клиенти – Kurir.mk

ХиМ под истрага поради наводна дискриминација на клиенти во Шведска

Магдалена Андонова — Wed, 09 Dec 2020 16:56:09 +0000

Шведската компанија за облека ХиМ (H&M) е под истрага за наводна дискриминација на клиенти врз основа на етничка припадност во Шведска, соопшти владината агенција. Луѓето со друга етничка припадност треба да покажат сметка кога ги менуваат работите, тврди шведскиот народен правобранител. Таканаречената регулаторна истрага беше покрената по написот во стокхолмскиот дневен весник „Афтонбладет“, кој неодамна објави снимки од клиенти од различна етничка припадност кои биле одбиени во обид да ги заменат алиштата што сè уште ги имале своите ознаки за цени. Некои од клиентите имале скриени камери. Весникот секојдневно интервјуирал околу 60 клиенти и вработени во ХиМ. Народниот правобранител се обрати до компанијата и очекува одговор до 22 декември во врска со нивната политика за замена на облека и нивната позиција во врска со дискриминацијата. Компанијата потврди дека Народниот правобранител ги контактирал, но не даде дополнителни информации. (MИА)

МБА: Банките се подготвени да ги сервисираат потребите на клиентите на Еуростандард банка

Ристе Здравков — Sat, 15 Aug 2020 12:03:51 +0000

Македонската банкарска асоцијација во соработка со институциите нејзините членки ги превземаат сите потребни активности за да им излезат во пресрет на потребите на клиентите корисници на банкарските услуги од Еуростандард банка, соопшти денес МБА. Од оваа асоцијација на банките во земјава, додаваат дека вработените лица, пензионерите, корисниците на парични права од социјална и детска заштита и лицата кои остваруваат приливи по други основи имаат можност да изберат една од членките на МБА преку која би сакале во иднина да ги добиваат приливите на парични средства. Од таму потенцираат дека пензионерите и корисниците на парични права треба само да појдат во банка каде што веќе имаат активна сметка или да отворат нова сметка во банка и не е потребно да побараат одјава. „И не само за депозитните, банките и штедилници се отворени за рефинансирање и на кредитните производи на клиентите на Еуростандард банка во согласност со нивните деловни политики“, велат од МБА. Од Македонската банкарска асоцијација уште еднаш нагласуваат дека банкарскиот систем е во одлична кондиција, при што сите банки се подготвени да одговорат на потребите на населението и компаниите. „Банките и штедилници се и остануваат сигурни и стабилни“, се вели во соопштението до медиумите.

Украдени податоци на 800.000 клиенти на швајцарски мобилен оператор

Ивона Петрова — Wed, 07 Feb 2018 15:04:37 +0000

Швајцарскиот мобилен оператор „Свиском“ денеска соопшти дека кон крајот на минатата година бил регистриран хакерски упад во неговиот систем, при што „на ризик биле изложени“ личните податоци на околу 800.000 клиенти. Според компанијата, засега непознат хакер имал пристап до информации за имињата, адресите, телефонските броеви и датумите на раѓање на нејзините клиенти. „Свиском“ нагласува дека при хакерскиот упад не биле загрозени лозинките, разговорите или уплатите на клиентите, како и дека компанијата не добила поплаки од корисниците за злоупотреби на нивните податоци. Упадот бил откриен случајно при рутинска контрола, по што била спроведена пообемна истрага. Клиентите жртви на хакерскиот упад претставуваат околу 10 проценти од населението на Швајцарија.