КК МЗТ Скопјје – Kurir.mk

МЗТ Скопје го освои 11. пехар во кошаркарскиот Куп

Бошко Тасиќ — Sat, 18 Feb 2023 20:24:01 +0000

Екипата на МЗТ Скопје ја оправда фаворитската улога и со победа над Феникс (89-73) во финалниот натпревар во СРЦ „Кале“ стана рекордер во Купот на Македонија „Благоја Георгиевски - Буштур“ кој се игра по јубилеен 30. пат. Аеродромци имаа по десет пехари со Работнички, но сега на листата се единствени на врвот. До единаесеттиот пехар, тимот на Драган Николиќ дојде според планот, со предност од почетокот до крајот на средбата. Дебитантот Феникс во неколку наврати се враќаше на едноцифрена разлика, но не можеше повеќе со АБА-лигашот. Страхиња Миќовиќ со 20 поени и седум скока беше прво име во составот на новиот куп-победник, а веднаш зад него беше Војдан Стојановски со 16 поени и осум скока. За одбележување е и настапот на Дастин Вер со 13 поени и осум асистенции. Трајковски со 22 и Димчевски со 21 поен беа најефикасни кај Феникс.

Николиќ: Победи кошарката, се надевам на уште вакви натпревари

Бошко Тасиќ — Tue, 07 Feb 2023 05:40:42 +0000

Македонскиот кошаркарски шампион МЗТ Скопје успеа да го добие вечното дерби против Работнички во натпревар во кој постојано ја имаше резултатската преднсот во свои раце. „Сино-белите“ до диктираа темпото на теренот, а одолеаја и на налетот на расположените гостити во самиот финиш за победа број 12 во сезоната. Тоа воедно и прва победа за стратегот на МЗТ Скопје, Драган Николиќ во дуелите на „вечните“ па српскиот стратег не го криеше задоволството од триумфот на својот тим, но и одличната атсмофера во Аеродом, а се осврна и кон падот во играта која дозволи камбек на гостите од двоцифрена предност. „Секоја чест за нашите навивачи, а амбиентот кој го направија. Чиста десетка и за противниците. Ова е она што ни треба, а не несреќното време на ковид-19. Ни треба на трибините двете навивачки групи да навиваат, и едните и другите да дадат сè од себе. Ние имавме, веќе знаете колку тежок натпревар пред два дена, Работнички беше посвеж. Бевме на крај на силите, но тоа не е оправдување за грешките кои ги правевме и што десет пати го вративме Работнички во игра.

Гостивар го победи МЗТ Скопје Аеродром

Бошко Тасиќ — Wed, 25 Jan 2023 20:20:56 +0000

Гостивар стави крај на серијата од десет победи во низа на МЗТ Скопје на домашната сцена откако во 13. коло славеше во „Младост“ со 88-69. Гостиварци се единствените во мак-баскетот кои успеаја да го совладаат актуелниот шампион оваа сезона и тоа во двата одиграни меча, а до успехот стигнаа со одлично второ полувреме во кое го лимитираа АБА-лигашот на само 29 постигнати поени. Најефикасен со 25 поени и седум скока во редовите на Гостивар беше Пипкинс, следуваше Корсантиа со дабл-дабл од 21 поен и 13 скока. МЗТ со 16 поени и девет скока го предводеше Бурсаќ, 12 поени додаде Дамјан Стојановски.

Втората АБА лига го одреди распоредот, МЗТ Скопје и Пелистер ќе ги одмерат силите во Осијек

Бошко Тасиќ — Sat, 18 Sep 2021 07:00:56 +0000

Кошаркарската АБА2 лига и во сезона 2021/22 ќе се игра во „балони“, откако регуларниот дел ќе брои 13 кола а натпреварите ќе се одиграат на пет турнири. Првиот турнир ќе се одржи во Златибор од 10 до 14 октомври, вториот на програмата ќе биде од 8 до 12 ноември во Осиек, треиот ќе се игра од 13 до 19 декември во Сараево, четвртиот е закажан во периодот од 17 до 23 јануари 2022 во Бања Лука, а завршницата ќе биде во Широки Бријег од 21 до 27 март 2022 година. Осумте најдобри екипи ќе обезбедат место во плеј-офот, кој ќе се игра според „фајнл-ејт“ турнир на една средба и тоа во Белград. Македонија оваа сезона ќе има два учесника во регионалното натпреварување, а дуелот помеѓу МЗТ Скопје и Пелистер е закажан за 3. коло, односно вториот турнир во Осијек. Распоред на натпреварите: 1. КОЛО МЗТ Скопје – Младост Земун Ловќен - Пелистер 2. КОЛО Рогашка – МЗТ Скопје Пелистер - Сутјеска 3. КОЛО МЗТ Скопје - Пелистер 4. КОЛО Осијек – МЗТ Скопје Пелистер – Војводина 5. КОЛО МЗТ Скопје – Хелиос Широки - Пелистер 6. КОЛО Спарс – МЗТ Скопје Пелистер – Борац БЛ 7. КОЛО МЗТ Скопје – Ловќен Златибор - Пелистер 8. КОЛО Пелистер – Младост Сутјеска – МЗТ Скопје 9. КОЛО МЗТ Скопје – Подгорица Рогашка - Пелистер 10. КОЛО Подгорица – Пелистер МЗТ Скопје - Војводина 11. КОЛО Широки – МЗТ Скопје Пелистер - Осијек 12. КОЛО Хелиос – Пелистер МЗТ Скопје – Борац БЛ 13. КОЛО Златибор – МЗТ Скопје Пелистер - Спарс Фото: МЗТ Скопје

МЗТ го преживеа Куманово, Работнички со четврта победа во серија

Бошко Тасиќ — Fri, 09 Apr 2021 17:56:30 +0000

Екипите на МЗТ Скопје и Работнички забележаа победи на заостанатите мечеви од македонскиот кошаркарски шампионат. „Штрковите“ го избришаа лошото издание против Гостивар со квалитетна игра против Куманово, средба која им припадна на аеродромци со 93-87. Мекиќ беше извонреден со 24 поени, Тарнер додаде 17, додека пак Крстевски и резирвистот Олуџоби по 16 кошеви. Кај кумановици Робев ја предводеше листата на стрелци со 20 поени. Работнички пак против ТФТ дојде до четвртиот триумф во низа сега со 81-78. Бундовиќ беше најрасположен за игра со 27 поени, Торнтон и Питс имаа по 14, исто колку и центарот Младеновски кој зад своето име додаде уште 18 скокови. Николов и Херис за ТФР искомбинираа 31 поен.

Познат терминот за мечот помеѓу МЗТ Скопје и Работнички во рамките на АБА 2

Бошко Тасиќ — Fri, 26 Feb 2021 19:21:43 +0000

Третиот „балон“ во кошаркарската АБА 2 лига, кој ќе се одржи во Сараево, посака уште на стартот да ги гледаме МЗТ Скопје и Работнички во меѓусебна пресметка. Македонското вечно дерби е закажано за 3-ти март во утрински термин од 11 часот. Два дена подоцна, МЗТ точно напладне се среќава со Ловќен, а Работнички за противник ја има Сутјеска од 16 часот. И последните дуели на македонските екипи ќе ги играат на седми март. Работнички со Широки Бријег од 12 часот, а МЗТ против Младост од Земун од 16 часот. Во пресрет на третиот турнир, по седум одиграни кола тимот од Аеродром е на делба на четвртото место со скор 4-3, додека тимот на Работнички ја дели 10-тата позиција со биланс од две победи и и пет порази.