Клеменс Која – Kurir.mk

Мицкоски оствари средба со амбасадорот на ОБСЕ во Македонија, Клеменс Која

Магдалена Андонова — Tue, 06 Sep 2022 12:48:34 +0000

Денес претседателот на ВМРО-ДПМНЕ проф. д-р Христијан Мицкоски заедно со потпретседателот на ВМРО-ДПМНЕ, Александар Николоски и секретарот за меѓународна соработка Стефан Андоновски, одржа средба со амбасадорот на ОБСЕ во Македонија, г-дин Клеменс Која. Средбата се одржа поради тоа што се ближи крајот на мандатот на господин Клеменс Која при што претседателот Мицкоски му се заблагодари за долгогодишната посветена работа во Македонија, како и придонесот кој ОБСЕ го дава за градење на институциите, владеење на правото и подобрување на демократските процеси. Претседателот Мицкоски во текот на средбата го истакна значењето на референдумот кој доаѓа поради наметнатите потценувачки услови за отворена бугаризација и идентитетско редефинирање на Македонија, нешто што владата на СДСМ го прифати. ВМРО-ДПМНЕ поддржува интеграција на Македонија во рамките на Европската Унија без никакви дилеми, но ВМРО-ДПМНЕ нема да поддржи промена на историски факти, откажување од посебноста на јазикот и идентитетско обезличување. Македонија потребно е да тргне во вистинска насока, а тоа може да се случи со референдумот и со предвремени парламентарни избори.

Пендаровски: Благодарност до амбасадорот Која за неговиот досегашен ангажман

Тале Кристо — Wed, 31 Aug 2022 13:57:01 +0000

Благодарност до амбасадорот Клеменс Која за неговиот досегашен ангажман како шеф на мисијата на ОБСЕ и му посакувам успех во натамошната кариера, напиша претседателот на државата Стево Пендаровски на неговиот фејсбук профил. – Уверен сум дека и во иднина ќе ја продолжиме соработката со OSCE Mission to Skopje, кои имаат значајна улога во поддршка на македонските институции, градење на демократските капацитети и во исполнување на реформската агенда на Северна Македонија во сите витални области, објави Пендаровски на фејсбук.

Средба на градоначалникот Ѓорѓиевски со Шефот на мисијата на ОБСЕ во Скопје, Клеменс Која

Магдалена Андонова — Mon, 14 Feb 2022 14:55:48 +0000

Градоначалникот Ѓорѓиевски денес оствари средба со Шефот на мисијата на ОБСЕ во Скопје, амбасадорот Клеменс Која. На овој работен состанок, се отворија повеќе теми од областа на локалната самоуправа, кои се поврзани со тековните проекти. Градоначалникот Ѓорѓиевски, ги презентираше и капиталните проекти од својата Програма, кои во еден дел се веќе отпочнати, а најголемиот број ќе се реализираат со почетокот на градежната сезона. На средбата, на која присуствуваше и бискупот Кирил Стојанов, се говореше и околу намерите за рамномерен развој на општината, планирањето за формирање на две нови технолошко развојни зони во општината и подобрувањето на деловната клима во Кисела Вода во целост, која треба да донесе инвестиции во целата општина. Амбасадорот Клеменс Која истакна дека Кисела Вода и нејзиниот градпначалник, можат да сметат на поддршка од на мисијата на ОБСЕ. Разговорот беше заокружен со договор за следна средба.

Мицкоски на средба со Клеменс Која, Шефот на мисијата на ОБСЕ во Скопје

Катерина Бојаџиева — Wed, 22 Dec 2021 16:47:40 +0000

Претседателот на ВМРО-ДПМНЕ, Христијан Мицкоски, денеска оствари средба со Шефот на мисијата на ОБСЕ во Скопје, господин Клеменс Која. На средбата претседателот Мицкоски беше разговарано за повеќе теми меѓу кои и загрижувачката економска состојба во која се наоѓа земјава. Економските пакети кои Владата ги донесе во изминатиов период беа неразвојни и недоволниз а да одговорат на потребите на граѓаните и стопанството во целост. А со носењето на новиот Буџет во македонското Собрание, кој и ако најголем до сега, власта не само што не понуди економски план за надминување на состојбата, туку непродуктивното трошење продолжува, а инвестициите изостануваат. Македонија има најслаба економија во овој дел од Европа, а граѓаните поради лошите економски политики се се посиромашни. Во однос на политичката состојба во земјава Мицкоски ја изрази загриженоста што и после два месеци од локалните избори и најавената оставка на Зоран Заев, ресорните министерства и институциите се во целосен хаос и нефункционалност заради политичките апетити и безидејноста на владеачкото мнозинство. Македонија за жал нема стабилни и функционални институции кои ќе ги решаваат проблемите на граѓаните, туку институциите се заложници на корупцијата со која власта потфрли да се справи. Претседателот Мицкоски порача дека за надминување на кризната состојба која се одразува во секоја сфера на општественото делување, како и политичките неприлики во земјава, но и изразот на незадоволство на граѓаните кое се преслика во резултатот на локалните избори, неопходни се предвремени парламентарни избори.

Даштевски за Курир: Институциите молчат на барањата на ДИК, нема средства за законската обврска „фингерпринт“

Ивона Петрова — Sun, 07 Feb 2021 10:33:01 +0000

Претседателот на Државната изборна комисија, Александар Даштевски вели дека одличниот состав кој го има ДИК е предуслов за успешна работа. - Во мојата првична изјава реков ќе работиме професионално и одговорно, стручно. Се работи за многу добар состав на ДИК бидејќи се искусни, дел од нив имаат и повеќе годишно искуство. Одличен состав, тоа е првиот предуслов да се извршува работата успешно, вели во телефонска изјава за КУРИР, Даштевски. По однос на изјавата на шефот на Мисијата на ОБСЕ во Скопје, амбасадорот Клеменс Која дадена за МИА во која вели дека очекуваат новиот состав на ДИК да ги извршува своите должности согласно законите, Даштевски посочува дека очекуваат одлична соработка со нив. Одлична соработка, првиот човек на ДИК, очекува и со мисијата на ОДИХР како и со целата меѓународна заедница. Даштевски сепак потенцира дека не е можно извршување на законските обврски доколку затајува соработката со институциите во државата. Тој за Курир вели дека активно се подготвуват за локалните избори, но открива и со какви проблеми се соочуваат. - Не е можно извршување на законските обврски без соработка со државните институции во Република Македонија, истакнувам уште претходниот состав пред донесување на буџетот побарал средства за извршување на законската обврска позната како „фингерпринт“ која е донесена во февруари минатата година со измени и дополнувања на законот, каде стои дека за локалните избори мора да биде спроведена. Пари во буџетот не се одобрени и по изборот и доаѓањето на овој состав поднесено е барање за одобрување на средства со трансфер на пари, потоа и јас лично поднесов барање со ургенција. Се уште немаме одговор од институциите. Доколку Министерство за финансии не реагира може да биде доцна и изборната комисија се ослободува од одговорноста за извршување на оваа обврска. Оваа обврска треба да се спроведе поради зголемување на степенот на демократија во избирачкиот процес. Од првите избори до денес имаме проблеми со постоечкиот начин на спроведување на изборите, вели Даштевски во изјава за Курир. По однос на најавите за евентуална промена на изборниот модел, претседателот на ДИК вели дека планирани се повеќе измени за кои најверојатно нема да време да се реализираат. Тука е моделот на една изборна единица и отворените листи. Даштевски нагласува дека законот не може да се смени во насока да не се спроведе, а посочува дека одговорна за спроведување на изборниот процес е ДИК. Во интервјуто за МИА, прашан дали се прифатливи измени во изборното закодавство во изборна година, како и најавите за евентуална промена на изборниот модел, Која посочува на препораката на ОДИХР (Канцеларија за демократски институции и чевекови права на ОБСЕ) тие да се случат најмалку шест месеци пред одржувањето на изборите. -Според ОДИХР, препорачливо е изборниот закон да стапи на сила најмалку шест месеци пред изборите, за да можат институциите да се подготват непречено да ги спроведуваат промените. Низ годините, ОДИХР има дадени голем број препораки за подобрување на изборниот процес во Северна Македонија. Во нивниот последен извештај за ланските предвремените парламентарни избори, Специјалната мисија за проценка на изборите на ОДИХР јасно стави до знаење дека сè уште има голем број прашања во законската рамка за изборите што треба да се решат, нагласува Која. Тој појаснува дека ОДИХР не препорачува специфичен изборен модел, а земјите учеснички во ОБСЕ користат широк спектар на разни изборни модели и разни системи за спроведување на изборите, клучно е, нагласува, да се обезбеди инклузивност на процесот за изборна реформа.

Мицкоски и Николоски на средба со Шефот на ОБСЕ, г-дин Клеменс Која

Магдалена Андонова — Mon, 19 Oct 2020 16:51:33 +0000

Денеска претседателот на ВМРО-ДПМНЕ, Христијан Мицкоски, заедно со потпретседателот на ВМРО-ДПМНЕ, Александар Николоски, остварија средба со Шефот на мисијта на ОБСЕ во Република Македонија, г-дин Клеменс Која. На средбата претседателот Мицкоски информираше за состојбата во која се наоѓа државата, особено загрижувачките економски показатели како преминување на прагот на задолжување над 60% кое е прекршување на мастришките критериуми, за историскиот пад на БДП во земјава кој достигна 12,7% во вториот квартал од годинава, како и зголемувањето на сиромаштијата и намалување на животниот стандард на граѓаните. На средбата беше разговарано за тековните проблеми на земјава со корупцијата и криминалот, проблеми кои власта во своите политики не ветува дека ќе ги промени, а за кои забелешките од Извештајот на ЕК не изостануваа, затоа што земјава е се подолу на листите за борба против корупцијата. Мицкоски посочи дека власта неумешно се справува со криминалот во земјава, затоа што е потикнувач на истиот, а со слабиот правосуден систем и корупцијата во истиот, криминалните однесувања на одредени функционери не се казнуваат. Мицкоски го информираше г-дин Која за состојбата во македонското собрание, каде власта во обид да ја руши демократијата противуставно бара да се легитимира гласањето на пратеници кои не се присутни во собранието, како и неприфаќањето на амандманите на опозицијата кои се пред се барања на граѓаните во тековните дискусии во Собранието.

ФОТО: Чулев на средба со шефот на Мисијата на ОБСЕ

Ивона Петрова — Tue, 14 Jan 2020 12:08:25 +0000

Министерот за внатрешни работи Наќе Чулев денеска оствари средба со шефот на Мисијата на ОБСЕ амбасадор Клеменс Која. На средбата, информираат од МВР, амбасадорот Која беше запознат со заложбите на министерството за внатрешни работи за организирањето фер и демократски избори и активностите на полицијата во таа насока. Чулев побарал поддршка од ОБСЕ Мисијата особено за одржувањето обуки за новите полициски службеници кои за прв пат во својата служба ќе се соочат со работни задачи поврзани со изборниот процес. Двајцата соговорници договориле континуирана комуникација и интензивирање на меѓусебната соработка со цел успешна имплементација на активностите поврзани со претстојните парламентарни избори.

Мицевски оствари средба со шефот на мисијата на ОБСЕ, Клеменс Која

Ивона Петрова — Tue, 11 Dec 2018 15:10:55 +0000

Координаторот на претеничката група на ВМРО-ДПМНЕ и колицијата „За подобра Македонија“, Никола Мицевски денеска во Собранието на Република Македонија оствари средба со шефот на мисијата на ОБСЕ, Клеменс Која. На средбата се разговарало за актуелната политичка состојба во државата, како и за реформите кои што треба да се спроведат во Собранието на Република Македонија. На оваа средба се зборувало и за референдумот кој се одржа на 30 септември и за одредените неправилности и недостатоци во процесот на спроведување. Шефот на мисијата на ОБСЕ Клеменс Која, истакнал дека тие ќе продолжат да го подржуваат работењето на Собранието на Република Македонија, особено во делот на работењето и функционирањето на пратеничките канцеларии за контакт со граѓаните низ целата држава.