класифицирани информации – Kurir.mk

Професорот Нацев бара одговорност од дополнителниот заменик министер во МВР Славјанка Петровска за оддавањето класифицирани информации

Тале Кристо — Wed, 27 May 2020 12:38:50 +0000

Продолжува оддавањето државни тајни‼!, реагира универзитетскиот професор по одбрана и безбедност Александар Нацев. -Додека јавноста се уште чека одговори од министерката за одбрана за безбедносниот инцидент со оддавањето на класифицирана информација, сведоци сме на сличен таков скандал кој го направи дополнителниот заменик министер во МВР, Славјанка Петровска. Двата инциденти се многу слични, бидејќи вклучуваат објава во јавност на документи кои се со високи степени на класификација, во првиот случај преку социјален медиум (со слика направена во безбедносна зона), а во вториот со расфрлање со класифицирани материјали во емисија во живо (што укажува дека класфицираниот документ неовластено бил изнесен од безбедносна зона), вели Нацев. -Се чини дека привилегијата на неказнивост која ја ужива министерката за одбрана за објавувањето на класифицираната мапа, сега сакаше да ја почувствува и Петровска, за да покаже дека еве за остварување на нашите пропагандно-политички цели, можеме да употребуваме и класифицирани материјали и никој за тоа да не сноси одговорност. Се прашувам, дали како членка на НАТО, утре нашите функциониери со ниско ниво на безбедносна култура, нема да изнесат и НАТО класифицирани документи, со цел да покажат колку се важни и колку многу работат? Напоменувам дека за овие случаи мора да следи истрага, и лицата да се повикаат на одговорност, а уште веднаш да им бидат одземени безбедносните сертификати за пристап до класифицирани информации, со цел да се спречат нови безбедносни инциденти. За споредба, подолу неколку фотографии од слични случаи, и каков епилог имале таквите случаи во земјите кои сериозно ја сфаќаат својата безбедност, пишува професорот Нацев.

Димовски: На командант Хоџа не може да му се даде сертификат за класифицирани информации

Ивона Петрова — Wed, 09 May 2018 08:30:46 +0000

Професорот Златко Димовски од факултетот за Безбедност појаснува дека командантот Хоџа за да го работи она за кое што е назначен, ќе треба да добие безбедносен сертификат кој според Димовски, не може да го добие. -Она што е многу важно е дека ако работи со класифицирани информации ќе треба да добие сертификат за класифицирани информации, а согласно постојната законска регулатива, не верувам дека ќе може да добие сертификат за достап до класифицирани информации затоа што има таму точно одредени критериуми кој може да добие, кој не може истакна Димовски. Тој рече дека тоа што командантот Хоџа се наоѓа на црната листа на САД не игра некоја важна улога конкретно во законодавниот систем. Меѓутоа ако правилно се имплементираат одредбите кои ги има Македонија тешко ќе може Командантот Хоџа да има допир со класифицирани информации. - Црната листа не игра улога конкретно во нашиот законодавен систем меѓутоа она што ние имаме одредено ако правилно се имплементира, а до сега барем тоа е случај едноставно тешко ќе може да има допир до класифицирани информации, посочи Димовски.

Работилница за класифицираните информации во бизнисот

Ивона Петрова — Thu, 22 Mar 2018 07:10:57 +0000

Дводневна работилница на тема „Чувствителните информации во областа на бизнисот, банкарството и ревизијата - правни решенија и практики“ ќе се одржи денеска во Скопје во организација на Дирекцијата за безбедност на класифицирани информации со поддршка на TAIEX инструментот на Европската комисија. Целта е да се добијат компаративни сознанија и да се разменат искуства за третманот на класифицираните и чувствителни информации од сферата на бизнисот, банкарството и ревизијата. Најавено е обраќање на директорот на Дирекцијата за безбедност на класифицирани информации Стојан Славески, а предавачи ќе бидат експерти од неколку држави од Европската унија. На работилницата се очекува да присуствуваат претставници од државните институции, ревизорските тела, банките, компаниите од приватниот сектор, невладините организации, како и од институциите од безбедносниот сектор