КК МЗТ Скопје 2 – Kurir.mk

Академија ФМП лесно против МЗТ Скопје 2

Бошко Тасиќ — Sat, 06 Nov 2021 20:04:14 +0000

Скопскиот тим на Академија ФМП стигна до четврата победа во низа откако на домашен терен славеше против МЗТ Скопје 2 со 84-74. Избраниците на Александар Петровиќ беа подобриот противник во поголемиот дел од натпреварот и сосема заслужено стигнаа до нови два бода. Стефан Крстајиќ беше предводник на составот од Кисела Вода со 16 поени и 3 скока, а него го следеше Филип Бакоч со 12 поени и 9 скока. Карло Блажевски беше првото име кај гостите со 16 поени, а Габриел Коскоски додаде 14 поени и 4 скока.

КК Пелистер и МЗТ Скопје во АБА 2 лигата ќе играат секој месец по еден „балон“

Бошко Тасиќ — Sun, 05 Sep 2021 17:50:34 +0000

Во новата сезона во АБА 2 лигата ќе се игра како претходната, во „балони“ и со вкупно 13 кола во основниот дел од првенството. До моментов не е познат конечниот список на учесници бидејќи од 14 екипи, потврдено е учеството на само 11. Хрватската Горица се откажа, а и од претходно имаше две слободни места кои ќе им бидат понудени на клубови како специјални покани кои чинат по 50 илјади евра. Во новата сезона ќе има пет „балони“ во основниот дел. Првиот се игра од 10 до 14 октомври со кој и ќе почне првенството во АБА 2. Вториот е на програата од 8 до 11 ноември, третиот од 13 до 19 декември, четвртиот од 17 до 23 јануари, а последниот од 21 до 27 март. Ова значи дека само во февруари нема да се играат натпревари од АБА 2 лигата. Интересно е тоа што, за разлика од лани кога имаше „балони“ со по четири кола, сега во првите два, екипите ќе играат по два натпревара, а во преостанатите по три. Пелистер и МЗТ Скопје со тоа ќе загубат многу време во патувања и ќе имаат максимално згуснат распоред бидејќи потоа треба да ги надополнат пропуштените натпревари во домашното првенство. По одиграните 13 кола, екипите од првото до осмото место влегуваат во плеј-офот кој, исто така, ќе се игра турнирски. Засега не се познати местата на организирање на „балоните“, како ни распоредот

Работнички потешко од очекувањата го совлада МЗТ Скопје 2

Бошко Тасиќ — Thu, 29 Apr 2021 15:31:37 +0000

Кошаркарскиот клуб Работнички го совлада вториот тим на МЗТ Скопје со 84-77. Момците на Димитар Мираковски помотивирано го започнаа натпреварот и по првите 10 минути стекнаа позитива од седум поени (19-12), која на полувреме минимално се зголеми на 40-32. Најдобар во редовите на победничката екипа беше Питс со 32.поени (10/14 во шутот за два поени, а солиден ефект имаа и Аска и Ефремовски со по 14 поени. Кај МЗТ Скопје 2 Митревски имаше 17, а Зекири 14 поени. Со оваа победа „центарци“ останаа во игра за првата позиција на табелата. Сега имаат ефект (15-6) со кој го делат второто место со Еуро Никел 2005.