кк макпетрол – Kurir.mk

Каратистите на Макпетрол со три златни и три бронзени медали на турнирот во Тузла

Бошко Тасиќ — Mon, 01 Mar 2021 18:11:52 +0000

Каратистите на Макпетрол освоија шест медали на интернационалниот турнир во Тузла, Босна и Херцеговина. Ангела Мојсовска се закити со два медали, едно злато и една бронза, а најсјајно одличје освоија и Глигор Петков и Стефан Стојановиќ. Бронзени медали освоија и Моника Пендаровска и Марија Петровска. На овој силен турнир учество земаа вкупно 888 натпреварувачи од дури 75 клубови од поранешна Југославија. Каратистите на Макпетрол на овој турнир настапија претежно во највозрасната сениорска конкуренција, и тие успеаја да освојат вкупно 6 (шест) медали од кои 3 (три) златни и 3 (три) бронзени.

Карате клубот Макпетрол успешно ги заврши подготовките во Подгорица пред светската Премиер лига

Бошко Тасиќ — Mon, 22 Feb 2021 19:30:08 +0000

Каратистите на најдобриот Карате клуб Макпетрол за 2020 година денеска се вратија во Скопје од петдневните заеднички подготовки во Подгорица, Црна Гора. Бошко Заборски стратегот на Макпетрол, истакна дека овој камп има многу значајна улога за подигнување на моралот и спортската форма кај спортистите. „Треба да се има предвид дека ние скоро една година немаме никакви настапи и заеднички тренинзи со клубови и репрезентации, затоа ова е вистинско освежување. Во Подгорица се собравме натпреварувачи од балканскиот регион и преставуваше добар тест и подготовка пред нашите предвидени активности, а тоа се учество на Интернационалниот турнир „Тузла опен“, кој ќе се одржи следниов викенд. Потоа, 12-14 март имаме прв настап организиран од страна на Светската карате федерација турнир од светската Карате 1 Премиер лига во Истанбул, каде што ќе се сретнеме со светската карате елита, за подобрување на рејтингот и собирање на бодови за настап на Олимписките игри во Токио“, нагласи Заборски. Тој доаде дека на подготовките во Подгорица учествуваа спортисти од Бугарија, Босна и Херцеговина, Албанија, Косово, Црна Гора и Македонија. Репрезентативецот Петар Заборски на овие подготовки имаше дупла улога, беше тренер и учесник на подготовките. – За нас, како спортски колектив, и за мене лично, многу значи што бев повикан да бидам дел од кампот. На подготовките имав прилика да ја испробам својата моментална форма со едни од најдобрите светски натпреварувачи. Одработивме одлични спаринзи. Тоа беше дел од спецификата кој најманогу ни фалеше во овој дел на периодизацијата. Работевме по шест часа на ден и во многу делови ги подобривме борбените техники. Сакам да истакнам дека голема чест е да се соработува со тренерот Жарко Раковиќ, со кого како клуб имаме голема соработка, која успешно ја негуваме повеќе од една деценија. Ова е само почеток за остварување на нашата цел, затоа договорени се учества и соработка и во блиска иднина. Следниот камп ќе биде најверојатно во Скопје“, рече Петар Заборски.

Карате Федерацијата ги Македонија ги прогласи најдобрите

Бошко Тасиќ — Sat, 06 Feb 2021 19:41:42 +0000

Карате федерацијата на Македонија ги избра најдобрите за 2020 година. Во категоријата најдобар сениор во машка конкуренција во борби признанието го доби Емил Павлов, пред Петар Спасеновски и Жарко Арсовски. Кај дамите најдобра каратистка за 2020 година е Вероника Костовска, пред Ангела Мојсовска и Симона Заборска. Во категорија на кати најдобри се Фери Исиќ и Пулексенија Јованоска, додека за најдобар тренер во сениорска и во младинска категорија е прогласен Бошко Заборски. Макпетрол ја освои наградата за најдобар клуб во младинска и во сениорска категорија.