува на клупата и во следната сезона. Османи по четиригодишна пауза во ноември лани се врати на клупата на Ренова и преку бараж му обезбеди на клубот од Џепчиште опстанок во Првата македонска фудбалска лига. Претходно во кариерата, Османи освои две шампионски титули со Шкендија, а беше тренер и на Шкупи.

Османи: Продолжуваме без притисок против Салцбург

Ивона Петрова — Wed, 01 Aug 2018 07:22:48 +0000

Тренерот на Шкендија, Ќатип Османи по ремито без голови во реванш натпреварот од второто квалификациско коло во Лигата на шампионите против Шериф во Тираспол изјави дека сега продолжуваат во Европа без притисок. - Ова е голем успех и сите во клубот сме радосни. Елиминиравме квалитетен тим и ја реализиравме нашата цел. Можеби игравме дефанзивно ориентирани, но, сепак, имавме предност од првиот меч и успеавме да ја сочуваме. Сега продолжуваме без притисок против Салцбург, рече тренерот на Шкендија по мечот. Првиот дуел помеѓу Салцбург и Шкендија ќе се одигра на 8 август на „Ред Бул Арената“ со почеток од 19:00 часот, а реваншот е на 14 август на Градскиот стадион во Скопје. МИА

Османи пред финалето со Пелистер: Квалитетот е на страната на Шкендија

Дарко Андоновски — Thu, 12 Apr 2018 15:53:26 +0000

Тренерот на Шкендија Ќатип Османи пред финалето на Купот на Македонија против Пелистер за Алсат-М изјави дека ќе бара победа против битолскиот тим. Пелистер на 9 мај во финалето ќе се обиде да го одбрани трофејот што го освои минатата година, кога во Струмица ја победи токму Шкендија. Според Османи, Шкендија има капацитет да ги освои двата трофеја во домашниот фудбал. - Ќе повторам, Шкендија ќе ги нападне двата трофеи. Се разбира, за мене е посебна радост да го освојам Купот. Мислам дека квалитетот е на страната на Шкендија, изјави Османи, цитиран од Алсат-М.