КК ТФТ Скопје – Kurir.mk

ТФТ го победи и Гостивар

Бошко Тасиќ — Sat, 04 Nov 2023 17:07:30 +0000

Кошаркарите на ТФТ влегоа во одлична форма и доказ за тоа е петтата победа во низа во домашниот шампионат, победа која ја остварија над Гостивар со 79:70. Првата и последната четвртина им припаднаа на гостите (13-15, 12-20), но избраниците на Смилковски беа одлични во вториот и третиот период во кој уфрлија по 27 поени, поточно тука ја направија клучната разлика за триумфот во СРЦ Кале. Верц беше најрасположен играч кај победникот со 22 поени и 6 скока, додека Играм со 17 поени и 7 скокови беше прво име кај поразените. Вчера да потсетиме, МЗТ Скопје славеше на гостувањето во Охрид со 98:73.

Нов убедлив пораз за ТФТ во АБА2 лигата

Бошко Тасиќ — Thu, 12 Oct 2023 04:06:31 +0000

Екипата на ТФТ доживеа нов убедлив пораз во АБА2 лигата на турнирот што се игра во Суботица. Во првото коло клубот од Тафталиџе беше надигран од Златибор со 93:74, додека пак вечерва поуспешен од нив беше составот на Широки Бријег и тоа со резултат 85:66. Нашиот прволигаш не можеше да смета на неколку важни играчи како Марковски, Симонс и Морган и сето ова придонесе за слабото издание, доминацијата на противникот. Веќе по 10 минути Широки водеше со 32-17, предност која дополнителни ја зголеми до паузата (49-27) по што стана јасно кај кога ќе заршат двата бода. Хотон со 15 бода беше прв стрелец кај ТФТ кој за следен ривал ја има Цедевита Јуниор

Скопски Работнички со убедила партија ја отвори новата сезона

Бошко Тасиќ — Wed, 27 Sep 2023 20:25:58 +0000

Кошаркарите на Работнички имаа успешен старт на новата сезона во првата македонска лига со моќна партија против составот на ТФТ кого го совладаа во СРЦ „Кале“ со 73:56. Избраниците на Мираковски прикажаа квалитетна игра која беше довална за да му се одржи лекција на скопскиот ривал. Работнички испрати јасна порака уште во првата четвртина која ја доби со 24-9, па воден од таа енергија му беше многу полесно да дојде до посакуваната цел. На полувреме беше 40:26, а по 30 минути игра 62-37 со што се беше јасно, чисто кога е во прашање победникот. Декоси со 14 поени беше прв стрелец, Џелетовиќ уфрли 13, а репрезентативецот Ѓуроски имаше учинок од 12 поени и 9 скокови.Кај поразените најсветла точка беше Луис со 21 кош.

ТФТ ангажираше плејмејкер од Канада

Бошко Тасиќ — Tue, 19 Sep 2023 04:03:33 +0000

Македонскиот кошаркарски тим ТФТ доведе уште едно засилување за престојнава сезона и тоа засилување на плејмејкерската позиција. Се работи за Алан Луис кој претходната кампања ја минал во редовите на Монтреал каде имал просек од 9,3 поени, 3,8 скокови, 5,3 асистенции и 1,3 украдени топки по натпревар. Тој е играч кој има двојно државјанство, Канада и Хаити.

ТФТ Скопје потпиша со Горјан Марковски

Бошко Тасиќ — Sat, 02 Sep 2023 04:19:55 +0000

Екипата на ТФТ Скопје објави дека се засилиле со 31-годишниот бек-шутер Горјан Марковски. Тој доаѓа по две сезони во Работнички каде што беше и капитен. Претходно Марковски играше за Торус, Фени Индустри, МЗТ Скопје и Куманово. ТФТ пред него донесе четворица американски кошаркари: Дејвид Хотон, Двејн Морган, Треј Верц и Џелани Симонс.

Пелистер со убедлива полуфинална победа над ТФТ

Бошко Тасиќ — Mon, 15 May 2023 04:35:13 +0000

Кошаркаркарскиот кллуб Пелистер испорача „стотка“ и победи со 100:80 на домашен терен во „Боро Чурлевски“, триумф кој беше најавен уште во воведот од мечот кога на семафорот стоеше 12:0, а потоа 19:2. Составот од Скопје успеа да се разбуди на стартот на вториот дел и во еден момент успеа да стигне и до прифатливи 66:60, но потоа следеше нова серија на Пелистер, со која резултатот пред крајот на последните 10 минути гласеше 83:68. Во последната четвртина, Пелистер рутински ја доработи задачата и поведе со 1:0, па сега е чекор поблиску до големото финале во најсилната кошаркарска лига во Македонија. Сеад Хаџифејзовиќ со 32 поени и 12 скока беше убедливо најдобар играч на паркетот и најзаслужен за победата на Пелистер, додека на спротивната страна се истакна Александар Костоски со 19 поени.

ТФТ го договори Симоновски

Бошко Тасиќ — Thu, 23 Feb 2023 05:25:10 +0000

Македонскиот кошаркарски претставник во АБА2 лигата, тимот на ТФТ Скопје ги засили своите редови со искусниот Марко Симоновски. Симоновски во изминатиов период имаше неколку авантури во странство во Иран и Франција, односно ова за него е враќање во Македонија и тоа во тимот кој минатата сезона го освои трофеј0т во Купот. Симоновски дефинитивно треба да биде сериозно засилување за екипата предводена од стратегот Боро Смилковски.

КУП НА МАКЕДОНИЈА: ТФТ го елиминира Работнички и е последниот полуфиналист

Бошко Тасиќ — Thu, 16 Feb 2023 20:31:20 +0000

ТФТ е последниот патник во полуфиналето на Купот на Македонија „Благоја Георгиевски – Буштур“ и ќе игра против МЗТ Скопје. Бранителот на овој трофеј успеа да остане стабилен кога беше најпотребно против Работнички кого го совлада со 73-78. Бишоп со постигна 23 поени, зад него беа Ташовски 16 поени и Костоски со 18. Кај Работнички, Форте имаше 27 поени, исто колку и Малешевиќ.

ТФТ со рутинска победа против Чаир

Бошко Тасиќ — Wed, 01 Feb 2023 05:56:19 +0000

Кошаркарите на ТФТ ја остварија осмата победа во македонската Прва лига, рутински против екипата на Чаир, со 87-75. ТФТ шутираше извонредно за тројка, речиси со 50-процентна успешност, 18 од 38, а најмногу се истакнаа Батрик и Бишоп со по четири. Батрик беше прв стрелец кај победникот со 24 поени, но најефикасен на мечот беше Френклин од Чаир, кој на 30 поени додаде и 13 скока. ТФТ е четврти со скор 8-5, а Чаир е на 10. место со девет порази и четири триумфи.

ТФТ доведе поранешен кошаркар на Пелистер

Бошко Тасиќ — Fri, 20 Jan 2023 05:44:28 +0000

Промени и во ростерот на ТФТ кој е засилен со Давид Хогтон, поранешниот кошаркар на Пелистер кој доаѓа како големо засилување на високата позиција која беше најголем проблем на „црно-белите“ уште од стартот на сезоната по неадекватниот ангажман на Крис Тавиа. Искусниот трисетиедногодишен Американец имаше одличен настап за вицешампионот претходната сезона во која бележеше просек од 7.7 поени и 4.3 скока на домашната сцена, односно 8.3 поени и 4.5 скока во АБА2 лигата и се очекува да биде клучно засилување за скопскиот тим на кој му претстои настап на регионалната сцена.