КК Игокеа – Kurir.mk

МЗТ Скопје со нов пораз во АБА лигата

Бошко Тасиќ — Sun, 04 Dec 2022 21:58:06 +0000

Македонскиот кошаркарски шампион МЗТ Скопје од гостувањето кај Игокеа во рамките на деветото коло во АБА-лига се враќа со пораз од 96-90. Избраниците на Александар Петровиќ одиграа добро во второто полувреме, се вратија од двоцифрена негатива, но не успеаја да го сторат најважното – да го освојат целиот плен. „Сино-белите“ треба да жалат бидејќи паднаа во најважните моменти, нешто на што ќе морат да работат особено кога се дел од едно натпреварување како што е АБА-лига. Кендрик Реј блесна во победничкиот табор со 35 поени, додека Мајк Кефи заврши со 21 во тимот на МЗТ Скопје

Тео Симиќ потпиша за Игокеа

Бошко Тасиќ — Wed, 17 Aug 2022 17:15:03 +0000

Македонскиот репрезентативен центар Теодор Симиќ потпиша четиригодишен договор со АБА-лигашот Игокеа, чиј тренер е неодамнешниот македонски селектор Драган Бајиќ. Талентираниот Симиќ досега беше член на младинскиот состав на Барса, но ја прифати понудата од Игокеа и ќе почне да игра клупска сениорска кошарка. Сепак, Симиќ во претстојната сезона нема да го носи дресот на Игокеа туку ќе настапува како позајмен за Борац Бања Лука во АБА 2 лигата и во првенството на БиХ.

Новиот селектор Драган Бајиќ избран за најдобар тренер во АБА лигата

Бошко Тасиќ — Thu, 29 Apr 2021 15:51:48 +0000

Новиот македонски селектор на мапката кошаркарска репрезентација Драган Бајиќ доби најголем број на гласови и е избран за најдобар тренер во АБА лигата за оваа сезона. Во изборот во кој учествуваа тренерите, новинарите и фановите стратегот на Игокеа на клупата на нашата селекција ќе дебитира со признание за најдобар тренер на сезоната во регионалното натпреварување. Новиот македонски селектор доби 63% од вкупниот број на гласови во традиционалното гласање кое го реализира менаџментот на АБА лигата. На второто место заврши предводникот на Цедевита Олимпија, Јурица Големац (10.8%), па следува Владимир Јовановиќ, тренерот на Мега, кој доби 7.7% од вкупниот број на гласови. Зад себе Драган Бајиќ има една неверојатна сезона со Игокеа. Екипата која ја одведе во друштвото на четирите најдобри кои низ плеј-офот ќе се борат за шампионската титула во АБА, но и за место во следното издание на Евролигата.