кк пелистер – Kurir.mk

Шампионот МЗТ Скопје поразен од Пелистер во Битола

Бошко Тасиќ — Wed, 18 Oct 2023 19:03:38 +0000

Битолски Пелистер славеше со 81-71 против МЗТ Скопје во мечот од Првата македонска кошаркарска лига. За Пелистер тоа е прва победа сезонава. „Пелистерци“ од стартот го контролираа резулаттот, па се чини дека кризата на почетокот на сезоната е надмината. МЗТ имаше и пех со тоа што Бојан Крстевски го повреди зглобот и беше заменет уште во првата четвртина. Во тој период Пелистер имаше предност од 20-13. Во еден момент домашните имаа и предност од 38-18, па „металците“ се подразбудија и на полувреме спуштија на девет разлика (39-30). Во вториот дел МЗТ се доближи и до само два поени разлика (58-56), сепак, „пелистерци“ не дозволија и пресврт. Проблемите за МЗТ се зголемија кога Војдан Стојановски ја заработи четвртата лична грешка. Последната четвртина Пелистер рутински ја одработи и стигна до победата. Бернард и Маслинко со по 21 поен беа најефикасни кај Пелистер, а кај МЗТЗ тоа беше Расел со 18, додека Танасковиќ постигна 17.

Пелистер го договори Андреј Магдевски

Бошко Тасиќ — Mon, 16 Oct 2023 04:38:35 +0000

Кошаркарскиот репрезентативец Андреј Магдевски се согласи да потпише едногодишен договор со Пелистер и утре доаѓа на потпис и претставување во градот на конзулите. Магдевски беше без клуб од почетикот на сезонава, по разделбата со холандски Донар. Во својата кариера Магдевски, освен во редовите на МЗТ Скопје, настапуваше и за Партизан, Аксарквија, Плоешти, Гостивар и Фени Индустри. Тренерот Радуловиќ ќе го има Магдевски на два тренинзи во Битола и веројатно ќе го сврстиво тимот за дербито против МЗТ Скопје в среда попладне во „Боро Чурлевски“ во Битола. Ова засилување веројатно не е последно и вицешампионот наскоро се очекува да доведе уште едно странско засилување.

Дарко Радуловиќ нов тренер на КК Пелистер

Бошко Тасиќ — Wed, 04 Oct 2023 04:12:58 +0000

Марјан Илиевски повеќе не е шеф на стручниот штаб на Пелистер, откако успешниот стручњак реши да се повлече од функцијата. Тој ќе остане во клубот како дел од управата на „пелистерци“, а во меѓувреме за нов шеф на стручниот штаб на актуелниот вицешампион на Македонија до крајот на сезонава е именуван Дарко Радуловиќ. Причината не е резултатска, без оглед на поразот од Гостивар во првото коло, туку Илиевски е принуден на ваков чекор за решавање на здравствените проблеми што го мачат веќе извесно време, а за чие целосно санирање е неопходно целосно мирување. Илиевски е предводник на новиот проект на Пелистер, под негово водство екипата стигнуваше до финалето во плејофот во последните две сезони, а тој ќе остане во највисокото раководство на клубот и ќе даде свој придонес за остварување на зацртаните цели во штоттуку почнатата сезона. „Принуден сум на ваков чекор бидејќи здравјето секогаш мора да биде приоритет. Се мачев во последните години со истиот проблем, време е тој целосно да биде саниран. Не се сомневам во квалитетот на играчкиот кадар на нашата екипа, како и во новиот тренер Радуловиќ, кој веќе покажа дека знае како се освојуваат трофеи на македонската кошаркарска сцена“, изјави Илиевски.

Гостивар го порази Пелистер на отварањето на сезоната

Бошко Тасиќ — Sun, 01 Oct 2023 18:21:39 +0000

Гостивар триумфално ја започна новата сезона во Првата кошаркарска лига откако во дербито на 1. коло славеше на домашен терен против Пелистер со 75-68 наговестувајќи тежок терен во „Младост“ и во сезоната која ни следи. Со 18 поени најрасположен во домашниот тим беше Инграм додека него го следеа Митевски и Остен со дабл-дабл учиноци од 15 поени и 10 скокови. Кај Пелистер прво име беше Маслинко со 18 поени и 6 скокови, 17 поени и 5 асистенции постигна Бернард, а 12 поени и 6 скокови Хот.

КК Пелистер ги стартуваше подготовките пред стартот на новата сезона

Бошко Тасиќ — Wed, 30 Aug 2023 04:04:18 +0000

Кошаркарите на Пелистер ја започнааподготовките за новата сезона, четврта со тренерот Марјан Илиевски на клупата. По едно трето и две втори места во првенството и две сезони во АБА2 лигата, битолскиот клуб се етаблираше во реалност во мак-кошарката. Нови имиња во зелениот дрес во сезоната која почнува на први октомври се Костоски, Хот, Стојановски и Американците Бернард и Банди. На прозивката се појавија и претставници на навивачката група „Чкембари“, кои им дадоа поддршка на кошаркарите, стручниот штаб и новата управа. Во следните седум дена битолчани ќе тренираат во својот дом, а потоа се селат на подготовки воо Србија. на Златибор планирани се два теста против Чачак и Сутјеска, а потоа гостување во Самоков. Битолската публика новиот Пелистер првпат ќе може да го види на 22 или 23 септември, кога Балкан од Бугарија ќе гостува во Битола

Прво странско засилување за КК Пелистер

Бошко Тасиќ — Sun, 27 Aug 2023 05:39:25 +0000

Кошаркарскиот клуб Пелистер договори своето прво странско засилување за новата сезона. Нов член на тимот од Битола е Малколм Бернард, кошаркар од Соединетите Американски Држави, кој игра на крилните позиции. 29-годишниот Американец зад себе има долгогодишно искуство во Европа, а претходно со успеси настапуваше во НЦАА лигата. Пелистер во претходните денови ги претстави Костоски и Лука Стојановски, а ги продолжи договорите со Сапунџиев и Маслинко.

КК Пелистер: Се злоупотребува фејсбук-страницата на клубот, трансферот на Хот не е комплетиран

Бошко Тасиќ — Sun, 30 Jul 2023 15:03:08 +0000

Раководството на вицешампионот на Македонија, КК Пелистер, преку соопштение информираше да не се земат за веродостојни информациите што се појавуваат на клупската фејсбук-страница бидејќи истата се злоупотребува и не е под контрола на управата на битолските зелено-бели. Соопштението на КК Пелистер го пренесуваме во целост: „Како ново раководство на КК Пелистер сакаме да информираме дека информациите кои се објавуваат на официјалната фејсбук-страница не се веродостојни бидејќи истата е злоупотребена и се уште не е под контрола на новата управа на клубот. Конкретно, трансферот на младинскиот репрезентативец Амар Хот што е објавен на фејсбук-страницата како комплетиран и официјален е далеку од такво нешто. Точно е дека Хот е кошаркар за кого КК Пелистер како актуелен вицешампион на Македонија се интересира, но невистина е дека е постигнат целосен договор или пак дека е веќе потпишан договор за соработка. Интерес на КК Пелистер е да има квалитетни кошаркари во своите редови, но секогаш ќе настојуваме со својот однос, функционирање и начин на комуникација да не наштетиме на ниту еден играч во текот на преговорите. Проблемот со клупската фејсбук страница во најскоро време ќе биде решен, а во меѓувреме ги повикуваме медиумите за информации да се обратат кај новото раководство и шефот на стручниот штаб на екипата, Марјан Илиевски“.

МЗТ Скопје Аеродром преку Пелистер ја освои 10-та шампионска титула во својата историја

Бошко Тасиќ — Sun, 04 Jun 2023 18:35:24 +0000

МЗТ Скопје Аеродром лавеше и во третиот натпревар од финалната серија во Првата македонска машка кошаркарска лига. Играчите на Васко Атанасов во салата „Боро Чурлевски“ во Битола го совладаа Пелистер со резултат 83:92 за конечни 3:0 во финалната серија и до нов пехар во нивната историја. Во победничките редови доминираше В. Стојановски со 33 поени, следен од Американецот Д. Вер со 16. На спротивната страна Американецот Д. Карутерс запиша 18 поени, додека А. Маслинко имаше 15 поени.

МЗТ Скопје лесно го преслуша Пелистер за прв триумф во финалната серија

Бошко Тасиќ — Sun, 28 May 2023 18:08:29 +0000

Кошаркарите на МЗТ Скопје лесно и убедливо го совладаа Пелистер (84-64) во вечерашниот прв меч од финалната плејоф-серија, со што го направија првиот од потребните три чекори на патот кон јубилејната десетта титула. Кошаркарите на МЗТ Скопје лесно и убедливо го совладаа Пелистер (84-64) во вечерашниот прв меч од финалната плејоф-серија, со што го направија првиот од потребните три чекори на патот кон јубилејната десетта титула.

Пелистер ќе го предизвика МЗТ во финалето на кошаркарскиот плејоф

Бошко Тасиќ — Fri, 19 May 2023 04:44:40 +0000

Кошаркарскиот клуб Пелистер втора година по ред избори финале во македонскиот кошаркарски плејоф и повторно ќе се обиде да стигне до трофејот во серија против МЗТ Скопје. Битолскиот тим славеше на гостувањето кај ТФТ (82:84) и триумфираше во полуфиналната серија со 2:0, закажувајќи нова шампионска пресметка со актуелниот првак. Пелистер добро го започна мечот, првиот период го заврши со плус седум, а на полувреме замина со предност од пет поени.ТФТ се врати комплетно во натпреварот во продолжението, па двата тима влегоа во драматична завршница, во која сепак подобро се снајдоа гостите. Карпентер со 20 и Маслинко со 23 поени го предводеа Пелистер до значајна победа, додека во редовите на ТФТ, Мекбраер се истакна со 17 поени.