КК Будуќност – Kurir.mk

Марвин Џонс потпиша за Будуќност

Бошко Тасиќ — Sun, 16 Jul 2023 06:36:02 +0000

Марвин Џонс, поранешниот центар на Хапоел Холон, е нов кошаркар на Будуќност Воли, соопшти клубот од Подгорица. „Тој е искусен кошаркар кој има широк спектар на офанзивни решенија, бидејќи одлично завршува во обрачот, но и погодува од полудалечина. Освен тоа, не му е непознат шутот за три поени, што дава простор за ширина во нападот“, напиша Будуќност во описот на карактеристики на новајлијата. Во претходната сезона 213-сантиметри високиот Џонс имаше просек од 9,9 поени и 6,6 скока по натпревар, а во Хапоел играше со Ерик Грин, кој минатата сезона го носеше дресот на „сините“. Покрај Хапоел, момчето од Чикаго ги носеше и дресовите на Леонес (Порторико), грчките клубови ПАОК, Перистери, Промитеас, а има искуство и во АБА лигата, играјќи за Крка и Олимпија.

Дејан Радоњиќ се враќа во АБА-лигата

Бошко Тасиќ — Mon, 26 Jun 2023 04:10:55 +0000

Кошаркарскиот стратег Дејан Радоњиќ е најсериозен кандидат за преземање на тренерското место во кошаркарскиот клуб Будуќност. Стратегот е подготвен за камбек во регионалното натпреварување и веќе имал неколку состаноци со највисокото раководство на Будуќност, при што кај двете страни има сериозна желба за соработка, јавува Радио-телевизија Црна Гора. Радоњиќ е без ангажман откако доби отказ во Панатинаикос во текот на минатата сезона. Тимот од Подгорица во последните месеци отпушти двајца тренери, најпрвин Владимир Јовановиќ, а потоа и Петар Мијовиќ, па останува да се види дали Будуќност ќе постигне целосен договор со Радоњиќ, со што дефинитивно ќе ги потврди и високите амбиции за наредната сезона.

Будуќност доби нов тренер

Бошко Тасиќ — Tue, 18 Apr 2023 04:17:00 +0000

Искусниот кошаркарски стратег Петар Мијовиќ повторно ќе го предводи Будуќност, потврди црногорскиот шампион. Црногорскиот стратег се враќа на клупата на „сино-белите“ на местото на Владимир Јовановиќ кој заработи отказ по поразот од Борац Чачак со кој српскиот клуб обезбеди бараж дуел за опстанок во лигата и го елиминирапе МЗТ Скопје од натпреварувањето. Мијовиќ кој претходно го предводеше клубот од главниот град на Црна Гора од 2019 до 2021 година новото деби ќе го има во дерби натпреварот против Партизан кој е закажан за 21. април. Потоа го чека плеј-офот во регионалното првенство и битката за одбрана на трофејот на домашната сцена.

Владимир Јовановиќ го напушти Будуќност по поразот од Борац!

Бошко Тасиќ — Sun, 16 Apr 2023 06:27:13 +0000

Српскиот стручњак Владимир Јовановиќ и Будуќност од Подгорица меѓусебно ја прекинаа соработката. Иако црногорскиот клуб имаше одлична серија од осум последователни победи, до саботниот пораз од Борац, меѓу Јовановиќ и Будуќност дошло до меѓусебно договорен прекин на соработката пред плеј-офот од АБА лигата. „Будуќност ја известува јавноста дека клубот и досегашниот шеф на стручниот штаб Владимир Јовановиќ вечерва меѓусебно ја прекинаа соработката. Меѓусебниот прекин на соработката дојде по поразот од Борац од Чачак во последното коло од регуларниот дел на АБА лигата. За промените во стручниот штаб и натамошните чекори клубот благовремено ќе ја информира јавноста. Будуќност му посакува успешна кариера на Владимир Јовановиќ“, се вели во соопштението. Будуќност регуларниот дел од сезоната го заврши на третото место. Се претпоставува дека Петар Мијовиќ, актуелниот стратег на Студенски центар Дерби, ќе биде именуван за тренер на црногорскиот шампион.

МЗТ Скопје ја загуби драмата со Будуќност во АБА лигата

Бошко Тасиќ — Sat, 21 Jan 2023 18:09:01 +0000

Кошаркарите на македонскиот кошаркарски шампион МЗТ Скопје го загубија натпреварот од 16. коло во АБА лигата од Будуќност со 86-90. Дуелот во СЦ „Јане Сандански“ даде надеж за „подобро утре“ на аеродромци, бидејќи одиграа целосно рамноправно против балканскиот гигант. „Штрковите“ имаа шанси да извлечат и позитивен резултат, меѓутоа Будуќност го издржа налетот и ја доби драмата во финишот. Играч на натпреварот беше Бел Хајнс кој го извлече тимот и со 22 поени го поведе до победата. Кај МЗТ Скопје на крајот најдобар беше Војдан Стојановски со 20, меѓутоа партија за почит имаше и Абдул Малик Абу со еден помалку.

Будуќност пресилен за МЗТ Скопје во меч од АБА лигата

Бошко Тасиќ — Sat, 15 Oct 2022 19:04:10 +0000

Кошаркарите на МЗТ Скопје претрпеа уште еден пораз во АБА лигата и тоа на гостувањето во Подгорица кај Будуќност каде беа совладани со 89-66. Македонскиот шампион важеше за аутсајдер на овој меч и тоа се потврди на теренот каде избраниците на Петровиќ беа подобри само во втората четвртина која ја реализираа со 21-16. Првиот значаен тест МЗТ ќе го има на домашен терен против Студентски центар, тим против „штрковите“ можат да бараат победа. Што се однесува до вечерашниот меч, Ајви и Максвел уфрлија по 12 поени, додека капитенот Дамјан беше автор на 10 кошеви.

Арон Вајт потпиша за Будуќност

Бошко Тасиќ — Sat, 17 Sep 2022 05:30:06 +0000

Арон Вајт потпиша договор со својот осми европски клуб, втор во АБА лигата. Крилниот центар е нов играч на Будуќност. Со неговото доаѓање тимот од Подгорица се комплетира, бидејќи новиот тренер Владе Јовановиќ бараше само „четворка“ за целосен ростер. Вајт во „црвено-белиот“ дрес забележа просечни 7 поени и 3,1 скока во АБА лигата, а во Евролигата имаше нешто послаб учинок (5,5 поени и 3,6 скока). Неговата најдобра сезона во елитното натпреварување беше сезоната 2017/18 година, кога во дресот на Жалгирис имаше просек од 8,9 поени и 4,4 скока и го освои третото место на „фајнал-фор“ турнирот. Освен за Жалгирис и Црвена Звезда, засилувањето на Будуќност играше и за Бон, Зенит од Санкт Петербург, Армани, Тенерифе и Панатинаикос.

Будуќност потпиша со Кендрик Пери

Бошко Тасиќ — Sun, 23 Jan 2022 21:48:39 +0000

Црногорскиот кошаркарски шампион Будуќност потпиша договор со Кендрик Пери, американскиот лпејмејкер кој пристигна од редовите на Панатинаикос. Американецот своето име во регионот почна да го создава низ одличните настапи за Карпош Соколи, тим за кој со голем успех настапуваше во АБА-лигата. Пери минатата сезона ја мина во дресот на Цедевита Олимпија, каде важеше за еден од лидерите на тимот, што му овозможи трансфер во евролигашот Панатиниакос каде што не успеа да се снајде најубаво и се пресели во Будуќност

Будуќност го суспендираше македонскиот репрезентативец

Бошко Тасиќ — Sat, 04 Dec 2021 14:16:36 +0000

Македонскиот кошаркарски репрезентативец, Џејкоб Вајли, е суспендиран од црногорскиот клуб Будуќност, а како што велат од тимот, причина за отсуството на тренинг била семеен проблем.

Агентот на играчот го извести клубот дека причината за заминувањето на Вајли е решавање на личен проблем. Клубот го суспендираше Американецот и јавноста ќе биде навремено информирана за понатамошните чекори, истакнаа од тимот на Будуќност.

Сето ова се случува неколку дена по настапот на Вајли за Македонија во квалификациите за Светското првенство во 2023 година.

Будуќност израмни на 2-2 во финалето на АБА лигата против Црвена Звезда

Бошко Тасиќ — Mon, 24 May 2021 20:52:14 +0000

Кошаркарите на Црвена Звезда доживеаја пораз од 81-80 од Будуќност буквално во последните секунди од мечот. Будуќност искористувајќи го домашниот терен израмни на 2-2 во финалната серија, изборувајќи се за мајсторка за титула во Белград. Во последниот напад Лојд и Давидовац промашија шутеви за титула на Црвена Звезда, па ќе се игра мајсторка во Белград за новиот шампион во АБА регионалната лига. Кобс беше најефикасен кај Будуќност со 22 поени, дополнети и со седум асистенции, а Митровиќ заврши со 13 постигнати поени. Кај Црвена Звезда се издвои Лојд со 23 поени и три скока.