кк работнички – Kurir.mk

Официјално Горан Самарџиев ќе го води скопски Работнички

Бошко Тасиќ — Mon, 30 Oct 2023 18:00:52 +0000

Најтрофејниот македонски кошаркарски колектив КК Работнички го именува Горан Самарџиев за нов тренер за продолжението од сезоната. Самарџиев доаѓа да го гаси пожарот кој настана по поразот во вечното дерби од МЗТ Скопје. Тренерот Димитар Мираковски доби отказ, а Самарџиев, кој во минатото беше член на центарци како играч, ќе добие шанса да биде и тренер. Конкурент за столчето на Самарџиев беше поранешниот македонски селектор Јорданчо Давитков, но изборот падна на доскорешниот тренер на словачки Комарно кој во клубот се задржа краток период.

Работнички со привремено решение за Мираковски

Бошко Тасиќ — Sun, 29 Oct 2023 06:21:31 +0000

Скопски Работнички во овој момент го игра мечот против Вардар во рамките на петото коло во Првата лига. По двата порази во низа, последниот од вечниот ривал, во таборот на „црвено-црните“ дојде до промени на клупата. Димитар Мираковски и раководството на клубот се разделија, а новото име ќе биде допрва познато. Во игра се повеќе македонски тренери, но останува да видиме на кого ќе падне одлуката. Додека биде промовиран наследникот на Мираковски, главната улога на клупата на Работнички му припадна на младиот стратег Андреј Апостолски Лечиќ.

МЗТ Скопје Аеродром го освои „Кале“ и го совлада Работнички

Бошко Тасиќ — Sat, 21 Oct 2023 19:36:51 +0000

Првото големо „вечно дерби“ во новата сезона се играше во „Кале“, каде според праксата во последно време, натпреварот во еден момент беше и во прекин поради факелите и пиротехниката на трибините. Во веќе препознатливи елементи за најголемото македонско дерби, МЗТ Скопје сепак беше тој кој покажа поголем квалитет и демонстрираше сила на паркетот, каде успеа да го контролира резултатот во текот на целиот меч и на крајот заслужено стигна до победа. Работнички навистина парираше во првото полувреме и беше резултатски во игра се до третата четвртина, кога МЗТ покажа шампионски квалитет и направи двоцифрена предност со резултат 27:41. „Центарци“ од овој момент постојано играа под притисок и бркаат резултат, а тоа беше дополнителен проблем против тимот кој е повоигран и поискусен во овој момент. МЗТ лесно ја одржуваше двоцифрената предност до крајот на натпреварот и на крајот славеше со плус 14, а најзаслужни за победата беа Дамјан Стојановски со 17 и Танасковиќ со 16 поени. Декоски во Работнички имаше исто колку најдобриот поентер на МЗТ, а добар беше и Трис со 11 поени.

Тодор Гечевски е нов спортски директор на Работнички

Бошко Тасиќ — Thu, 28 Sep 2023 05:44:13 +0000

Градоначалникот на Општина Центар во Скопје преку социјалните мрежи официјално го потврди некогашниот кошаркарски репрезентативец Тодор Гечевски како нов спортски директор на најтрофејниот македонски клуб. Со своето влијание, познанства и име, со сигурност ќе биде од огромна помош на Работнички. Гечевски при официјалната промоција повика на голема поддршка од навивачите во новата сезона. Во Градски парк летово пристигнаа сериозни засилувања, дојдоа репрезентативците Кристијан Николов, Бобан Стајиќ, Виктор Ефремовски и Стојан Ѓуроски. Тие, плус неколку странци и уште неколку „староседелци“ ќе го предизвикаат МЗТ Скопје.

Скопски Работнички со убедила партија ја отвори новата сезона

Бошко Тасиќ — Wed, 27 Sep 2023 20:25:58 +0000

Кошаркарите на Работнички имаа успешен старт на новата сезона во првата македонска лига со моќна партија против составот на ТФТ кого го совладаа во СРЦ „Кале“ со 73:56. Избраниците на Мираковски прикажаа квалитетна игра која беше довална за да му се одржи лекција на скопскиот ривал. Работнички испрати јасна порака уште во првата четвртина која ја доби со 24-9, па воден од таа енергија му беше многу полесно да дојде до посакуваната цел. На полувреме беше 40:26, а по 30 минути игра 62-37 со што се беше јасно, чисто кога е во прашање победникот. Декоси со 14 поени беше прв стрелец, Џелетовиќ уфрли 13, а репрезентативецот Ѓуроски имаше учинок од 12 поени и 9 скокови.Кај поразените најсветла точка беше Луис со 21 кош.

Кристијан Николов потпиша за Работнички

Бошко Тасиќ — Wed, 27 Sep 2023 04:11:48 +0000

Македонскиот кошаркарски репрезентативец, Кристијан Николов кој беше без клуб откако ја заврши соработката со Коњаспор од Турција ќе биде нов член на скопски Работнички. Плејмејкерот во минатото го носеше дресот на МЗТ Скопје што значи ќе стане уште еден играч кој во историјата има настапувано за два најдобри, најтрофејни македонски клубови. Работнички склопо интересен состав во кој од македонските кошаркари тука се Бобан Стајиќ, Стојан Ѓуроски, Виктор Ефремовски, Филип Бакоч и Андреј Шошкиќ, а кога се во прашање странците тренерот Мираковски ќе може да смета на Квентон Декоси, Димитрик Трис, Роберт Рикиќ и Ѓорѓе Џелетовиќ.

Бобан Стајиќ се договори со Работнички

Бошко Тасиќ — Wed, 23 Aug 2023 04:03:39 +0000

Кошаркарскиот клуб Работнички го договори потписот на македонскиот репрезентативец Бобан Стајиќ, кој минатата сезона ги бранеше боите на Пелистер. Дваесет и деветгодишниот плејмејкер по четири години се враќа во тимот од Градски парк. Бобан Стајиќ во кариерата покрај за Работнички и Пелистер, играше и за Кожув, Куманово, МЗТ Скопје, Фени Индустри и Лирија, а токму со Работнички го освои последниот трофеј, Купот на Македонија во 2019 година.

К.К Работнички ќе настапува во ФИБА Европа Купот

Бошко Тасиќ — Thu, 29 Jun 2023 05:09:08 +0000

По пауза од шест години, најтрофејниот македонски кошаркарски клуб скопски Работнички се враќа во натпреварувањата на ФИБА. Како и во 2017, Работнички повторно ќе учествува во квалификациите за ФИБА Европа купот со што ќе го означи своето враќање на меѓународна сцена, но и надвор од регионални рамки со оглед на тоа што пред три сезони учествуваше во АБА 2 лигата. Својот противник во квалификациите, Работнички ќе го дознае на 5 јули. Покрај клубот од Градски парк, учеството во истото натпреварување го потврди и К.К Феникс.

КФСМ го казни К.К.Работнички со 89.000 денари

Бошко Тасиќ — Tue, 23 May 2023 04:47:26 +0000

Кошаркарскиот клуб Работнички од Скопје од страна па Дисциплинската комисија на КФСМ го казни овој клуб со 89.000 денари. Тие ќе платат 40.000 за инцидентите на своите фанови кои ги направија на првиот меч во “Јане Сандански“ кога беа гости, а ќе платат и 49.000 денари за она што се случуваше на вториот меч кога беа домаќини и кога се играше на Кале. Има казна и за МЗТ Скопје и тоа од 34.000 денари, исто така за своите фанови. Од кои 10.000 за палење на димни бомби на првиот меч во Аеродром, 16.000 денари за фрлање петарди и димни бомби на вториот меч и 8.000 денари за неспортско навивање.

МЗТ Скопје го совлада Работнички и ќе се бори за десеттиот трофеј во шампионатот

Бошко Тасиќ — Wed, 17 May 2023 21:47:29 +0000

Кошаркарите на МЗТ Скопје се првите финалисти во најсилниот домашен шампионат и тоа откако со 2-0 го совладаа вечниот ривал Работнички. Пред неколку дена „металците“ славеа во својот дом со 82-71, додека пак вечерва одново обезбедија триумф од 11 разлика и тоа со резултат 73-62. Домаќините имаа свои моменти во СРЦ „Кале“, ама немаа сила да одговорат во сите 40 минута, па кога се решаваше натпреварот тие уфрлија само 8 кошеви. Последната четвртина „штрковите“ ја реализираа со 20-8 што беше доволно да направат пресврт и обезбедат финале, поточно се изборија за можност по десетти пат во својата историја да триумфираа во нашата најквалитетна лига. Кук и Стојановски со по 18 поени беа најефикасни, Вер додаде 12, а Абу 11 кошеви со 7 скокови. Малешевиќ и Џелетовиќ искомбинираа 27 поени за домаќините. Противник на МЗТ во борбата за пехарот ќе биде подобриот од Пелистер-ТФТ каде битолчани веќе водат со 1-0.