Клаудио Раниери – Kurir.mk

По три децении Раниери повторно во Каљари

Тале Кристо — Sat, 24 Dec 2022 09:34:38 +0000

Искусниот фудбалски стратег Клаудио Раниери (71) е нов тренер на Каљари, објави италијанскиот второлигаш. Раниери со тоа се врати во клубот кој го предводеше пред 31 година, а во меѓувреме седеше на клупите на Наполи, Фиорентина, Валенсија, Атлетико Мадрид, Челзи, Парма, Јувентус, Интер, Монако, Фулам и Лестер. Најголемиот успех во тренерската кариера го постигна како тренер на Лестер, предводејќи ги „Лисиците“ до титулата англиски првак во 2016 година. „Раниери е архитектот на двократната последователна промоција од Серија Ц во Серија А, а потоа и на незаборавниот опстанок во највисоката лига. Величенственото возење кое навивачите од Сардинија засекогаш ќе го паметат. Добредојде назад господине“, објави Каљари. Клубот од Сардинија во моментов се наоѓа на 14. место на табелата во Серија Б со 22 бодови, шест повеќе од последнопласираната Перуџа.

Раниери се врати во клубот со кој постигна голем успех

Бошко Тасиќ — Sat, 24 Dec 2022 06:09:35 +0000

Искусниот италијански тренер, Клаудио Раниери по три децении се врати во Каљари со кој ќе се обиде да ги исполни зацртаните цели. Каљари моментно е на 12 позиција на табелата во Серија Б, а во изминатите сезони беше стабилен прволигаш, но сега резултатите не се најдобри. Во вториот мандат во Каљари, Раниери ќе се обиде да го врати овој клуб во Серија А откако лани испадна од елитата. Со Раниери потпиша договор до 2025 година, а веќе еднаш имаше можност да работи во овој клуб и тогаш оствари големи резултати. Го водеше Каљари од 1988 до 1991 година и успеа од Серија Ц да го однесе во Серија А, а слична задача има и сега. Последен клуб во кој работеше Раниери беше Ватфорд, каде беше менаџер до јануари 2022 година.

Хоџсон наследник на Раниери во Вотфорд

Ивона Петрова — Wed, 26 Jan 2022 07:19:58 +0000

Поранешниот англиски селектор Рој Хоџсон вчеравечер е назначен за нов тренер на премиерлигашот Вотфорд како замена за Италијанецот Клаудио Раниери, кој беше отпуштен во понеделникот поради слаби резултати. Хоџсон ќе има задача да обезбеди опстанок со Вотфорд, кој во моментов е на претпоследното место во Премиер лигата, со 14 бодови. – На поранешниот англиски селектор ќе му се приклучи неговиот долгогодишен соработник и човек од доверба Левингтон. Хоџсон и Левингтон веднаш започнуваат со подготовките за следниот натпревар во Премиер лигата, на гостувањето кај Барнли на 5 февруари, соопшти Вотфорд.

Вотфорд му врачи отказ на Раниери

Бошко Тасиќ — Mon, 24 Jan 2022 20:24:27 +0000

Англискиот фудбалски клуб Вотфорд му врачи отказ на својот тренер Клаудио Раниери. Искусниот италијански стратег кој во 2016 година на Лестер му донесе сензационална титула во Англија, нешто повеќе од три месеци беше на клупата на Вотфорд по што мораше да си замине после поразот од Норич. Како тренер на Вотфорд, 70-годишниот Раниери имаше само една победа на 14 меча, а триумфот беше од 4-1 против Манчестер Јунајтед.

Раниери предложи пет замени по натпревар

Ивона Петрова — Tue, 14 Apr 2020 06:29:12 +0000

Тренерот на Сампдорија, Клаудио Раниери, даде предлог да се зголеми бројот на замени во сезоната прекината поради пандемијата на коронавирус. Претходно, Италијанската фудбалска федерација соопшти дека очекува да го заврши шампионатот. – За мене, оваа сезона е невалидна затоа што нема сеопфатно почитување на правилата. Јас разбирам дека треба да играме, но сè ќе биде решено на теренот. Ако одиме да играме три пати неделно, тогаш треба да воведеме промени во фудбалските правила и да дозволиме пет замени, изјави Раниери за „Фудбал Италија“. Сампдорија се наоѓа во долниот дел на табелата, на 16.место, со само еден бод повеќе од зоната на испаѓање.

Фулам го отпушти Раниери

Предраг Кукиќ — Thu, 28 Feb 2019 17:25:31 +0000

Фулам го отпушти менаџерот Клаудио Раниери по само 106 дена на чело на тимот, а помошник тренерот Скот Паркер ќе го преземе кормилото на лондонскиот клуб, кој е на 19-то место во Премиер лигата, пренесе „Би-Би-Си“. Последниот натпревар на Италијанецот беше поразот од 2-0 од Саутемптон вчера, кој ги остави „котиџерс“ на 10 поени од безбедната зона, на 10 натпревари до крајот на сезоната. Раниери (67) ја презеде функцијата во ноември по отпуштањето на Славиша Јокановиќ. Италијанскиот стратег, кој го одведе Лестер до титула во 2016-та година, освои само три од неговите 16 натпревари како менаџер.

Примарна задача за Раниери да ја среди одбраната на Фулам

Ивона Петрова — Thu, 15 Nov 2018 10:17:51 +0000

Новиот тренер на Фулам, Клаудио Раниери вели дека неговата прва цел е да ја консолидира одбраната, која во моментов е најслабата во Премиер лигата. Фулам, пред отпуштањето на српскиот тренер Славиша Јокановиќ, прими дури 31 погодок во 12 натпревари и е убедливо најлош според тој параметар. – Како италијански тренер за мене најважен дел е одбраната. Важно е да имаме вистинска визија за тоа како можеме да се браниме, не само дефанзивците, туку целиот тим. За мене, тимскиот дух е многу важен, знам дека Фулам има добар тим, а потребна е и борбеност, изјави Раниери. Дебито на клупата на Фулам, Раниери ќе го има на 24 ноември против Саутемптон. МИА

Раниери пред враќање во Серија „А“

Ивона Петрова — Sat, 10 Nov 2018 14:05:27 +0000

Искусниот италијански тренер Клаудио Раниери e кандидат да го замени неубедливиот Иван Јуриќ во Џенова, пишува „Газета дело Спорт“. Тимот се соочува денеска против Наполи, а навивачите подготвуваат протест против претседателот на клубот Енрико Прециози, кој го замени Балардини со Јуриќ по одигрувањето на седум круга од сезоната во Серија „А“. Јуриќ дебитираше силно против Јувентус, откако извлече нерешено 1:1, но голем број на слаби резултати, од кои едниот пораз со 5:0 од Интер, може да доведе до негово заминување. Изданието додава дека Јуриќ ќе биде заменет со еден меѓу Чезаре Прандели, Давиде Никола и Раниери. Последниот клуб, предводен од Раниери во Италија, беше Интер. МИА

Нант ја објави разделбата со Раниери

Катерина Бојаџиева — Thu, 17 May 2018 08:01:59 +0000

Тренерот на Нант, Клаудио Раниери, ќе ја напушти функцијата на крајот од сезоната. Ова го соопшти претседателот на клубот Валдемар Кита. Таквите шпекулации веќе некое време постоеја во медиумите, но сега и официјално добија потврда. - Нема што да се крие. Имавме средба со спонзорите, тој им се заблагодари на сите. Раниери, исто така, заслужува благодарност за се што направи тука. Не беше секогаш лесно. Односите меѓу претседателот и тренерот менторот беа доста затегнати во последниве неколку месеци. Кита критикуваше некоја одлука на Италијанецот кој му одговори дека ако не е задоволен од неговата работа, тој секогаш може да го отпушти. Раниери потоа не се појави на официјална вечера по повод јубилејот на клубот, велејќи дека не нашол паркинг простор. 66-годишниот Раниери го презеде Нант минатото лето и потпиша договор до 2019 година. Не успеа тимот да го одведе во Лига Европа што беше амбиција пред почетокот на сезоната.

Конте, Анчелоти, Раниери и Манчини во трка за италијански селектор

Ивона Петрова — Thu, 01 Feb 2018 21:38:42 +0000

Четири звучни тренерски имиња се споменуваат како потенцијални наследници на Џамперо Вентура кој доби отказ по неуспешните квалификации за Мундијалот во Русија. Името на новиот селектор треба да биде познато наскоро, а за ова место ќе се борат Антонио Конте, Карло Анчелоти, Клаудио Раниери и Роберто Манчини. Сепак, прво треба да се назначи нов претседател на Фудбалскиот сојуз и тоа го отежнува изборот на нов селектор. - Ова се имињата со кои ние ќе разговараме. Никој нема предност. Манчини е во Рим, но не сме разговарале се уште со него. Конте со задоволство повторно би го предводел тимот, Анчелоти се двоуми, а Раниери е тука. Ќе со сите кандидати Алесандро Костакурта и јас , изјави комесарот на ФС Италија, Роберто Фабричини.