КК Хелиос – Kurir.mk

Крка е нов член на АБА лигата

Бошко Тасиќ — Mon, 17 Apr 2023 05:56:58 +0000

Драма каква што не паметиме во регионалната кошарка видовме во Домжале во финалниот натпревар од плеј-офот во АБА2 лигата. По многу борба и продолженија, екипата на Крка Ново Место ја освои АБА2 лигата, победувајќи го домашниот Хелиос Санс со резултат 82-83. Од самиот почеток на натпреварот и двете екипи ја покажаа својата желба за победа. Се играше воглавно изедначено. На полувремето Крка имаше предност од 35-38. Во вториот дел следеше иста динамика, а на самиот крај и двете екипи имаа шанси за победа, но заврши 78-78 и се отиде во продолженија. Во екстра-времето Крка имаше повеќе среќа и умешност и славеше со конечни 82-83, иако Хелиос имаше напад за триумф. Крка до триумфот ја предводеше искусниот Стипчевиќ со 20 поени, три скока и две асистенции и уште еднаш ја покажа својата класа во регионални рамки. Кај Хелиос Санс најдобар беше Буљевиќ со 20 поени и седум скока, а Махковиќ додаде 19 поени.

Словенечка пресметка во финалето од АБА2 лигата

Бошко Тасиќ — Sat, 15 Apr 2023 04:03:37 +0000

Словенечките екипи Крка и Хелиос ќе играат во финале на завршницата од регионалната кошаркарска АБА2 лига, по победите што ги забележаа во денешните полуфинални пресметки на завршниот турнир во Домжале. Крка за противник во првото полуфинале го имаше тимот на Подгорица, меч на кој тимот од Словенија рутински славеше со 86:74. Домаќинот Хелиос по убедливиот триумф над Пелистер во четвртфиналето, денеска повторно славеше со импресивна игра, декласирајќи го составот на Широки бријег со убедливи 91:79.

Пелистер претрпе тежок пораз од Хелиос во АБА2 лигата

Бошко Тасиќ — Wed, 12 Apr 2023 21:47:58 +0000

Пелистер се пласираше во топ 8 завршницата во втората АБА2 лига, но засега елитата останува недостижна мисија за македонскиот кошаркарски вицешампион. Тимот од Битола оваа вечер го заврши својот настап во второто по ранг натпреварување на АБА, откако во четвртфиналето претрпе навистина висок и тежок пораз во Домжале. Уште при самата ждрепка стана јасно дека Пелистер мина најлошо на извлекувањето, а тоа денеска се докажа и на дело откако домаќинот Хелиос немаше милост против десеткуваниот тим во кој ги немаше Карпентер, Кареутерс и Маслинко. Самото ова беше најава за лесна победа на Хелиос, која на теренот беше пресликана со резултат 101:47 кој најдобро опишува колкава беше разликата меѓу двата тима оваа вечер. На овој начин, Пелистер ја завршува својата регионална авантура оваа сезона, па сега останува да се насочи на домашното првенство, во кое плејофот го дочекува како второпласиран тим на табелата зад лидерот МЗТ.