КК ТФТ – Kurir.mk

Пелистер и ТФТ заминуваат за Сараево

Бошко Тасиќ — Tue, 15 Nov 2022 06:14:56 +0000

Вториот турнир од АБА 2 лигата оваа сезона ќе се одржи во босанската престолнина во периодот од 21 до 27 ноември. За разлика од првиот, кој се играше на Златибор минатиот месец, сега на програмата ќе бидат три кола, па затоа и ќе трае два дена повеќе. Тоа значи понапорна и подолга програма за македонските преѕтставници ТФТ и Пелистер. Натпреварите ќе се играат во салата „Горан Ченгиќ“ во населбата Грбавица во Сараево. ТФТ игра на 21 ноември против бранителот на титулата Златибор, на 23 ноември против Крка и на 25 ноември против Слога Краљево. Вицешампионот Пелистер почнува со Широки на 23 ноември, два дена подоцна се среќава со Осијек, а затвора на 27 ноември со Горица. По првите две кола, Пелистер е на делба на првата позиција со максимален ефект, додека ТФТ се уште ја чека првата победа во регионалното натпреварување, во својата историја.

Работнички против ТФТ дојде до првата победа во сезоната

Бошко Тасиќ — Sun, 06 Nov 2022 20:33:15 +0000

Кошаркарите на Работнички стигнаа до првата победа оваа сезона во Првата македонска кошаркарска лига. Во драматичен натпревар во 5-тото коло Работнички го победи ТФТ со 83:82. Џексон беше најдобриот поединец кај Работнички со 34 поени, Камерун Форте средбата ја заврши со дабл-дабл од 12 поени и 15 скока. Во редовите на гостите по 15 поени постигна Мекфраер и Андресон.

Пелистер и ТФТ ќе се судрат во прво коло во АБА2 лигата

Бошко Тасиќ — Wed, 05 Oct 2022 05:40:19 +0000

Новата сезона во второлигашката конкуренција во регионалната кошаркарска АБА лига ќе стартува на 17 октомври, а домаќин на првиот од петте турнирски натпреварувања, како и во изминатите две години, ќе биде Златибор. Жрепката на натпреварувачките броеви одлучи на првиот од петте „балони“ да се сретнат двата македонски претставници во АБА 2 лигата, екипите на Пелистер и на ТФТ. Средбата е закажана за воведното коло, на 17 октомври, со почеток во 21 часот. За разлика од последните сезони на првиот собир на Златибор (од пет планирани во текот на регуларниот дел) ќе бидат одиграни само две рунди од планираните 13. Во второто, дебитантот во оваа конкуренција, екипата на ТФТ, на 19 октомври (од 18 часот), ќе ги одмери силите со црногорска Сутјеска, а три часа подоцна (21 часот) битолски Пелистер ќе игра против словенечкиот Шентјур, кој исто така е нов учесник во оваа конкуренција.

Пелистер и ТФТ ги дознаа противниците во АБА2-лигата

Бошко Тасиќ — Tue, 19 Jul 2022 17:59:31 +0000

Македонските кошаркарски претставници во АБА2-лигата, екипите на Пелистер и ТФТ ги дознаа противниците во новата сезона од ова натпреварување, кое повторно ќе се игра еднокружно со пет турнири чие место на одржување и термини дополнително ќе бидат одредени. На денешното Собрание на регионалното натпреварување беше решено во второлигашкото друштво да бидат прифатени екипите на Борац Бања Лука, Спарс, Широки (БиХ), Хелиос, Крка, Шенчур (Словенија), Горица, Вриједноснице Осијек (Хрватска), Подгорица, Сутјеска (Црна Гора), Слога Краљево и Златибор (Србија). Ждрепката сакаше македонските екипи да се сретнат уште во првото коло. За битолчани ова ќе биде втора сезона во АБА2, додека ТФТ ќе биде петтиот македонски тим во ова натпреварување, во кое уште играа МЗТ Скопје, Работнички и Охрид. Пласман во плејофот ќе обезбедат осумте најдобри тимови по 13 одиграни кола.

ТФТ славеше против Феникс

Бошко Тасиќ — Tue, 17 May 2022 20:11:45 +0000

ТФТ си го олесни патот до место во разигрувањето за титула откако во 9. коло од Суперлигата славеше на гостувањето кај Феникс 2010 со 58-76. Гостите кои имаа двоцифрена предност на полувремето одолеаја на налетот на домаќинот во второто полувреме кога ‘виолетово-жолтите’ стигнаа и до изедначување, а со добра игра во финишот ја запишаа 17. победа со која се изедначија со Гостивар и Еуро Никел на табелата. Николов со 15 поени и Хортон со 14 беа најефикасни кај победничкиот тим, а кај Феникс најефикасни беа Петков со 15 и Митревски со 14 поени.

Гостивар го победи ТФТ

Бошко Тасиќ — Thu, 05 May 2022 18:14:21 +0000

Гостивар продолжи да игра променливо и победи на домашен терен против ТФТ (92-85) во петтото коло од овогодишниот плеј-оф. Домаќинот започна бавно, а потоа експлодира во втората четвртина. Со фантастични 33 поени кошаркарите на Никола Димитриевски направија целосен пресврт и ја презедоа контролата врз мечот. Гостите продолжија да се мачат и во вториот дел. На семафорот постојано стоеше двоцифрена позитива во корист на гостиварчани, кои со одлична залиха стигнаа до последниот квартал. ТФТ заигра подобро во одбрана, а со добра серија во напад стигна до 80-76 на четири минути до крајот. Противникот потоа се врати во посакуван ритам и многу брзо се врати на „плус десет“. Тоа беше најава за конечниот резултат во корист на домашната екипа. Силаџи и Тодоровски со по 17 поени беа најефикасни кај домаќинот, а Смит со 20 поени беше прво име кај тафталиџани.

Еуро Никел подобар од ТФТ

Бошко Тасиќ — Thu, 28 Apr 2022 18:46:19 +0000

Кошаркарите на Еуро Никел се одвоија на третата позиција на табелата, откако со вечерашната победа на домашен терен против ТФТ од 87-73 направија огромен исчекор кон обезбедување сигурен пласман во плејофот. Бранислав Ѓекиќ беше најефикасен кај Еуро Никел со 22 поени, а Дарко Соколов реализираше 21, додека Хортон со 19 поени беше најпрецизен кај скопјани.

По три кола од Суперлигата, Еуро Никел 2005 има скор 16-9, со два порази помалку во однос на ТФТ и Феникс, кој вечерва го пречекува МЗТ Скопје, кој заедно со Пелистер е забетониран на првите две места во Суперлигата.

МЗТ Скопје го елиминира Гостивар, ТФТ го изненади Пелистер

Бошко Тасиќ — Fri, 18 Feb 2022 18:37:20 +0000

Бранителот на кошаркарскиот Куп МЗТ Скопје со пресврт успеа да го победи Гостивар со 87:85 и да се пласира во полуфиналето на кошаркарскиот куп „“Благоја Георгиевски-Буштур“. Екипата на Гостивар имаше и двоцифрена предност, во повеќе наврати, но на крајот се радуваа „металците“ и си обезбедија полуфинална пресметка со ТФТ кој пак беше подобар од екипата на Пелистер. Одлучувачка за победата беше последната четвртина во која Гостивар дури седу минути не успеа да постигне поени. Последната четвртина започна со серија на МЗТ Скопје од 14:0 со која поведе 82:71 и ги остави гостиварци целли седум минути без постигнат поен. Гостивар возврати со своја серија 2:12 и незвесен финиш. На 13 секунди до крајот Војдан Стојановски и Ворку погодија по две слободни фрлања за 86:85 а потоа Дамјан Стојановски погоди само едно слободно фрлање за 87:85. Гостивар во последниот напад имаше шанса за победа, но Димитриевски не беше прецизен. Адем Мекиќ беше лидер на МЗТ Скопје со 19 поени и седум скока, 18 поени постигна Рикиќ, додека Крстевски имаше со 17 поени и скока. Ворку беше најдобар кај Гостивар со 27 поени, 20 поени постигна Ефремовски, додека по 14 поени постигнаа Тодоровиќ и Димитриески.

Пелистер сигурен, Еуро Никел го доби дербито со ТФТ

Бошко Тасиќ — Thu, 03 Feb 2022 20:45:53 +0000

Кошаркарите на Пелистер го совладаа тимот на Кожув со 79-67. Гостите ги добија првите три четвртини и создадоа предност од 70-41 по што стана јасно дека двата бода одат во Битола. Кесар и Малешевиќ со вкупно 36 поени беа први стрелци кај лидерот, Колев за Кожув пак даде 20 поени. Еуро Никел пак беше подобар од ТФТ со резултат 80-74. Ова беше дуел во кој првиот дел му припадна на скопскиот состав, а вториот на домаќинот со тоа што клубот од Кавадарци беше поубедлив и го запиша првиот триумф во 2022 година. Томиќ со 18 поени се издвои кај кавадарчани, Хортон и Ташовски со по 14 беа први имиња кај составот од Тафталиџе.

Пелистер и МЗТ Скопје сигурни во своите настапи

Бошко Тасиќ — Thu, 23 Dec 2021 21:29:30 +0000

Со двата одиграни вечерва во домашното кошаркарско првенство беше комплетирана 11 рунда во Првата лига. Кошаркарите на МЗТ Скопје Аеродром ја задржаа онаа победничка форма која трае уште од нивниот престој во Сараево каде во „балонот’ на АБА 2 лигата врзаа три победи. Кошаркаеите од Аеродром, а вечерва пред нив падна одличниот состав на Навико Академија ФМП. Ова откако го совладаа тимот на Академија ФМП со 96:70. Репрезентативниот двоец Крстевски-Стојановски ја диктираше играта во нападот (двајцата по 15.реализации, а многу брзо во второто полувреме, бројката од десет или повеќе поени во домашната екипа ја надминаа Дејвис и Мекиќ. На вториот меч одигран вечерва, Пелистер предводен од Малешевиќ и неговите 17 поени славеше кај ТФТ Скопје со 74:71.