кјелце – Kurir.mk

ЕХФ лига на шампиони: Кил го преслуша Кјелце

Бошко Тасиќ — Thu, 12 Oct 2023 04:01:12 +0000

Кил ќе остане единствената екипа во групата А од Лигата на шампионите која ги има максималните четири победи, по четирите кола, откако вечерва на свој терен го надигра европскиот вицепрвак, Кјелце. „Зебрите“ славеа со 35-31 во моќно второ полувреме или попрецизно моќна завршница. Беше 27-26 во 50. минута, а потоа Кил уфрли во посилна брзина. До крајот на мечот само два шута не резултираа со гол, направи видлива разлика, која Кјелце не можеше да ја следи и заслужено дојде до триумф. Претходно, Полјаците го добија првиот дел со 16-15. Најефикасните на мечот постигнаа по седум гола, Елефсен и Јохансон кај Кил, Турна и Шичко за Кјелце. Кил има осум бода, пред Кјелце, Алборг и ПСЖ по четири, со тоа што Данците и Французите утре треба да ги одиграат своите натпревари од ова коло. ПСЖ го пречекува Пелистер од 20.45, а битолчани влегуваат во таа средба како единствената екипа без бодови во групата.

Ремили сака да замине од Киелце

Бошко Тасиќ — Wed, 08 Feb 2023 05:55:38 +0000

Недим Ремили, францускиот десен бек кој неодамна пристигна од ПСЖ инсистира на трансфер во Веспрем. Унгарскиот гигант веќе ги договори личните услови со ракометарот но проблем претставува тоа што Киелце инсистира на отштета од еден милион евра. И додека клубовите преговараат за отштетата, Ремили одби да тренира со остатокот од тимот во последните денови, поради што нема да настапи ниту на наредниот меч од ЛШ против Кил.

„Не сакам да коментирам додека се преговара за трансфер, тоа е се што можам да кажам околу Ремили. Среќен сум што во тимот имам други ракометари од највисока класа кои се максимално посветени на Киелце“, изјави тренерот Талант Душебајев.

Еден од најголемите ракометни клубови во Европа е пред колапс

Бошко Тасиќ — Fri, 16 Dec 2022 21:44:41 +0000

Еден од најголемите европски клубови и актуелен шампион на Полска, Келце годината ја заврши со победата против Целје од 36:28, но по тој натпревар во центарот на вниманието беше апелот на тренерот Талант Душебаев. Келце претходно се соочуваше со финансиски проблеми, потоа дојде до стабилизација, но од 1. јануари клубот останува без главниот спонзор и проблемите се вратија. На ракометарите, стручниот штаб и вработените веќе им се должат сериозни суми.Последниот натпревар во годината Душебаев го искористи да испрати апел. „Да го спасиме овој клуб! Ние имаме нешто што никаде го нема. Испраќам апел до градоначалникот Богдан Вента, до властите во регионот и до вас новинарите да помоегнете да не го изгубиме она на што работевме неколку децении. Играчите тука се мои деца, вие новинарите сте мое семејство кое не сакам да го напуштам. Иако имаше проблеми од почетокот на сезоната, ниту јас ниту момците не зборувавме за заостанатите долгови. Моја желба е да бидам тука до крајот на тренерската кариера“, порача Душебаев. Во својата историја Келце освои 19 титули во првенството, седум трофеи во Купот на Полска, а во сезоната 2015/2016 ја освои Лигата на шампионите.

Кјелце и Бенфика добија специјална покана за Супер-глоуб

Бошко Тасиќ — Thu, 14 Jul 2022 18:37:40 +0000

Вицепрвакот на ракометната Лига на шампиони, полски Кјелце и освојувачот на Лигата на Европа, португалска Бенфика добија специјална покана за настап на Супер глоуб 2022. Светската ракометна федерација одлучи вајлд картите за турнирот на континенталните шампиони да им ги додели на овие два тима. Така Кјелце и Бенфика им се приклучија на Магдебург и Барселона кои во Саудиска Арабија ќе ја претставуваат Европа. Ал Ахли од Египет ќе биде претставникот на Африка, а екипата на Ал Кувајт како победник на Азискиот шампионат ќе ја претставува Азија. Домашната Саудиска Арабија ќе има два клуба престатвника, но се уште не се знае кои ќе бидат. Од Јужна Америка доаѓа екипата на Таубате од Бразил, од Океанија доаѓа Сиднеј Универзитет, а непознаница е и уште и претставникот на Северна Америка и Кариби.

Кјелце ќе бара вајлд-карта за Супер глоуб

Бошко Тасиќ — Tue, 28 Jun 2022 05:00:27 +0000

Полскиот ракометен шампион Кјелце сака да учествува на Супер глоуб турнирот во Саудиска Арабија, кој ќе се одржи во месец октомври, пренесува полскиот портал „ТВП Спорт“. Раководството на клубот се обидува да добие вајлд-карта за настап на еден од најсилните турнири на светот. Келце на Супер глоуб турнирот учествуваше во 2016 година, откако обезбеди директен пласман како европски шампион. Избраниците на Талант Душебаев во дебитанскиот настап го освоија бронзениот медал.Со текот на годините, имаше промена на форматот на турнирот, бројот на учесници и местото на одржување. За оваа година е предвидено да учествуваат десет екипи.

Барселона по пенали го совлада Киелце и ја одбрани титулата во ЛШ

Бошко Тасиќ — Sun, 19 Jun 2022 18:11:52 +0000

Шпанска Барселона испиша историја и по 11-ти пат стана шампион на Европа! Втората последователна титула во Лигата на шампионите ја освои со минимална победа над Коелце со (37-35) во денешното финале на завршниот турнир во Келн. Каталонците станаа првата екипа која ја одбранила титулата откако е воведен завршниот турнир. Натпреварот беше исклучително неизвесен во целиот тек, првото полувреме го доби Барселона со 14-13. Во последните секунди од второто полувреме Каралек погоди за нерешени 28:28. Потоа се играа две продолженија од по пет минути кои исто така завршија нерешено. Беше 32-32, па пеналите мораа да го решат победникот. Се шутираа по пет шута, единствениот кој промаши беше Алекс Душебаев, Перез Де Варгас го одбрани неговиот удар и донесе победа на Барселона. Најдобар во составот на Барселона беше Алеиш Гомез со девет голови, во составот на Кјелце дури шест играчи постигнаа по четири. Голманите Де Варгас и Волф имаа по идентични 12 интервенции.

Кјелце во финалето на ракометната Лига на шампиони

Бошко Тасиќ — Sat, 18 Jun 2022 15:39:54 +0000

Кјелце е првиот финалист во ракометната Лига на шампиони откако со 37-35 го победи унгарски Веспрем во првото полуфинале на фајнл-фор турнирот во Келн. Двете екипи имаа по едно свое полувреме. Првото полувреме му припадна на Веспрем кој на паузата имаше предност од 18-16, но во вториот дел Кјелце брзо ја надополни негативата, дојде до водство кое не го испушти до крајот и славеше со 37-35. Морито и Шмид дадоа по осум голови за Кјелце, во составот на Веспрем по седум пати погодија Ненадиќ и Штрлек. Кјелце во финалето ќе игра со победникот од дуелот меѓу Кил и Барселона.

Сташ Скубе се сели во полски Кјелце

Бошко Тасиќ — Sat, 28 Aug 2021 06:39:40 +0000

Кјелце ќе има навистина страшен тим во сезоната 2022/23, откако полскиот великан ова попладне потврди дека го обезбедил потписот на уште еден искусен ракометар кој добро знае какво е чувството да се освои Лигата на шампионите. Станува збор за поранешниот вардарец Сташ Скубе, кој по крајот на договрот со Мешков Брест ќе му се приклучи на амбициозениот полски проект предводен од тренерот Душебаев. Кјелце пред извесно време ги договори фантастичните Беноа Кункуд и Недим Ремили, а со потврдата на трансферот на Скубе станува јасно дека ќе биде нападнат трофејот во Лигата на шампионите наредната година. – Многу сум среќен што потпишав договор со Кјелце. Станува збор за многу амбициозен тим, со многу добри играчи и врвен тренер. Сите ги знаеме и навивачите на Кјелце, каква атмосфера создаваат во салата. Одлуката да ја прифатам нивната понуда беше лесна и многу едноставна, – вели Скубе.

Киелце се засили со двајца ракометари од ПСЖ

Бошко Тасиќ — Mon, 14 Jun 2021 20:29:38 +0000

Полскиот такометен шампион Киелце, почна да го крои составот за наредната сезона и веќе веднаш ангажираше двајца ракометари од францускиот ПСЖ. Нови играчи во полскиот шампион се десниот бек Недим Ремили и 24-годишното десно крило Беноа Кункуд. Француските репрезентативци доаѓаат во Полска по крајот на следната сезона. Ремили игра за ПСЖ од 2016 година, а претходно настапуваше за Кретеј, додека Кункуд е во ПСЖ од 2014 година и тоа е неговиот матичен клуб.

Завршена е сезоната за Данил Душебаев

Бошко Тасиќ — Sun, 21 Mar 2021 12:10:06 +0000

.По 18 одиграни минути на дербито меѓу Келце и Висла, мечот заврши за двајцата Душебаеви.

Даниел Душебаев по еден навидум неопасен дуел, изместен од баланс се најде на подот, а потоа со помош на соиграчите беше изнесен од терен и веќе не се врати во игра.

Истовремено, Талант Душебаев урлаше на записничката маса по што доби црвен картон.

Деталните лекарски прегледи покажаа дека Даниел го скинати вкрстени лигаменти на коленото, на левата нога на која имаше слична повреда.

Тој заминува за Шпанија на оперативен зафата и за него сезоната е завршена.