клијан мбапе – Kurir.mk

Меси најдобар фудбалер, Мбапе прв стрелец

Катерина Бојаџиева — Sun, 18 Dec 2022 19:37:15 +0000

Аргентинскиот капитен Лионел Меси, кој вечерва ја предводеше својата репрезентација до титулата светски првак, е прогласен за најдобар фудбалер (МВП) на Мундијалот 2022 во Катар. Меси, кој претходно навести дека ова ќе му биде последен Мундијал, вечерва со два гола ја предводеше Аргентина до триумф во големото финале над Франција на пенали со 4-2 (2-2) и го освои единствениот трофеј што му недостасуваше во богатата кариера. Најдобар стрелец на Мундијалот е репрезентативецот на Франција, Килијан Мбапе, со осум голови, од кои три постигна во финалето. Меси го заврши Мундијалот на второто место на листата стрелци со седум голови, пред Оливие Жиру (Франција) и сонародникот Хулијан Алварез со по четири голови. За најдобар голман е прогласен аргентинскиот чувар на мрежата Емилијано Мартинез, а наградата за најдобар млад фудбалер му припадна на уште еден Аргентинец – Енцо Фернандез.

Мбапе: Ништо не е договорено со Реал Мадрид

Ристе Здравков — Mon, 07 Feb 2022 10:23:55 +0000

Францускиот ас Килијан Мбапе ќе биде најголемата ѕвезда на летниот преоден рок. Германскиот „Билд“ објави дека тој договорил се со Реал Мадрид, потпишал преддоговор и дека на лето заминува во Шпанија. На напаѓачот на ПСЖ летово му истекува договорот кој не сакаше да го продолжи и дефинитивно си заминува од „Паркот на принцовите“. Сепак, Мбапе тврди дека се уште ништо не е договорено. Изјавата ја даде по синоќешниот триумф (1-5) на ПСЖ против Лил. „Не, мојата одлука за иднината не е донесена. Натпреварот од Лигата на шампионите против Реал Мадрид менува многу работи. Дури и да сум слободен да го правам она што го сакам во моментов, нема да одам да разговарам со противник со кого ќе играме наскоро. Фокусирам сум само на победите со мојот клуб“, изјави Мбапе. Во осминафиналето на Лигата на шампионите се среќаваат ПСЖ и Реал Мадрид. Првиот натпревар ќе се одигра на 15 февруари во Париз.