КК Феникс 2010 – Kurir.mk

Феникс без странци до крајот на сезоната

Бошко Тасиќ — Thu, 30 Mar 2023 04:32:11 +0000

Илајџа Џојнер повеќе не е член на тимот на Феникс 2010 откако замина во САД поради семејни обврски. Дваесетитригодишникот дебитираше во оваа екипа за Купот на Македонија каде беше од огромна помош во постигнувањето на историскиот успех со освојување на сребрениот медал, како и во четритите настапи во Првата лига. Заминувањето на Џојнер значи дека Феникс ќе ја доигра сезоната без странски кошаркари откако на почетокот на овој месец си замина и Чарлс Фалден.

Ивица Димчевски го засилува Феникс 2010

Бошко Тасиќ — Sat, 14 Jan 2023 07:33:39 +0000

Поранешниот македонски кошаркарски репрезентативец Ивица Димчевски е ново засилување на Феникс 2010, објави клубот. Тој доаѓа од редовите на Еуро Никел и се очекува да биде значајно засилување за тимот на Денис Дервишевиќ во продолжението од сезоната. Димчевски има големо искуство во Првата лига, претходно настапувајќи за Вардар, Торус, Куманово, Работнички, Струмица, Кожув и за Еуро Никел.

Боби Митев стана дел од тимот на Феникс

Бошко Тасиќ — Thu, 10 Nov 2022 19:03:43 +0000

Еден од најеминентните тренери во македонската кошарка со огромно искуство зад себе станува дел од семејството Феникс каде ќе ја има улогата на ментор на младите тренери и ќе се грижи за индивидуалниот развој на идните репрезентативци. Бобан Митев тренерската кариера ја започнува во 1996 година како помошник во МЗТ Скопје, а покрај во мак-баскетот каде подоцна е дел и од Карпош Соколи, Вардар, Кожув и Ангели бележи и огромни успеси на интернационалната сцена во Полска, Русија, Германија, Франција, Србија, Иран…

Трајковски уште две години во дресот на Феникс 2010

Бошко Тасиќ — Sat, 28 May 2022 05:09:00 +0000

Бојан Трајковски и следните две сезони ќе биде дел од кошаркарскиот клуб Феникс 2010 откако официјално беше продолжена соработката. Крилниот центар „виолетово-жолтите“ бои ги облече за вториот дел од сезоната, а оттогаш се наметна како незаменлив дел на младиот состав. На 13 одиграни натпревари тој забележа просек од 20.5 поени, 10.1 скок и 3.2 асистенции.

Пелистер го декласираше Феникс во Битола

Бошко Тасиќ — Sat, 07 May 2022 14:19:34 +0000

Составот на Пелистер ја остави на страна разочарувачката партија против МЗТ Скопје во дербито во Суперлигата и попладнево експресно им се врати на победите и тоа против Феникс 2010 кој настрада во Битола со 100-58. Избраниците на Илиевски имаа контрола, доминација во играта од првата до четвртата четвртина која им овозможи триумф од дури 42 разлика. Прв стрелец беше Крстајиќ со 18 поени, Малешевиќ и Гуроски реализираа по 13, Стајиќ додаде 12, а Караџовски 11 кошеви. Кај поразените Митревски и Димитриески постигнаа по 13, односно 12 поени. Во оваа шеста рунда од Суперлигата ќе се соочат уште МЗТ Скопје-ТФТ и Гостивар-Еуро Никел.

Феникс го изненади Еуро Никел

Бошко Тасиќ — Wed, 04 May 2022 22:52:47 +0000

Голема победа на домашен терен забележа тимот на Феникс 2010 откако славеше над Еуро Никел (76-67).Новајлијата во елитата се врати во играта за разигрување за титулата со оваа значајна победа на домашен терен. Иако во составот ги немаше странските кошаркари, како и најискусниот играч Бојан Трајковски, Феникс 2010 беше сигурен пред домашната публика. Одличен кај Феникс беше Михајлоски со 28 поени, пред Митревски со 18 поени, додека кај Еуро Никел искусниот Димчевски постигна 16 поени, пред Дубински со 12 поени, а Соколов уфрли уште 11 поени со уште девет скока.

ТФТ го совлада Феникс 2010

Бошко Тасиќ — Sun, 01 May 2022 19:45:18 +0000

ТФТ им се врати на победите во Суперлигата откако во 4. коло славеше против Феникс 2010 со 85-74. Новалијата на овој натпревар настапи без повредените Трајковски и Митревски, а остана и без услугите на Вилијамс кој се повреди во текот на првата четртина, а тоа знаеја да го искористат домаќините кои рано стигнаа до висока предноста, а истата ја задржаа до самиот крај за важна победа во битката за плеј-оф. Со 18 поени и 16 скока Двејн Морган беше првото име кај ТФТ, додека него го следеа Хортон со 13 поени, Ташовски со 12 поени и 6 асистенции и Маслинко со 11 поени и 5 скока. Како двоцифрен со 10 поени и 6 скока мечот го заврши Сапунџиев. Павле Михајлоски беше лидер на Феникс 2010 со 17 поени и 6 скока, 16 поени и 9 скока додаде Хот, 15 поени и 4 асистенции додаде Петков, додека со 14 поени, 6 скока и 3 асистенции мечот го заврши Стојановски.

Дебитантот без шанси против МЗТ Скопје во полуфиналето од Купот на Македонија

Бошко Тасиќ — Sat, 19 Feb 2022 20:29:52 +0000

Актуелниот кошаркарски ѓампион МЗТ Скопје ќе има можност да стигне до 11. Куп трофеј во својата историја откако во полуфиналето против Феникс 2010 славеше со 76-66. Аеродромци добро го започнаа натпреварот, рано стигнаа до двоцифрена предност која беше преголем закал за дебитантот во престижното натпреварување. Најефикасни во таборот на МЗТ Скопје беа браќата Стојановски. Војдан постигна 17 опени, а Дамјан постигна 15 поени. Бојан Трајковски кај Феникс даде 17 поени.Противник на МЗТ Скопје во големото финале же биде ТФТ.

Феникс 2010 се засили со уште еден американски кошаркар

Бошко Тасиќ — Sat, 05 Feb 2022 18:52:37 +0000

Екипата на Феникс 2010 успеа да доведе уште едно ново име во своите редови, па така откако вчера објави дека го обезбедила Ерик Дејвис Џуниор денеска ја информираше јавноста дека постигнала договор со Џош Вилијамс. Вилијамс има 25 години и ја покрива бековската линија. Тој беше дел од универзитетите Акрон и Роберт Морис, односно ова за него ќе биде прво интернационалцо искуство. Во завршната сезона во НЦАА лигата имаше просек од 13.5 поени, 4.3 скока и 2.5 асистенции по натпревар,

Феникс 2010 доведе нов кошаркар од САД

Бошко Тасиќ — Fri, 04 Feb 2022 18:58:26 +0000

Кошаркарскиот клуб Феникс 2010 го претстави новиот американски кошаркар Ерик Дејвис Џуниор. 193-сентиметри високиот бек пристигна од редовите на косовски Раховеци, каде што бележеше одлични партии. Дејвис потекнува од Универзитетот во Тексас, а откако не најде место во НБА на драфтот во 2018 година, реши да прејде во Европа. Дејвис Џуниор настапуваше во Младост Земун, по што доби повик во Оринџ Академи Улм во Германија. Оваа година Американецот пристигна во Косово и заигра за Раховеци. Феникс 2010 добива добро засилување во пресрет на втората полусезона во Првата лига на Македонија, а новајлијата одлично се снајде и презентира свежина во првенството.