кк феникс – Kurir.mk

МЗТ Скопје го освои трофејот во Суперкупот за оваа година

Бошко Тасиќ — Sun, 24 Sep 2023 05:43:25 +0000

Кошаркарите на МЗТ Скопје го освоија првиот трофеј во новата сезона и тоа во рамките на Суперкупот каде го совладаа составот на Феникс 2010 со 76:54. Ова за популарните „штркови“ е шеста титула во ова натпреварување, а до истата стигнаа со подобра игра од противникот пред се во второто полувреме. Феникс беше рамноправен ривал во првите 20 минути, поточно избраниците на Атанасов имаа само минимална предност од 33-29. Во третиот период фаворитот дополнителни притисна и со 27-15 се стекна со двоцифрена позитива која беше недостижна за противникот. Војдан Стојановски со 13 поени беше прв стрелец кај победникот за кој Расел уфрли 12 кошеви со 3 скока. На другата страна најефикасен беше Шакур со 18 кошеви.

Димитар Зетов е нов кошаркар на Феникс

Бошко Тасиќ — Sat, 19 Aug 2023 14:44:19 +0000

Младинскиот кошаркарски репрезентативец на Македонија, Димитар Зетов е нов кошаркар на прволигашот Феникс. 17-годишникот кој важи за еден од најталентираните играчи од својата генерација „виолетово-жолтиот“ дрес ќе го облече со веќе стекнато прволигашко искуство од настапите за Струмица во претходната сезона каде забележа просек од 4.7 поени и 1.1 аситенција за просек од 15 минути поминати на теренот.

Работнички и Феникс 2010 ги дознаа ривалите во квалификациите за ФИБА Еврокупот

Бошко Тасиќ — Tue, 08 Aug 2023 17:52:43 +0000

Нашите претставници во квалификациите на ФИБА Еврокупот, Работнички и Феникс 2010 ги дознаа противниците за пласман во групната фаза на ова натпреварување. Работнички својата битка за пласман во главната рунда ќе ја има на домашен терен откако овој клуб ја доби организацијата за групата – А. На мечевите во Скопје, ривали ќе му бидат екипите на Донар Гронинген, Рапид Букурешт и Сабах. Тимот на Феникс 2010 својот пат до групната фаза ќе ги води на Кипар, во Никозија каде за противници ќе ги има домаќинот Керавнос и Рошток.

Работнички и Феникс во третиот шешир пред ждрепката за квалификациите од ФИБА Европа купот

Бошко Тасиќ — Fri, 21 Jul 2023 04:17:13 +0000

Двата македонски кошаркарски претставника во квалификациите за ФИБА Европа купот, Работнички и Феникс се најдоа во третиот шешир за ждрепката која ќе се одржи на 8 август во Минхен. Во квалификациите ќе учествуваат вкупно 22 екипи, а во последниот шешир има само еден тим и тоа азербејџанскиот Сабах. Од пославните европски клубови, можни противници на Работнички и Феникс се Порто и Сарагоса кои се наоѓаат во првиот шешир. Ќе се формираат вкупно седум квалификациски групи, но има промена во системот на натпреварување. Шест од седумте групи ќе бидат со по три, а една со четири тима, ќе се игра по принципот „секој со секого“, а во главната фаза од ФИБА Европа купот ќе се пласира само победникот од секоја група. Во главната фаза веќе имаат место 13 клуба, вклучувајќи го и Кемниц на Ѓорѓи Кочов, а 20 ќе влезат од квалификациите за Кошаркарската Лига на Шампиони. Во главниот дел ќе се формираат десет групи со по четири екипи.

Пелистер поведе со 1-0 против Феникс 2010

Бошко Тасиќ — Sun, 30 Apr 2023 19:15:50 +0000

Пелистер поведе со 1-0 во четвртфиналната серија против Феникс 2010 откако во првиот натпревар во Битола славеше со 90-86. Битолчани имаа предност во поголемиот дел од натпреварот, во еден момент истата изнесуваше и 12 поени, но откако гостите се вратија на „еден напад“ пресудна беше мираната рака на Карутерс и Стајиќ зад линијата 6,75 од каде реализираа три обиди при самиот крај на нападот. Со 22 поени и 6 скока лидер на Пелистер беше Стајиќ, додека него го следеше Карутерс со 17 поени и 6 асистенции. Со 28 поени и 6 асистенции Феникс 2010 го предводеше Митревски, а 15 поени и 6 скока додаде Димчевски.

МЗТ Скопје го освои 11. пехар во кошаркарскиот Куп

Бошко Тасиќ — Sat, 18 Feb 2023 20:24:01 +0000

Екипата на МЗТ Скопје ја оправда фаворитската улога и со победа над Феникс (89-73) во финалниот натпревар во СРЦ „Кале“ стана рекордер во Купот на Македонија „Благоја Георгиевски - Буштур“ кој се игра по јубилеен 30. пат. Аеродромци имаа по десет пехари со Работнички, но сега на листата се единствени на врвот. До единаесеттиот пехар, тимот на Драган Николиќ дојде според планот, со предност од почетокот до крајот на средбата. Дебитантот Феникс во неколку наврати се враќаше на едноцифрена разлика, но не можеше повеќе со АБА-лигашот. Страхиња Миќовиќ со 20 поени и седум скока беше прво име во составот на новиот куп-победник, а веднаш зад него беше Војдан Стојановски со 16 поени и осум скока. За одбележување е и настапот на Дастин Вер со 13 поени и осум асистенции. Трајковски со 22 и Димчевски со 21 поен беа најефикасни кај Феникс.

Феникс убедлив против Академија ФМП

Бошко Тасиќ — Sat, 28 Jan 2023 19:47:55 +0000

Кошаркарите на Феникс 2010 остварија убедлив триумф над Академија ФМП од 96:76 во единствениот меч од денешната програма од 13. коло. Гостите беа одлични во нападот, солидни во одбрната што им донесе поволен резултат во Кисела Вода, трето славје во низа, вкупно осмо во кампањата 2022/2023. Дуото Трајковски-Митревскии искомбинира 55 поени кај победникот или поточно повеќе од половина, додека кај поразените Смит-Меквејн уфрли 22, а Мариновиќ 22 кошеви. Навико Академија ФМП по 13 кола останува на три победи.

ТФТ славеше против Феникс

Бошко Тасиќ — Tue, 17 May 2022 20:11:45 +0000

ТФТ си го олесни патот до место во разигрувањето за титула откако во 9. коло од Суперлигата славеше на гостувањето кај Феникс 2010 со 58-76. Гостите кои имаа двоцифрена предност на полувремето одолеаја на налетот на домаќинот во второто полувреме кога ‘виолетово-жолтите’ стигнаа и до изедначување, а со добра игра во финишот ја запишаа 17. победа со која се изедначија со Гостивар и Еуро Никел на табелата. Николов со 15 поени и Хортон со 14 беа најефикасни кај победничкиот тим, а кај Феникс најефикасни беа Петков со 15 и Митревски со 14 поени.

Феникс го изенади Гостивар, рутинска победа на Работнички

Бошко Тасиќ — Thu, 21 Apr 2022 21:25:34 +0000

Работнички ја запиша втората победа во второто коло во кошаркарскиот плеј-аут, откако денеска славеше на домашен терен против Кожув. „Центарци“ ја диктираа играта и предводени од Балмазовиќ стигнаа до сигурен триумф од 81:70, па сега му избега на Куманово и има само три бода помалку од ФМП Академија која е прва во плејаутот. Балмазовиќ беше херој со 26 поени и 7 скокови, Какруки го следеше со 14 поени, а Едвин го заврши мечот со дабл-дабл учинок од 12 поени и 10 асистенции. Во поразениот тим од Гевгелија, Декардо Деј постигна 22 поени, а двоцирени беа Главчев со 14 и Оконкво со 12 поени зад своето име. На единствениот меч кој се одигра во Суперлигата, Феникс направи огромно изненадување и ја запиша првата победа во историјата на разигрувањето, славејќи во Гостивар со 66:69 по продолжение.

Пелистер го совлада Феникс 2010

Бошко Тасиќ — Mon, 18 Apr 2022 22:26:14 +0000

Лидерот на табелата КК Пелистер ја потврди улогата на фаворит во дуелот со Феникс 2010 (77:69) на почетокот на вториот дел од македонското првенство. Водечкиот во шампионатот влезе одлично во првиот натпревар од Суперлигата. Битолчани доминираа во првото полувреме во кое се стекнаа и со двоцифрена предност. Бојан Трајковски со 23 поени и 11 скока го предводеше Феникс,, додека него го следеа Вилијамс со 19 поени и 5 скока и Митревски со 13 поени и 5 асистенции. Игор Кесар со 20 поени беше прво име кај Пелистер, а Крстајиќ додаде 17