Според францускиот министер на Украина ќе и бидат потребни 15 до 20 години за да влезе во Европската унија

Магдалена Андонова — Sun, 22 May 2022 14:47:33 +0000

Ќе бидат потребни „најверојатно 15 или 20 години“ за Украина да се приклучи на Европската унија, изјави денеска францускиот министер за европски прашања Клемент Бон, препорачувајќи Киев во меѓувреме да се приклучи на европската политичка заедница, како што предложи претседателот Емануел Макрон. – Човек треба да биде искрен. (…) Ако кажеме дека Украина ќе влезе во ЕУ за 6 месеци, година или две, се лажеме. Тоа не е точно. Поверојатно за 15 или 20 години, а тоа е многу долг период, изјави Бон за Радио Ј, пренесува Хина. – Не сакам да им се продаваат илузии и лаги на Украинците. Ако на Украинците им се каже „Добредојдовте во ЕУ“, но вие не сте ги прочитале ситните букви на дното на договорот, а тоа е за 15 години, мислам ќе разочараме цела генерација Украинци. Во меѓувреме, им должиме на Украинците (…) политички проект во кој можат да влезат, рече Бон. Европската политичка заедница, предложена од претседателот Макрон, е „комплементарна на ЕУ“ и „може да понуди политички и конкретен проект на земјите кои не се во срцето на ЕУ и сакаат да се доближат до неа“, рече тој. – Но, тоа не значи дека вратата е затворена, напротив, таа е отворена, рече Бон, укажувајќи на придобивките како што се „слободното движење во Европа“ и „делумните придобивки од европскиот буџет за обнова на Украина“ или можеби заедничката енергетска политика. Прашањето за проширувањето на ЕУ со Украина, Грузија и Молдавија создава контроверзии и несогласувања во Унијата. (МИА)

Бон за руските напади во Украина: Многу е загрижувачко и сериозно

Тале Кристо — Fri, 04 Mar 2022 07:41:31 +0000

Европската унија мора да стои цврсто, додека руските напади во Украина се засилуваат. Може да се види дека нападите се интензивираат, што е многу загрижувачко и сериозно, изјави францускиот министер за европски прашања, Клемент Бон. Според него, рано е да се проценат последиците од пожарот, што избувна во близина на најголемата нуклеарна централа во Европа. Тој ја даде изјавата за новинарите пред состанокот на министрите за европски прашања на ЕУ, што се одржува во Арл, јужна Франција. Пожарот што избувна во зграда за обука, близу најголемата нуклеарна централа во Европа, во време на интензивни борби меѓу руските и украинските сили, беше изгаснат. Украинската државна служба за итни случаи го отврди ова утринава. Министерката за енергетика на САД, Џенифер Гранхолм информираше дека нема индикации за зголемено ниво на радијација во централата Запорожје, што обезбедува повеќе од една петтина од вкупната електрична енергија произведена во Украина.

Клемент Бон – Kurir.mk

Според францускиот министер на Украина ќе и бидат потребни 15 до 20 години за да влезе во Европската унија

Бон за руските напади во Украина: Многу е загрижувачко и сериозно