КК Кожуф – Kurir.mk

Димитар Караџовски се врати во Кожув

Бошко Тасиќ — Thu, 10 Aug 2023 04:02:48 +0000

Димитар Караџовски е првото засилување на Кожув за наредната сезона, откако прволигашот од Гевгелија денеска го официјализираше камбекот на искусниот плејмејкер. Овој кошаркар ги мина последните сезони во дресот на Пелистер, летово се реши да ги промени клупските бои, а од неколкуте понуди на маса ја избра онаа на Кожув.

„Искусниот Димитар Караџовски е првото засилување во новата натпреварувачка сезона. Искусниот плејмејкерот е по 3 пат во нашиот состав откако ги бранеше боите на нашиот клуб од 2012/2014, потоа од 2019 до 2021. Добредојде во црвено белата фамилија“, објави Кожув на својата официјална фејсбук страница.

Гостивар тешко против Кожув

Бошко Тасиќ — Sat, 09 Apr 2022 18:48:33 +0000

Кошаркарскиот клуб Гостивар конечно им се врати на победите во кошаркарската лига на Македонија, откако славеше на гостувањето кај Кожув со 78-80 во натпревар од последното коло во регуларниот дел од сезоната. Никола Силаџи со 22 поени беше прво име во таборот на победникот, додека кај домаќините се истакна Тач Унрих со 19 поени.

Советникот Ристов си дал оставка од извршен директор на КК Кожуф, оставил празна сметка и огромен долг

Магдалена Андонова — Sun, 05 Dec 2021 17:54:12 +0000

Советникот од Сдсм во советот на општина Гевгелија,Тодор Ристов си поднел оставка од функцијата Извршен директор на КК Кожуф од Гевгелија. Во моментот кога дава оставка на сметката на КК Кожуф има 180 000 денари и долг од околу 5 000 000 денари кон правни лица и 3 000 000 денари за 2 неисплатени плати на играчите,стручниот штаб и останатите вработени. Вкупниот долг на КК Кожуф во моментот е околу 8 000 000 денари или 130 000 евра. Управата предводена од Тодор Ристов ги потрошила сите финансиски средства од општинскиот буџет и од ваучерот за 2021 год. Недомаќинското работење на оваа управа на КК Кожув започнало во 2018 година. Во периодот 2018 - 2021 год. извршниот директор на КК Кожув Тодор Ристов во исто време е претседател на советот на општина Гевгелија. Во тој период во КК Кожуф од Гевгелија има несовесно трошење на финансиски средства без позначајни резултати и развој на младинските категори во клубот. Ова е уште еден пример како се злоупотребуваат спортските клубови за лични интереси на сметка на граѓаните.