кк Ангели – Kurir.mk

Одложен уште еден меч во Првата кошаркарска лига поради коронавирус

Бошко Тасиќ — Fri, 28 Jan 2022 16:45:58 +0000

На програмата овој викенд се натпреварите од 14. коло на Првата македонска кошаркарска лига, но наместо шест ќе се одиграат четири дуели. Откако вчера беше одложен натпреварот меѓу Феникс 2010 и Пелистер же има ново одложување. Поради четири позитивни кошаркари во таборот на Работнички, нема да се одигра пресметката кај Ангели во Кисела Вода. Дуелот на „фенерџијата“ и најтрофејниот македонски тим беше планиран за утре (сабота) со почеток од 15:00 часот, но истиот е одложен. Комесарот за натпреварување ќе договори нов термин за оваа пресметка во консултација со двете засегнати екипи.

Прва победа на Ангели, Гостивар триумфираше во Куманово

Бошко Тасиќ — Sat, 22 Jan 2022 19:37:42 +0000

Екипата на Ангели има причина за радост откако по дванаесетте порази од стартот на сезонава, денеска се израдува на првата победа во елитното друштво. Ангели денеска гостуваа во Аеродром на вториот тим на МЗТ Скопје, каде славеа над директниот ривал за опстанок со минимални 81-82. Засилувањето Раме се покажа во извонредно светло дебитирајќи со 32 поени за македонскиот прволигаш, 15 постигна Атанасов, додека кај младиот состав на МЗТ најефикасни беа Ренсом со 24 и Митевски со 21 постигнат поен. Кошаркарите на Гостивар остварија триумф од 96-84 на гостувањето во Куманово. Во натпревар со пресврти, на крајот гостите беа поконцентрирани во финишот, и дојдоа до победата. Гостивар одлично го почна мечот, и во првиот период имаше предност од 12 разлика (18-30). Меѓутоа во вториот се разбудија кумановци, па ја добија втората четвртина со +15 (28-13), и на одмор заминаа со предност. Во третиот период повторно Гостивар подобар, и ја доби со 21-29, со што повторно имаше предност. Куманово успеа да стигне и до -1 во последната четвртина. Меѓутоа во финишот Гостиварци беа поефикасни и дојдоа до триумфот. Јанески од Гостивар постигна 31 поен, додека кај Куманово најефикасен беше Абром со 27 поени.

Еуро Никел го совлада Работнички, Ангели декласирани од Кожув

Бошко Тасиќ — Sat, 11 Dec 2021 20:25:30 +0000

Во кошаркарското првенство на Македонија попладнево на програмата беа два натпревари. Еуро Никел ја продолжи триумфалната низа совладувајќи го Работнички со 95:77. Кавадарчани со четвртиот триумф во низа се искачија на петтата позиција и се здржаа во трката за влез во разигрувањето за шампионската титула. Најефикасен во победничката екипа со 24 поени беше Бранислав Џекиќ додека на спротивната страна прв стрелец со 25 поени беше Виктор Златевски. Во вториот дуел одигран денеска Кожув триумфираше над Ангели со 105:67. Десеттата рунда во шампионатот ќе се комплетира утре со одигрување на мечевите Куманово – МЗТ Скопје 2 и ФМП Академија – ТФТ Скопје.

Убедливи победи на Еуро Никел и Академија ФМП

Бошко Тасиќ — Sat, 20 Nov 2021 20:41:40 +0000

Еуро Никел имаат серија од две победи по ред по лошата серија на почетокот на сезоната. Кавадарчани на домашен терен го совладаа Куманово со убедливи 87-69 и ја продлабочи кризата во редовите на противникот. По осмото коло, кумановскиот состав има седум порази во низа, па сега се наоѓа на десетото место на табелата во Првата лига. Џекиќ со 21 поен и 9 скока беше лидер кај победникот, Соколов постигна 15 поени. Кај Куманово, Зивчевиќ имаше 22 поени. Академија ФМП имаше послесна задача во осмото коло. Избраниците на Александар Петровиќ славеа против дебитантот Ангели со 89-70 за петти триумф оваа сезона. Крстајиќ постигна 21 поен, Стојановски имаше 19. Мандерсон со 22 поени и 14 скока беше најдобар кај Ангели.

МЗТ Скопје рутинирано против новиот прволигаш

Бошко Тасиќ — Tue, 16 Nov 2021 20:37:32 +0000

Македонскиот кошаркарски шампион МЗТ Скопје оствари убедлива победа над новиот прволигаш Ангели ос 77:117, одржувајќи чекор зад актуелниот лидер Пелистер во македонскиот кошаркарски шампионат. Мекиќ со 19, Стојановски со 16 и Рикиќ со 15 поени беа најдобри реализатори во победничкиот состав, а двоцифрен учинок имаа уште Вер, Дејвис и Милошевиќ. Мандерсон со 25 и Васар со 20 поени беа најдобри поединци кај КК Ангели, екипата која немаше шанси да го изненади големиот фаворит на оваа средба. МЗТ Скопје сега има ефект 6-1, додека Ангели остануваат на дното како единствена екипа без победа во досегашниот тек на првенството.

ТФТ без проблеми против Ангели за петти триумф во шампионатот

Бошко Тасиќ — Sat, 06 Nov 2021 19:25:49 +0000

Кошаркарите на ТФТ од Скопје стигнаа до петтиот триумф оваа сезона откако рутински го совладаа градскиот ривал Ангели со 78-67. Првото полувреме помина во егал, а домаќините иако беа фаворити на пауза заминаа само со предност од еден поен (29-28). Сепак, разликата во квалитет дојде до израз во вториот дел во кој со добро тимот од Тафталиџе до крајот стигна до рутински триумф од 78-67. Александар Костоски со 21 поен беше прво име во победничкиот табор, додека кај поразените Ајзеа Мендерсон заврши со 18 поени.

КК Ангели нов прволигаш

Бошко Тасиќ — Sat, 08 May 2021 18:01:04 +0000

Екипата на Ангели го завери своето место во машкиот кошаркарски шампионат. Овој тим сосема заслужено доби прволигашки статус, во текот на целата сезона бележеше одлични резултати, а откако минатата година не успеа да се најде во „елитата“ поради пандемијата на коронавирус и одлуката на КФСМ, овој пат на терен покажа зошто треба да бидел дел од Првата лига. Ангели го доби и вториот дуел со Чаир и славеше со 64-62.