кк куманово 2009 – Kurir.mk

Куманово лесно се справи со Работнички

Бошко Тасиќ — Sat, 09 Apr 2022 19:03:05 +0000

Кошаркарите на Куманово 2009 славеа над скопски Работнички со 72-54 во последниот натпревар од регуларниот дел од сезоната во машкиот кошаркарскиот шампионат на Македонија. Домаќините уште од почетокот почнаа силно и веќе по десет минути игра имаа плус девет поточно 22-13. Вториот период донесе малку поени, но и во таква игра подобро се снајдоа домаќините кои на пауза заминаа со позитива од 38-25. Во вториот дел домажините рутински го приведоа мечот до самиот крај за конечни 72-54. Андрија Марјановиќ со 22 поени беше прво име во победничкиот тим, а го следеше Душан Јузбашиќ со 19 поени и Ненад Зивчевиќ со 15 поени. Кај поразените Даниел Нацевски заврши со 14 поени.

Кожув го совлада Куманово за чекор поблиску до опстанок

Бошко Тасиќ — Sun, 13 Mar 2022 20:03:28 +0000

Кошаркарите на Кожув запишаа убедлива победа над Куманово од 95-80 во 18. коло од Првата македонска кошаркарска лига, со која се одлепија дополнително од последните три позиции на табелата. Натпреварот воопшто не почна во знакот на домашните која ја загубија првата четвртина со 20-27. Сепак во продолжението успеаја да се вратат во игра, па на полувремето заминаа со четири поени разлика. Во израмнетиот натпревар, следната четвртина повторно им припадна на кумановци кои во последниот период од играта влегоа со предност. Но, домашните одиграа најдобро тогаш кога беше најважно. Последната четвртина ја добија со 33-17, за на крајот и убедлива победа. Најдобар поединец кај Кожуф беше Унрух со 29 поени, а Бродвеј заврши со 20 поени и шест скока. Колев натпреварот го заврши со 13 поени, 12 скока и шест асистенции. Кај противникот Акано беше незапирлив со 35 поени и 9 скока, но не беше доволен да се избегне поразот во Гевгелија.

Трилерот во Куманово за МЗТ Скопје Аеродром

Бошко Тасиќ — Wed, 02 Feb 2022 21:47:52 +0000

Кошаркарските тимови на Куманово и МЗТ Скопје дадоа одличен вовед на 15.коло во Првата кошаркарска лига каде одиграа од првата минута крајно изедначен натпревар. Ова беше дуел со бројни пресврт, наа крајот како победник излезе гостинската екипа, која славеше со 65-70. Во тимот на Куманово според најефикасни беа Абром кој имаше 18, Зивчевиќ 16 поени. Дејвис со 17 поени беше прв стрелец кај МЗТ Скопје, два помалку имаше Крстевски, Робев застана на 11 поени, Домаќинот поведе со 4-0, но гостите вратија на 4-6. Куманово во овој дел на изедначена битка, како речиси во текот на целиот меч, имаше позитива од 14-10 и 18-14. Сследниот период му припадна на гостинскиот тим, па на одморот имаше негатива од еден поен 31-30. МЗТ Скопје добро влезе во третиот период и во три наврати водеше со плус пет (33-38, 35-40 и 37-42). Зивчевиќ со серија на поени изедначи на 45-45, а потоа Настовски и Николиќ продолжија, па Куманово дојде на плсу пет 52-47. Милошевиќ и Дејвис намали на 52-51 на стартот на последниот период. Абром беше еден од оние најрасположени кошаркари, заедно со Андрејевиќ зголемија на плус седум (58-51) по само две и пол минути игра. МЗТ Скопје беше далеку од нивото, на пет минути до крајот негативата беше двоцифрена (65-55) за Куманово, за потоа да тргнат работите во правец за гостинската екипа која на крајот триумфираше.

Куманово убедливо совладан од ТФТ

Бошко Тасиќ — Sat, 29 Jan 2022 19:08:30 +0000

Кошаркарите на ТФТ по вторпат оваа сезона го добија дуелот со Куманово сега во Скопје со 109-100, овојпат во рамките од 14. коло од македонската Прва лига. Гостинскиот тим постојано се обидуваше да го достигне ривалот. Но, ТФТ одржуваше доволно висока разлика, за да не се грижи за бодовите во завршните минути од мечот. Хортон беше најефикасен за победникот со 26 поени и 11 скока, а кај гостите се истакнаа Зивчевиќ со 24 и Глигоријевиќ со 19 поени.

Прва победа на Ангели, Гостивар триумфираше во Куманово

Бошко Тасиќ — Sat, 22 Jan 2022 19:37:42 +0000

Екипата на Ангели има причина за радост откако по дванаесетте порази од стартот на сезонава, денеска се израдува на првата победа во елитното друштво. Ангели денеска гостуваа во Аеродром на вториот тим на МЗТ Скопје, каде славеа над директниот ривал за опстанок со минимални 81-82. Засилувањето Раме се покажа во извонредно светло дебитирајќи со 32 поени за македонскиот прволигаш, 15 постигна Атанасов, додека кај младиот состав на МЗТ најефикасни беа Ренсом со 24 и Митевски со 21 постигнат поен. Кошаркарите на Гостивар остварија триумф од 96-84 на гостувањето во Куманово. Во натпревар со пресврти, на крајот гостите беа поконцентрирани во финишот, и дојдоа до победата. Гостивар одлично го почна мечот, и во првиот период имаше предност од 12 разлика (18-30). Меѓутоа во вториот се разбудија кумановци, па ја добија втората четвртина со +15 (28-13), и на одмор заминаа со предност. Во третиот период повторно Гостивар подобар, и ја доби со 21-29, со што повторно имаше предност. Куманово успеа да стигне и до -1 во последната четвртина. Меѓутоа во финишот Гостиварци беа поефикасни и дојдоа до триумфот. Јанески од Гостивар постигна 31 поен, додека кај Куманово најефикасен беше Абром со 27 поени.

Куманово со втор триумф во серија, ФМП Академија до победа на со тројка на секунда до крајот

Бошко Тасиќ — Sun, 12 Dec 2021 21:10:00 +0000

Академија ФМП ја запиша третата победа по ред во кошаркарската Суперлига, откако вечерва славеше со 90-89 против ТФТ Скопје, додека Куманово го совлада МЗТ Скопје Уни Банка со 75-71, средби кои се одиграа во рамките на 10.коло во машкиот кошаркарски шампионат.

Кошаркарите на ФМП одиграа одлично прво полувреме, кое го добија со солидна предност од 16 поени (42-26), но ТФТ успеа да се врати по третата четвртина и да стигна до 57-58, по што следеше драматичен финиш на натпреварот. ТФТ во завршницата промаши две слободни фрлања, а натпреварот го реши Ајви кој постигна тројка на една секунда на крајот за победа на Академија ФМП од 90-89.Најефикасни во тимот на ФМП беа Крстајиќ и Ајви со по 19 поени, додека Костоски постигна 19 поени за ТФТ. Куманово одигра возбудлив натпревар против МЗТ Скопје Уни Банка, а отпорот на кошаркарите од Аеродром беше скршен во завршницата, кога домаќинот славеше со 75-71. Најдобар кај Куманово беше Абром со 21 постигнат гол, додека кај МЗТ Скопје Уни Банка најефикасен беше Ренсом со 25 поени.

КК Куманово: Ја напуштивме БИБЛ лигата поради судии и некоректно однесување

Бошко Тасиќ — Tue, 30 Nov 2021 20:00:08 +0000

Кошаркарскиот клуб Куманово се огласи со соопштение откако БИБЛ лигата реши да го исклучи колективот од натпреварувањето и да му врачи суспензија за учество во сезоните кои следат. Ова е вторпат кумановчани да ја напуштат лигата среде сезона, но од управата велат дека имаат причини за тоа. Од таборот на кумановчани демантираат дека екипата има било какви долгови по основ на неподмирени долгови кон ова натпреварување или неисплатени обврски по основ на хотелско сместување, а главната причина затоа што не играат е тенденциозното судење и некоректното однесување на поединци.

Целосното соопштение на КК Куманово:

Како кошаркарски тим со огрoмна традиција и реноме, КК Куманово 2009 мораше да реагира преку соопштение и демант за сите невистини и обвинувања затоа што се пишуваше изминатите денови во медиумите и да се обрати на јавноста по повод обвинувањата на челниците на Балканската Регионална Лига или поточно БИБЛ лига со цел да се нанесе штета и да се наруши угледот на нашиот тим кој е граден со години нананзад. Ние како управа на оваа екипа уште еднаш демантираме дека КК Куманово во изминатиот период откако настапува во БИБЛ лигата има било каква обврска по основ на неизмирени долгови спрема оваа натпреварување, неисплатени обврски по основ на хотелско сместување или транспорт или пак неизмирени долгови по основ на судиска или делегатска такса. Лигата ја напуштивме пред се поради тендециозното судење и некоректно однесување на одредени поединци. Раководство на клубот, исто така сметаше дека мора да се направат приоритети и финансиската состојба во клубот полека да се стабилизира. Согласно со тоа, прв приоритет на нашиот тим ни се редовните обврски кон постоечкиот играчки кадар, стручен штаб како и кон матичната кошаркарска федерација и други субјекти поврзани со патувања и сместување во домашниот шампионат. Со оваа одлука да не бидеме веќе дел од БИБЛ лигата создаваме услови за целосно посветување на натпреварувањето во Првата македонска кошаркарска лига, во која амбициите ни остануваат исти, а тоа е пласман во Супер лигата, но со напомена дека ќе се даде акцент на млади домашни играчи кои се веќе дел од нашиот тим во оваа сезона и засилување со кошаркари кои ќе се надополнат постоечкиот играчки кадар. Исто така се работи на изготвување на четиригодишен план за спортски и финансиски развој на клубот. Воедно ја замолуваме публиката кој е нашиот шести играч одсекогаш на разбирање и бараме поддршка во наредниот период полека да се консолидираме и заедно да се вратиме на победничките патеки. Со почит Кошаркарски Клуб Куманово 2009

Убедливи победи на Еуро Никел и Академија ФМП

Бошко Тасиќ — Sat, 20 Nov 2021 20:41:40 +0000

Еуро Никел имаат серија од две победи по ред по лошата серија на почетокот на сезоната. Кавадарчани на домашен терен го совладаа Куманово со убедливи 87-69 и ја продлабочи кризата во редовите на противникот. По осмото коло, кумановскиот состав има седум порази во низа, па сега се наоѓа на десетото место на табелата во Првата лига. Џекиќ со 21 поен и 9 скока беше лидер кај победникот, Соколов постигна 15 поени. Кај Куманово, Зивчевиќ имаше 22 поени. Академија ФМП имаше послесна задача во осмото коло. Избраниците на Александар Петровиќ славеа против дебитантот Ангели со 89-70 за петти триумф оваа сезона. Крстајиќ постигна 21 поен, Стојановски имаше 19. Мандерсон со 22 поени и 14 скока беше најдобар кај Ангели.

Гостивар го совлада Куманово за прв триумф во новата сезона

Бошко Тасиќ — Sat, 09 Oct 2021 18:16:29 +0000

Кошаркарскиот тим на Гостивар стигна до убедлива победа над Куманово од 85-72 во 2. коло од кошаркарската лига на Македонија. Клучна во натпреварот беше втората четвртина која домашните ја добија со десет поени разлика. Залудна беше солидната игра на кумановци во останатите три периоди бидејќи во ниту еден момент не успеаја да го вратат мечот во егал. Александар Тодоровиќ со 23 и Ејасу Ворку со 20 беа најрасположени во победничкиот табор, додека кај гостите од Куманово, Џозеф Кејлеб заврши со 15 поени. За Гостивар ова е прв триумф сезонава по воведниот пораз од Еуро Никел, додека Куманово по победата над Ангели минатото коло го запиша првиот пораз сезонава.

ТФТ и Куманово ги дознаа градовите домаќини за квалификациски турнири во ФИБА Еврокупот

Бошко Тасиќ — Tue, 24 Aug 2021 15:13:54 +0000

Македонските претставници во ФИБА Еурокупот, ТФТ Скопје и Куманово ги дознаа градовите домаќини во кои ќе ги стартуваат своите настапи во квалификациските турнири. Куманово ќе патува во Холандија, каде во Гронинген ќе се одигра турнирот од групата А. Во четвртфиналето македонскиот тим ќе се судри со Свонс Гмунден од Австрија а со евентуална победа ќе налета на домашниот тим на Донар. Турнирот од групата Ц ќе се игра во Русија, а во улога на домаќин ќе биде Енисеј во Краснојарск. Домаќините ќе се борат против израелската Хапоел Хаифа во првото полуфинале. Германскиот Меди Бајројт во второто полуфинале го чека победникот од четвртфиналната пресметка меѓу унгарските Натуртекс - СЗТЕ-Сегед и ТФТ од Скопје. Останатите два турнири ќе се играат во Софија и Парну. Сите турнири ќе се играат помеѓу 28 септември и 1 октомври.