КК Рабоотнички – Kurir.mk

Квентон Декоси нов кошаркар на Работнички

Бошко Тасиќ — Sun, 27 Aug 2023 05:32:56 +0000

Скопски Работнички продолжува да го засилува својот ростер за новата сезона и го договори првото странско засилување. Американскиот кошаркар Квентон Декоси е нов кошаркар на најтрофејниот македонски кошаркарски колектив. Се работи за кошаркар кој може да одговори на неколку позиции во нападот и од него се очекува да биде водечка алка на тимот во новата сезона. Декоси во Работнички доаѓа од редовите на Алба Фехервар од Унгарија, а претходно во Европа настапуваше уште за Тревизо, Кието и во Арис. Летово, „центарци“ своите редови ги засилија и со Роберт Рикиќ и Бојан Стајиќ, а наскоро треба да бидат преставени и останатите новајлии.

Работнички и Феникс во третиот шешир пред ждрепката за квалификациите од ФИБА Европа купот

Бошко Тасиќ — Fri, 21 Jul 2023 04:17:13 +0000

Двата македонски кошаркарски претставника во квалификациите за ФИБА Европа купот, Работнички и Феникс се најдоа во третиот шешир за ждрепката која ќе се одржи на 8 август во Минхен. Во квалификациите ќе учествуваат вкупно 22 екипи, а во последниот шешир има само еден тим и тоа азербејџанскиот Сабах. Од пославните европски клубови, можни противници на Работнички и Феникс се Порто и Сарагоса кои се наоѓаат во првиот шешир. Ќе се формираат вкупно седум квалификациски групи, но има промена во системот на натпреварување. Шест од седумте групи ќе бидат со по три, а една со четири тима, ќе се игра по принципот „секој со секого“, а во главната фаза од ФИБА Европа купот ќе се пласира само победникот од секоја група. Во главната фаза веќе имаат место 13 клуба, вклучувајќи го и Кемниц на Ѓорѓи Кочов, а 20 ќе влезат од квалификациите за Кошаркарската Лига на Шампиони. Во главниот дел ќе се формираат десет групи со по четири екипи.

Работнички му даде 119 поени на Куманово

Бошко Тасиќ — Sat, 03 Dec 2022 17:59:53 +0000

Кошаркарскиот клуб Работнички започна да игра во силен ритам и преку Куманово (119-83)и ја забележа четвртата победа по ред на домашната сцена со која фати приклучок во горнилт дел на табелата во Првата лига. По влегувањето на новите спонзори и финансиите, се донесоа нови играчи, а тоа е евидентно во играта на најтрофејниот македонски кошаркарски колектив. Форте беше одличен кај Работнички, флертуваше со „трипл-дабл“ - 26 поени, десет скока и девет асистенции, по него следеа Џексон и Малешевиќ кои дадоа по 19 поени на своето конто. Кај Куманово се истакна Ален со 29 поени, а Јанески даде 19 поени. Работнички пред Куманово ги совлада Академија ФМП, ТФТ и Струмица и со скор 4-4 е на четвртото место на табелата во прволигашкото друштво. Куманово го доживеа шестиот пораз и остана на две победи.