КК ФМП Академија – Kurir.mk

ТФТ убедлив против Струмица,ФМП го совлада Куманово

Бошко Тасиќ — Sat, 10 Dec 2022 20:46:58 +0000

Кошаркарите на ТФТ Скопје триумфираа на гостувањето кај Струмица со убедливи 111-84, додека Академија ФМП ја врза втората победа по ред откако беше подобра од Куманово со 102-83. Најдобар во победничкиот тим беше Страхил Николов со 18 поени, додека на спротивната страна блесна Ранко Мамузиќ со 22 поени. Академија ФМП ја запиша третата победа сезонава по девет натпревари, откако вечерва го уништи Куманово со 102-83. Кумановци издржаа само во првиот дел и имаа негатива од 44-49, но во второто полувреме гостинскиот состав ја наметна својата игра и без мака стигна до нов триумф. Неверојатен во победата на Академија ФМП беше Смит Меквин со 26 поени, 11 скокови и 10 асистенции, додека кај кумановци најдобар беше Јанески со 23 поени и 10 скока.

Стефан Крстајиќ од ФМП ќе игра во Пелистер

Бошко Тасиќ — Wed, 13 Apr 2022 18:02:18 +0000

кадемија ФМП и покрај тоа што се избори за место во Суперлигата, поради неможноста да го промени видот на трговско друштво нема да се натпреварува со најдобрите шест тима во мак-баскетот, а тоа значи и заминување на најдобрите кошаркари од Кисела Вода. Еден од нив е и Стефан Крстајиќ кој „сино-црвените“ бои ќе ги замени со „зелено-белите“ на Пелистер. Бекот кој веќе две сезони е во македонската кошарка се наметна како еден од најдобрите странци, а добрата игра од претходната сезона ја преслика и во новата со просек од 19.0 поени, 4.4 скока и 2.6 асистенции по натпревар.

Академија ФМП нема да игра Суперлига

Бошко Тасиќ — Wed, 13 Apr 2022 17:50:41 +0000

Македонската кошаркарска Суперлига ќе има нов учесник, Академија ФМП не успеа да се трансофмира во Акционерско друштво, па нејзиното место во разигрувањето за титулата ќе го добие дебитантот Феникс 2010. Информацијата ја сподели канцеларијата на сениорски лиги при Македонската кошаркарска федерација, која ја информира јавноста за следните промени во натпреварувањето во Првата лига-мажи за сезоната 2021/22. „Поради неможноста за трансформација во акционерско друштво, како што наложуваат законските обврски, односно Законот за трансформација на клубовите во највисокиот степен на натпреварување во акционерски друштва, и поради моменталната состојба за остварување право на пласман во Суперлигата во сезона 2021/22, екипата на Навико Академија ФМП од Скопје не може да продолжи со настапи во највисокиот ранг на натпреварување од Првата лига-мажи, Суперлигата. Местото на Навико Академија ФМП од Скопје го презема екипата на Феникс 2010 АД - Скопје“, велат од федерацијата. Согласно со тоа Академија ФМП го продолжува натпреварувањето во плеј-аут лигата, а Феникс како следна според пласманот по одигрувањето на првиот дел од првенството, го презема местото во Суперлигата во натпреварувачката сезона 2021/22.

Академија ФМП е последниот патник во полуфиналето на кошаркарскиот Куп

Бошко Тасиќ — Fri, 18 Feb 2022 22:05:46 +0000

По нецели пет минути, кошаркарите на Навико Академија ФМП се стекнаа со убедливи (16:5), и го примораа Горан Самарџиев, тренерот на Еуро Никел 2005 уште во таа најрана фаза од натпреварот да побара тајм-аут. Но кавадарчани брзо се вратија во игра, намалија на (21:19). Сепак, условно кажано, домашната екипа, го одбрани тој напад, и на истекот на периодот имаше сосема солидни (26:21). На средината од втората четвртина двете екипи одново се изедначија според бројот на дадени поени, по 34, потоа имаа и по 39. Во 18.минута кавадарчани поведоа со четири поени (45:41). Но се до истекот на првото полувреме, немаше нови сериозни резултатски „отскокнувања“. Освен нова промена на водството, по тројката на разиграниот Ајви (негов 15. поен во првото полувреме). Американецот беше најзаслужен што Навико Академија ФМП имаше уште повисоко водство (49:45) по 20.минути игра. Тука не застанаа „лавовите“ од Кисела Вода. По тројката на Крстајиќ, имаа и највисоки (59:48) во 24.минута. Искусниот бек беше третиот играч во тимот на Александар Петровиќ, покрај Ајви и Бакоч, кој ја надминаa бројката од најмалку десет поени. Имаа и уште повисоки (69:53), но до крајот на тој дел од четвртфиналето, кавадарчани таа негатива ја сведоа на поднослива. Во последната четвртина влегоа со „само“ осум минусни поени (63:71). По тројката на Дубински веќе беа на два чекори зад ривалот (72:74). А до крајот требаше да се играат цели осум минути. Серијата од (12-3) за 2:40 минути го донесе пресвртот, Еуро Никел 2005 поведе со (75:74). За кратко, затоа што резултатската „клацкалка“ отиде на страната на Навико Академија ФМП - (79:76). А тројката на Темелковски, 14. тимска, ги донесе уште поблиску до ново учество во Куп-полуфинале. Имаа солидни (88:82) на 2:15 минути до крајот. Но тој беше далеку, следуваше брз одговор на екипата од Кавадарци. Со четири врзани поени, на 1:11 минути пред последниот звук на сирената беа на само „еден посед“ блиску до противникот. Крстајиќ зголеми на (89:86), по неуспешниот обид на Соколов, Ајви беше половичен од линијата за слободни, за (90:86). Калахан беше фаулиран во обид за тир поени. Ги погоди првите две, не ни ттретото, за (90:88). Пресудата ја изрече Крстјиќ, за конечни (91:88)

ФМП Академија сигурен против Кожув

Бошко Тасиќ — Sat, 29 Jan 2022 19:03:24 +0000

Екипата на Академија ФМП го искористи домашниот терен и со убедлива победа над Кожув од 92-64 остана во игра за едно од местата кои водат во Суперлигата. Најдоброто трио кај Академија ФМП се македонските играчи. Филип Бакоч заврши со 19 поени, пред Лука Стојановски со 15, додека Филип Стојановски уфрли 14 поени. Кај Кожув добар меч имаше Каухерд со 22 поени.

Пелистер без проблеми против ФМП Академија

Бошко Тасиќ — Sun, 23 Jan 2022 19:58:41 +0000

Во дуелот од 13. коло во спортската сала „Боро Чурлевски“ во Битола домашниот Пелистер со совлада Навико ФМП Академија со 94-73. Најефикасни кај Пелистер беа Кесар со 24, Малешевиќ со 20 и Хотон со 17 поени, додека во тимот на Навико ФМП Академија се истакнаа Крстајиќ со 17 и Ивеј со 14 поени. Пелистер ќе има сериозен тест на непобедливоста идниот викенд во СЦ „Јане Сандански“ против Феникс 2010.

ФМП Академија со нов пораз во БИБЛ лигата

Бошко Тасиќ — Mon, 17 Jan 2022 20:32:18 +0000

Кошаркарите на Навико Академија ФМП го одиграа мечот со Макаби Хаифа каде гостите и издвојуваа победа од 89-112 во рамките на БИБЛ лигата Били Иви со 33 поени ги предводеше домаќините, а Глен Рајс со 30 поени беше најефикасен кај гостите. В среда попладне кошаркарите на Навико ФМП Академија ги очекува нов балкански предизвик, бидејќи гостуваат во Софија против Левски.

Пелистер и МЗТ Скопје сигурни во своите настапи

Бошко Тасиќ — Thu, 23 Dec 2021 21:29:30 +0000

Со двата одиграни вечерва во домашното кошаркарско првенство беше комплетирана 11 рунда во Првата лига. Кошаркарите на МЗТ Скопје Аеродром ја задржаа онаа победничка форма која трае уште од нивниот престој во Сараево каде во „балонот’ на АБА 2 лигата врзаа три победи. Кошаркаеите од Аеродром, а вечерва пред нив падна одличниот состав на Навико Академија ФМП. Ова откако го совладаа тимот на Академија ФМП со 96:70. Репрезентативниот двоец Крстевски-Стојановски ја диктираше играта во нападот (двајцата по 15.реализации, а многу брзо во второто полувреме, бројката од десет или повеќе поени во домашната екипа ја надминаа Дејвис и Мекиќ. На вториот меч одигран вечерва, Пелистер предводен од Малешевиќ и неговите 17 поени славеше кај ТФТ Скопје со 74:71.

Академија ФМП поразена од Левски во БИБЛ

Бошко Тасиќ — Tue, 14 Dec 2021 21:57:19 +0000

Македонскиот претставник во БИБЛ-лигата, екипата на Академија ФМП, никако да ја прекине лошата серија во регионалното натпреварување. Во петтиот натпревар на меѓународна сцена, тимот од Кисела Вода на домашен терен загуби од Левски 74-103. Светла ѕвезда кај македонскиот претставник беше Бре Ајви кој заврши со 41 поен, девет скока и една асистенција, пред Лука Стојановски со 12 поени, шест скока и три асистенции. Кај бугарскиот гостин најистакнат заврши Ивица Радиќ со 26 поени и 11 скока. Вреди да се напомене дека на овој меч македонскиот тим беше без главниот тренер и без четири играчи кои беа отсустни поради болест. ФМП има пет порази на пет натпревари, а во следниот меч ќе биде домаќин на Макаби Некст Урбан Хаифа. foto:gol.mk

ФМП Академија убедливо поразена од Галил

Бошко Тасиќ — Tue, 30 Nov 2021 20:08:19 +0000

Македонскиот кошаркарски претставник во балканското натпреварување Академија ФМП беше одново совладан од израелскиот Галил, овој пат со 107-65, за втор пораз оваа сезона Домашната екипа дуелот го реши по првото полувреме, дојде до предност од 57-26. Избраниците на Александар Петровиќ беа немоќни, против фавритот во групата, кој без проблем го приведе мечот во своја корист. Ајви и Крстајиќ имаа по 15 поени, 12 поени запиша Тодоровски.

Во следниот круг од натпреварите, за една седмица, поточно на 6. декември, Навико Академија ФМП му гостува на Левски во Софија.