кк мзт скопје – Kurir.mk

МЗТ Скопје со победа ја стартуваше финалната серија

Бошко Тасиќ — Fri, 03 Jun 2022 21:02:39 +0000

МЗТ Скопје поведе со 1:0 во финалето против Пелистер и славеа со 91:76, пред се поради изразената доминација во третата четвртина во кој беше направена главната разлика. МЗТ го диктираше темпото во првото полувреме, но во ниту еден момент немаше двоцифрена предност, но во вториот дел брзо дојде до комотна позиција и практично го реши победникот во овој дел од мечот. Пелистер се обиде да се врати и најблиску дојде до минус седум, но сепак и во моментите кога се закануваше, домаќините имаа одговор и на крајот рутински го приведоа мечот до крај за водство од 1:0. Војдан Стојановски беше лидер со 19 поени, исто толку уфрли и Милошевиќ, додека кај поразениот тим, традиционално најдобар беше Кесар со 22 поени. Финалната серија сега се сели во Битола, а вториот меч се игра во „Боро Чурлевски“ в недела во 18:30 часот.

Пелистер го совлада МЗТ Скопје за потврда на првата позиција

Бошко Тасиќ — Mon, 27 Dec 2021 19:53:30 +0000

Кошаркарите на Пелистер на убедлив начин ја завршија 2021 година остварувајќи ја и 12-тата победа во серија со што се непоразени оваа сезона. Битолчани на дербито во Скопје против домашнииот МЗТ славеа со 93-78 и потврдија дека се најдобрата екипа во досегашниот дел од македонското првенство. Победата дојде како резултат на добрата игра во првата и особено во третата четвртина кога домашните кошаркари не успеаја да го запрат шутот од дистанца на гостите. Кесар со 30 поени беше најефикасен на паркетот. Првенството продолжува кон крајот на јануари.

Работнички во големото кошаркарско дерби го доби МЗТ Скопје

Бошко Тасиќ — Wed, 14 Apr 2021 17:35:58 +0000

Денеска во заостанатиот натпревар од 12 коло во машкиот кошаркарски шампионат одигран во малата сала на СЦ „Јане Сандански“ во Скопје во го големото дерби составот на Работнички триумфираше со 74:75 против МЗТ Скопје Аеродром.

Кај победниците доминираше хрватскиот интернационалец Бундовиќ со 16 поени, колку што има и неговиот тимски колега, Словенецот Мулалиќ.
На спротивната страна Мекиќ реализираше 18 поени, а Гравет и Крстевски го следеа со по 15. На табелата тимот од Градски парк се на седмото место со 29 бодови, три повеќе од деветтопласираните „металци“.