КК Рабптнички – Kurir.mk

Работнички и Феникс 2010 ги дознаа ривалите во квалификациите за ФИБА Еврокупот

Бошко Тасиќ — Tue, 08 Aug 2023 17:52:43 +0000

Нашите претставници во квалификациите на ФИБА Еврокупот, Работнички и Феникс 2010 ги дознаа противниците за пласман во групната фаза на ова натпреварување. Работнички својата битка за пласман во главната рунда ќе ја има на домашен терен откако овој клуб ја доби организацијата за групата – А. На мечевите во Скопје, ривали ќе му бидат екипите на Донар Гронинген, Рапид Букурешт и Сабах. Тимот на Феникс 2010 својот пат до групната фаза ќе ги води на Кипар, во Никозија каде за противници ќе ги има домаќинот Керавнос и Рошток.

Куманово лесно се справи со Работнички

Бошко Тасиќ — Sat, 09 Apr 2022 19:03:05 +0000

Кошаркарите на Куманово 2009 славеа над скопски Работнички со 72-54 во последниот натпревар од регуларниот дел од сезоната во машкиот кошаркарскиот шампионат на Македонија. Домаќините уште од почетокот почнаа силно и веќе по десет минути игра имаа плус девет поточно 22-13. Вториот период донесе малку поени, но и во таква игра подобро се снајдоа домаќините кои на пауза заминаа со позитива од 38-25. Во вториот дел домажините рутински го приведоа мечот до самиот крај за конечни 72-54. Андрија Марјановиќ со 22 поени беше прво име во победничкиот тим, а го следеше Душан Јузбашиќ со 19 поени и Ненад Зивчевиќ со 15 поени. Кај поразените Даниел Нацевски заврши со 14 поени.

МЗТ Скопје подобар од Работнички во вечното дерби

Бошко Тасиќ — Sun, 06 Mar 2022 20:58:44 +0000

Актуелниот кошаркарски шампион на МЗТ Скопје Аеродром, вторпат сезонава успеа да слави над најтрофејниот колектив и голем градски ривал Работнички (83-89) и така се приближи до лидерот на табелата Пелистер. За „штрковите“ ова беше петнаесетта победа сезонава, или петта во низа, додека Работнички го претрпе единаесеттиот пораз, шести во низа и е далеку од Суперлигата. Најдобар кај МЗТ беше Хуан Дејвис со 21 поен и осум скока, пред Војдан Стојановски со 14 и Немања Милошевиќ со 13 поени. Кај Работнички, Деон Едвин финишира со 33 поени, пред Стефан Балзамовиќ со 16 поени. На табелата МЗТ е втор со скор 14-3 и во следното коло игра со Ангели, додека Работнички е осми (7-10) и се соочува со Академија ФМП.

Еуро Никел го совлада Работнички, Ангели декласирани од Кожув

Бошко Тасиќ — Sat, 11 Dec 2021 20:25:30 +0000

Во кошаркарското првенство на Македонија попладнево на програмата беа два натпревари. Еуро Никел ја продолжи триумфалната низа совладувајќи го Работнички со 95:77. Кавадарчани со четвртиот триумф во низа се искачија на петтата позиција и се здржаа во трката за влез во разигрувањето за шампионската титула. Најефикасен во победничката екипа со 24 поени беше Бранислав Џекиќ додека на спротивната страна прв стрелец со 25 поени беше Виктор Златевски. Во вториот дуел одигран денеска Кожув триумфираше над Ангели со 105:67. Десеттата рунда во шампионатот ќе се комплетира утре со одигрување на мечевите Куманово – МЗТ Скопје 2 и ФМП Академија – ТФТ Скопје.

Еуро Никел преку Работнички се пласираше во финалето на кошаркарскиот шампионат

Бошко Тасиќ — Fri, 28 May 2021 17:32:01 +0000

Кавадаречки Еуро Никел е првиот финалист во плеј-офот за шампионскиот трофеј во македонскиот машки кошаркарски шампионат. Кавадаречкиот тим го потврди брејкот од пред два дена во Скопје и со нова одлична партија, по продолжението го елиминира најтрофејниот кошаркарски колектив скопски Рабптнички со(88-87, 74-74). Во салата „26 април“ во Гевгелија избраниците на Самарџиев одново одиграа квалитетно и со тоа си обезбедија финална борба за титулата шампион на Македонија. Најпрецизен на натпреварот беше Питс од Работнички со 31 поен, додека во домашниот табор одлични беа Соколов со 18 и Дубински со 16 поени.