кк вардар – Kurir.mk

Koшаркарскиот клуб Вардар се врати во прволигашкото друштво

Бошко Тасиќ — Fri, 12 May 2023 04:22:48 +0000

Кошаркарскиот колектив Вардар од следната сезона ќе игра во Првата лига, затоа што обезбеди финале во плеј-офот во второлигашката конкуренција. „Црвено-црните“ во серијата беа подобри од Ангели, кои ги совладаа вторпат, со 82-73 и така обезбедија место во елитното друштво. Тимот од Кисела Вода во еден момент дојде на четири поени негатива (49-45), меѓутоа Вардар не дозволи нешто повеќе. Екипата на Јованчев така успеа да се врати во Првата лига по сезоната 2020/21. КК Вардар беше најдобар во регуларниот дел од сезоната и одигра одлично во плеј-офот. Се чека на уште еден патник во Првата лига, а тој ќе биде познат по „мајсторката“ на Охрид и Соколи.

Вардар и Кожув направија брејк во битката за опстанок

Бошко Тасиќ — Thu, 13 May 2021 17:11:47 +0000

Кошаркарските тимови на Кожув и Вардар израмнија на 1:1 во плеј-аут дуелите против Црн Дрим, односно против МЗТ Скопје 2 Уни Банка, и со тоа ги задржаа шансите за опстанок во Првата кошаркарска лига во машка конкуренција. Кожув во вториот меч го совлада Црн Дрим со 85:78. Чампара од Кожув со 23 поени беше најефикасен. Вардар, пак, со 68:56 беше подобар од МЗТ Уни Банка. Вардар победата, се чини, ја обезбеди во првата четвртина, која ја доби со неверојатни 23:6. Најефикасен на средбата беше Богдановиќ со 20 поени. Сега во двата натпревари серијата е израмнета на 1:1, и одлучувачки ќе биде третиот меч кој ќе опстане во најсилната кошаркарска лига.

МЗТ Скопје 2 пред опстанок во лигата

Бошко Тасиќ — Tue, 11 May 2021 20:06:54 +0000

Кошаркарскиот клуб МЗТ Скопје Уни Банка забележа важна победа на домашен терен против Вардар со 85-78 во рамки на плеј-аутот и една победа е пред опстанок во лигата. Новиот систем на федерацијата наложи четирите тима да играат по два меча, а првиот кој ќе дојде до две победи, обезбедува прволигашки статус и наредната сезона. Прво име кај МЗТ Скопје Уни Банка беше Роб Монтгомери со 17 поени и 13 скока, пред Михаил Наумоски со 16 поени. Кај Вардар, најефикасен беше Диксон кој играше 40 минути и заврши со 38 поени и 12 скока.

Куманово убедлив против Вардар

Бошко Тасиќ — Fri, 07 May 2021 15:20:05 +0000

Кошаркарскиот клуб Куманово ја потврди добрата форма и на домашниот дуел го совлада Вардар со 112-78 во 22. коло од македонската Прва лига последно пред разигрувањто, Вардарци подготвуваа изненадување во првиот дел, но не успеаја да го комплетираат во продолжението. Гостинскиот тим започна според планот и ја искористи опуштеноста на противникот, за да замине на пауза со резултат 45-52. Ѓекиќ со 29 поени беше прво име кај Куманово, а за гостите 26 поени постигна Дикембе. Последниот меч од регуларниот дел од сезоната ќе го одиграат МЗТ Скопје и Црн Дрим.

Работнички немаше проблеми со Вардар

Бошко Тасиќ — Wed, 21 Apr 2021 18:02:22 +0000

Кошаркарскиот клуб Работнички славеше над Вардар на домашен терен со 92-72 и им се врати на победите во македонскиот кошаркарски шампионат и борбата за подобар пласман пред разигрувањето за титула. Одличен натпревар одигра новото засилување Иван Аска. Американецот постигна 30 поени и додаде уште осум скока и беше убедливо прв стрелец пред Питс со 25 поени. Трет стрелец кај Работнички беше Виктор Ефремовски со 15 поени. Кај Вардар, Диксон даде 19 поени, а високиот Дујковиќ застана на десет. Работнички има одиграно 19 натпревари, а зад своето име има скор 13-6.

Работнички без милост против Вардар

Бошко Тасиќ — Thu, 01 Apr 2021 17:02:24 +0000

Кошаркарите на најтрофејниот кошаркарски колектив кај нас спортски Работнички славеше лесна победа од 67-92 на гостувањето против Вардар во заостанатиот натпревар од 5. коло во Првата кошаркарска лига. Пет кошаркари на Работнички имаа двоцифрен ефект, од кои Мулалиќ заврши со 17 поени, а по 15 поени постигнаа Младеновски и Бундовиќ. Младеновски дополни и со 13 скока. Торнтон натпреварот го заврши со 16 поени и 7 скока. Работнички во дванаесеттиот натпревар сезонава стигна и до седмата победа.

Гостивар се протна против Вардар

Бошко Тасиќ — Wed, 24 Mar 2021 18:05:18 +0000

Кошаркарите на Гостивар стигнаа до тешка победа на гостувањето кај Вардар од 105-106 во натпревар од 20. коло во Првата машка кошаркарска лига . Двете екипи си поделија по две четвртини, а на крајот поголемото искуство на гостите беше главната причина за триумфот на тимот од Гостивар на мечот. Тодоровиќ со 26 и Димчевски со 25 поени беа најефикасни во таборот на победникот, додека кај поразените Џуниус Провел заврши со 27 поени.

Пелистер сигурен,Кожув изненаден од Вардар

Бошко Тасиќ — Sun, 28 Feb 2021 20:20:19 +0000

Кошаркарите на Пелистер остварија нов триумф од 95-81 и ја оправдаа фаворитската улога на гостувањето кај МЗТ Скопје УНИ Банка . За гостите ова е единесетта победа во македонското првенство, а до неа ја предводеа Кесар со 25 и Трајковски со 20 поени, додека на спротивната страна Монтгомери запиша 27 поени. До триумф дојдоа и кошаркарите на Вардар кои направија изненадување против Кожув совладувајќи го со 95:86. Дикембе со 20 поени бил најдобар реализатор во редовите на Вардар, а на спротивната страна Силаџи стигнал до 32 поени, кои не беа доволни за триумф на Кожув. foto: sportmedia.mk

Прволигашки женски натпревар во Крива Паланка, Вардарки подобри од Паланчанки

Магдалена Андонова — Sat, 05 Dec 2020 15:56:15 +0000

Прволигашката екипа на КК Крива Паланка денеска ја пречека екипата на ЖКК Вардар од Скопје во рамки од 4-то коло од Прва лига жени при Кошаркарска федерација на Република Северна Македонија. Натпреварот се одигра во спортска сала Бранители 2001, без присуство на публика. Овој натпревар беше во фокусот на вниманието помеѓу повеќето дуели викендов поради гостувањето на актуелниот првак “Вардар”. Денешниот натпревар беше прв во Источната група од лигата во ова коло,а „Вардарки“ со искусниот состав ја потврдија улогата на фаворитки, иако се сметаше дека ова не е ниту малку наивно гостување против младата екипа на КК Крива Паланка. Дуелот заврши со резултат 68-110 во корист на гостинскиот табор. Во лигата Исток утре на програмата се натпреварите во кои “МЗТ Скопје” во Аеродром го пречекува Куманово, “Баскет КАМ” е домаќин на екипата на “Пробаскет”, Кавадарци. Во групата Запад ќе се одигра само еден натпревар, во Кавадарци, а кошаркарките на “Трокал” ќе бидат домаќини на ЖКК “Струга 2009”, за која тоа е првиот официјален меч во новата сезона во Првата лига – жени. (МИА)

Радуловиќ се збогува со Вардар

Магдалена Андонова — Sun, 28 Jun 2020 16:41:49 +0000

Дарко Радуловиќ во новата сезона нема да ги предводи кошаркарите на Вардар. Ова денес е објавено на клупскиот Фејсбук профил на „црвено-црните“. – Вардар е клубот каде ја заврши играчката и воедно ја започна тренерска кариера. Имаше успеси и шампионска титула во младинската лига, обезбеди враќања во елитата од втората лига како и две сезони опстанок во првата лига. Ти благодариме за се што допринесе во овие изминати сезони за нашиот клуб, за целиот вложен труд и успесите. Ти посакуваме успешна сезона во новиот клуб, стои во информацијата на КК Вардар. Во прекината сезона 2019/20 во македонското кошаркарско првенство, Вардар имаше три победи и 14 порази, доволни за претпоследното, 9. место. (МИА)