Вакцината „КјурВак“ има ефикасност од само 47 отсто

Ивона Петрова — Thu, 17 Jun 2021 05:56:54 +0000

Германската биотехнолошка компанија „КјурВак“ (CureVac) соопшти дека нејзината вакцина против Ковид-19 е ефикасна само 47 проценти во подоцнежната фаза од испитувањето, поради што во прашање се доведуваат потенцијалните испораки на стотици милиони дози за Европската унија. Британските медиуми пренесуваат дека Европската унија како досега единствениот и главен клиент на вакцината „КјурВак“, во ноември резервира околу 405 милиони дози, по што беше проследен меморандум за разбирање со Германија за дополнителни 20 милиони дози. Компанијата соопшти дека за време на студијата биле застапени најмалку 13 варијанти на вирусот, наведувајќи дека оригиналната верзија на коронавирусот, што се појави во кинескиот град Вухан кон крајот на 2019 година, во овие тестирања беше речиси целосно отсутна. Акциите на „КјурВак“, што котираат на берзите во САД, по оваа вест опаднаа за 48 проценти, на само 49 американски долари.

КјурВак ефикасна против јужноафриканските и британските мутации на коронавирусот

Катерина Бојаџиева — Thu, 25 Feb 2021 17:49:07 +0000

Директорот на фармацевтската компанија КјурВак, Франц-Вернер Хас, денеска изјави дека прелиминарните тестови врз животни покажале дека кандидатот на компанијата за вакцина против Ковид-19 е ефикасен против британските и јужноафриканските мутации. Хас ги информира пратениците во ЕУ дека резултатите од прелиминарните тестови за влијанието на вакцината врз мутациите на вирусот ќе бидат објавени наскоро. Тој исто така рече дека компанијата очекува нејзината вакцина да биде одобрена во Европската унија до јуни.

КјурВак – Kurir.mk

Вакцината „КјурВак“ има ефикасност од само 47 отсто

КјурВак ефикасна против јужноафриканските и британските мутации на коронавирусот