кк кожув – Kurir.mk

Кожув потпиша тројца кошаркари

Бошко Тасиќ — Wed, 30 Aug 2023 18:15:17 +0000

По задржување на костурот на тимот на Кожув и ангажманот на неколку странски кошаркари, како и поранешниот репрезентативец Димитар Караџовски, денеска прволигашот ја потврди соработката со три нови имиња. Станува збор за доскорешните кошаркари на МЗТ Скопје, Димитар Пандев и Дарио Митевски како и младиот талент Павел Иванов. Пандев и Митревски во шампионската сезона на МЗТ Скопје забележаа скромен учинок. Центарот настапи на 24 натпревари во Прва лига бележејќи просек од 5.8 поени и 3.8 скокови, додека бекот одигра осум натпревари на кои постигна просек од 1.4 поени по натпревар.

МЗТ Скопје до прв триумф против Кожув

Бошко Тасиќ — Sun, 30 Apr 2023 19:19:22 +0000

Македонскиот шампион МЗТ Скопје Аеродром со триумф од 83-69 ја отвори серијата против Кожув во четврфиналето на првенствениот плеј-оф. Браќата Стојановски одново покажаа дека се „алфа и омега“ во МЗТ, па Војдан со 29 и Дамјан со 21 поени го водеа тимот до победата. Кај Кожув се истакна американскиот ас Гордон кој заврши со 21 поен.

Кожув одличен во последна четвртина за победа над Гостивар

Бошко Тасиќ — Sat, 08 Apr 2023 18:42:28 +0000

Благодарение на одличната игра во последната четвртина, Кожув направи пресврт и успеа да слави триумф над Гостивар со конечни 94-87. Домашните водеа само во првиот период, а потоа вториот го добија гостите, како и третиот, па во последната четвртина заминаа со предност од седум поени разлика (на моменти имаа и 14). Стартот на полседниот период не наговестуваше дека Кожув ќе има сили за победа, со оглед дека Гостивар ја држеше разликата, имаше и осум и девет поени предност во четвртиот период, но гевгеличани успеаја да се вратат особено по 79-84, кога направија серија и дојдоа до предност од три, па ја зголемија на четири, пет, па на седум. Интересно последниот период го доби Кожув со 33-19. Долго време во финишот Гостивар беше без поени, а домашните направија серија од 6-0, по која немаше повеќе враќање за гостите. Гостиварци немаа решение за Гордон кон уфрли 38 поени. Вучковиќ кај Гостивар беше најефикасен со 21 поен.

Јончевски седнува на клупата на Кожув

Бошко Тасиќ — Sun, 22 Jan 2023 21:37:24 +0000

Македонскиот кошаркарски селектор Александар Јончевски од денеска е тренер на Кожув. Гевгеличани ја објавија соработката со стручњакот кој треба да донесе подобри резултати во домашното првенство, а Јончевски ќе ја извршува функцијата паралелно со водењето на националниот тим, За македонскиот селектор ова е втор тренерски ангажман во Кожув, екипата која ја водеше меѓу 2018 и 2021 година. Досегашниот тренер Апостоли Апостолов ќе остане во стручниот штаб на составот од Гевгелија, потврди КК Кожув во своето соопштение. Јончевски брзо најде нов ангажман откако пред неколку дена ја заврши соработката со екипата на Трепча.

Пелистер рутински го суреди Кожув

Бошко Тасиќ — Mon, 05 Dec 2022 21:05:58 +0000

Пелистер оствари рутинска победа над Кожув од 96:84 во средбата од 8. коло во најсилниот домашен кошаркарски шампионат. Домашниот тим имаше одлично прво полувреме во кое избори предност од 18 разлика (55-37), па по паузата истото го одбрани, одржувше за седмо славје во сезоната. Пет играчи во победничкиот табор беа двоцифрен, Мустафица беше лидер со 24, а Карпентер уфрли 17 кошеви. Во гевеглискиот клуб, првиот стрелец во лигата, Американецот Мајрон Гордон заврши со 23.поени. Оваа рунда ќе биде затворена утре со дуелот МЗТ Скопје-Еуро Никел.

Феникс го изенади Гостивар, рутинска победа на Работнички

Бошко Тасиќ — Thu, 21 Apr 2022 21:25:34 +0000

Работнички ја запиша втората победа во второто коло во кошаркарскиот плеј-аут, откако денеска славеше на домашен терен против Кожув. „Центарци“ ја диктираа играта и предводени од Балмазовиќ стигнаа до сигурен триумф од 81:70, па сега му избега на Куманово и има само три бода помалку од ФМП Академија која е прва во плејаутот. Балмазовиќ беше херој со 26 поени и 7 скокови, Какруки го следеше со 14 поени, а Едвин го заврши мечот со дабл-дабл учинок од 12 поени и 10 асистенции. Во поразениот тим од Гевгелија, Декардо Деј постигна 22 поени, а двоцирени беа Главчев со 14 и Оконкво со 12 поени зад своето име. На единствениот меч кој се одигра во Суперлигата, Феникс направи огромно изненадување и ја запиша првата победа во историјата на разигрувањето, славејќи во Гостивар со 66:69 по продолжение.

Кожув подобар од МЗТ Скопје УБ

Бошко Тасиќ — Sat, 19 Mar 2022 18:14:44 +0000

Екипата на Кожув продолжува со победите во македонскиот шампионат. Гевгеличани на гостински терен славеа кај МЗТ Скопје 2 со (73-87) и дојдоа до нова радост. Триото Американци во Кожув беше пресудно на овој натпревар. Оконкво постигна 24 поени, пред Унрух со 16 поени, додека Бродвеј заврши со 15 поени. Кај МЗТ Скопје УБ најистакнат беше македонскиот репрезентативец Петровски со 25 поени, пред Митевски со 15 поени. Кожув по 19 натпревари е на деветтото место на табелата со скор 7-12, додека МЗТ Скопје 2 се наоѓа на единаесеттата позиција со две победи и 17 порази, или седум неуспеси во низа.

Кожув го совлада Куманово за чекор поблиску до опстанок

Бошко Тасиќ — Sun, 13 Mar 2022 20:03:28 +0000

Кошаркарите на Кожув запишаа убедлива победа над Куманово од 95-80 во 18. коло од Првата македонска кошаркарска лига, со која се одлепија дополнително од последните три позиции на табелата. Натпреварот воопшто не почна во знакот на домашните која ја загубија првата четвртина со 20-27. Сепак во продолжението успеаја да се вратат во игра, па на полувремето заминаа со четири поени разлика. Во израмнетиот натпревар, следната четвртина повторно им припадна на кумановци кои во последниот период од играта влегоа со предност. Но, домашните одиграа најдобро тогаш кога беше најважно. Последната четвртина ја добија со 33-17, за на крајот и убедлива победа. Најдобар поединец кај Кожуф беше Унрух со 29 поени, а Бродвеј заврши со 20 поени и шест скока. Колев натпреварот го заврши со 13 поени, 12 скока и шест асистенции. Кај противникот Акано беше незапирлив со 35 поени и 9 скока, но не беше доволен да се избегне поразот во Гевгелија.

Пелистер сигурен, Еуро Никел го доби дербито со ТФТ

Бошко Тасиќ — Thu, 03 Feb 2022 20:45:53 +0000

Кошаркарите на Пелистер го совладаа тимот на Кожув со 79-67. Гостите ги добија првите три четвртини и создадоа предност од 70-41 по што стана јасно дека двата бода одат во Битола. Кесар и Малешевиќ со вкупно 36 поени беа први стрелци кај лидерот, Колев за Кожув пак даде 20 поени. Еуро Никел пак беше подобар од ТФТ со резултат 80-74. Ова беше дуел во кој првиот дел му припадна на скопскиот состав, а вториот на домаќинот со тоа што клубот од Кавадарци беше поубедлив и го запиша првиот триумф во 2022 година. Томиќ со 18 поени се издвои кај кавадарчани, Хортон и Ташовски со по 14 беа први имиња кај составот од Тафталиџе.

ФМП Академија сигурен против Кожув

Бошко Тасиќ — Sat, 29 Jan 2022 19:03:24 +0000

Екипата на Академија ФМП го искористи домашниот терен и со убедлива победа над Кожув од 92-64 остана во игра за едно од местата кои водат во Суперлигата. Најдоброто трио кај Академија ФМП се македонските играчи. Филип Бакоч заврши со 19 поени, пред Лука Стојановски со 15, додека Филип Стојановски уфрли 14 поени. Кај Кожув добар меч имаше Каухерд со 22 поени.