клик плус – Kurir.mk

Џафери: Тиранската платформа е составен дел на се што до сега е сработено во Собранието

Дарко Андоновски — Tue, 05 Feb 2019 12:36:11 +0000

Претседателот на Собранието, Талат Џафери, во вчерашното гостување во магазинот „Клик плус“ на телевизијата 21, рече дека точките од меѓу партискиот договор на албанските политички партии, во јавноста познат како Платформа, се составен дел од сето она што до сега е спроведено во Собранието. На констатација на водителот дека албанските политички партии не се придржуваа до нивниот договор кој воедно тие го претворија во Платформа, Џафери одговори: - Не не, се придржуваа. Платформата се спроведе во изгласаните закони. Сега јас не сакам да навлегувам во коментарите и однесувањата на лидерите на политичките партии за дневни политички каприци. Но над се точките на овој договор се составен дел од сето она што до сега е спроведено во Собранието, рече Џафери. Џафери беше запрашан и за тоа колку е сериозна идејата, албанските политички партии да излезат со заеднички кандидат во трката за Претседател на државата, на што тој одговара дека прашањето е толку сериозно што албанските политички партии можат да бидат на нивото од 2017 година, кога на 7-ми јануари излегоа со меѓу партиски договор. - Ова прашање е толку е сериозно што албанските политички партии можат да бидат на нивото од 2017 година, кога на 7-ми јануари излегоа со меѓу партиски договор за надминување и решавање на албанското прашање, децидно одговори Талат Џафери. Џафери вели дека не знае кој е можниот заеднички кандидат за Претседател на албанските партии, но смета дека тоа е почетна точка каде што албанските политички партии можат да се обединат. Така што има почетна точка, има позитивен пример и се посакува да се следи тој пример, заклучи Џафери.

Ѓорчев на ТВ 21: Младите и неопределените ја губат довербата во Владата, подготвуваме сериозна програма

Дарко Андоновски — Fri, 21 Dec 2018 10:11:24 +0000

Програмата на СДСМ која што е за жал една од поголемите лаги во поновата македонска историја и таму директно како што велеа во програмата „За живот во Македонија“ пишува дека минимум тројца министри ќе дебатираат со опозицијата. Јас конкретно со месеци месеци наназад не можам да дебатирам со министер на СДСМ, сите министри избегнуваат дуел со мене, Извршниот Комитет на ВМРО-ДПМНЕ и со пратениците, ова вчера во емисијата „Клик Плус“ на телевизија 21 го истакна пратеникот од ВМРО-ДПМНЕ Влатко Ѓорчев. -Немаат што да кажат, министерот за финансии што ќе каже? Дека ја оправил економијата, Кочо Анѓушев што ќе каже? Дека се грижи за својот бизнис? Или за општото добро, министерот за земјоделие што ќе каже, што ќе понуди? Оливер Спасовски што ќе каже? Дека Македонија е безбедна, а гледаме дека секој ден имаме убиства, обиди за убиства, запалени автомобили, а еве и вечерва имаме лице кое е застрелано. Дефинитивно оваа влада нема што да каже и затоа е тоа избегнување со јавноста, потенцираше Ѓорчев.

Мицкоски: Нема ниту бесплатно здравство, ниту бесплатно образование во ЕУ, тоа е уште една манипулација на власта

Ивона Петрова — Wed, 19 Sep 2018 20:16:18 +0000

Претседателот на ВМРО-ДПМНЕ, Христијан Мицкоски во вечерашното гостување во емисијата „Клик плус“ на ТВ 21 истакна дека манипулативни се убедувањата на власта дека со влезот во ЕУ ќе има бесплатно здравство. -Го слушавме премиерот како вели дека 75 проценти од граѓаните ќе го поддржеле договорот. Ако е тоа така, чуму потребата од ваква масовна, атактна за сите сетила, манипулативна кампања. Ние не гласаме за бесплатно здравство во Европската Унија, ние гласаме за еден ден да бидеме дел од ЕУ и да направиме супер модерна болница во Македонија, каде ќе можат граѓаните без разлика на нивниот етнички состав, да ги имаат истите услови како што ги имаат граѓаните во ЕУ. Ние не гласаме за бесплатно образование во ЕУ, кое патем речено се лага. Ниту има бесплатно здравство, ниту има бесплатно образование. Сакам да направиме кога ќе влеземе во ЕУ супер модерен универзитет во ТОП 100 на Шангајската листа каде студентите кои се од Македонија ќе ги имаат истите услови како оние од Европската унија. Ставот на владата е лажен и манипулативен и има една цел, да ги измами граѓаните што е основна карактерна особина на оваа влада, нагласи Мицкоски.

Мицкоски: Цивилизациски шок е прославата на Владата за автопатот кој не го изградија

Матеја Петровски — Thu, 26 Apr 2018 21:16:55 +0000

Претседателот на ВМРО-ДПМНЕ, Христијан Мицкоски во гостувањето во „Клик Плус“ на телевизија 21 се осврна и на отворањето на автопатот и на начинот како тој беше отворен, со блех музика и чочеци. -Ако имате блех музика и чочеци во тунел за отворање на автопатска делница, тоа е цивилизациски шок, изјави Мицкоски. Претседателот кажа дека автопатот е за граѓаните и дека на нив треба да им служи, како што кажа дека ако тој проект спаси барем еден живот, тогаш сите оние кои учествувале во изградбата на овој автопат треба да се чувствуваат горди и среќни. -Но, за мене претставуваше цивилизациски шок кога директорот на второто можеби по големина јавно претпријатие во државата и близок соработник на премиерот на државата, вади од џебот гордо банкноти и ги лепи на музичарите, други луѓе тука играат чочеци. Мислам тоа претставуваше цивилизациски шок и можам да кажам уште сум под дејство на тоа што тогаш го видов, изјави Мицкоски. Мицкоски кажа дека во овој случај не станува збор за некаков вкус, туку дека тоа е под сите цивилизациски и морални вредности, дека станува збор за катастрофа. Мицкоски праша и како се чувствувале странските амбасадори и дипломати кои го гледале она што се случувало во тунелот. -Вие можете дома да си организирате семејна прослава, да викнете музичари и да дискутираме дали песната што вие ја нарачувате е добра или лоша. Мене ми е добра, тебе ако ти е лоша, јас ја плаќам музиката, она свири тој што ја плаќа, тоа е вкус. Ова го плаќале два милиони граѓани на Република Македонија, изјави Мицкоски.

Мицкоски: Извештајот на Стејт Департментот констатира дека Македонија денес е заробена држава

Матеја Петровски — Thu, 26 Apr 2018 20:37:43 +0000

Претседателот на ВМРО-ДПМНЕ, Христијан Мицкоски во гостувањето во „Клик Плус“ на телевизија 21 кажа дека разликата меѓу оваа опозиција сега и опозицијата во минатото е што оваа опозиција додаде вредност за Македонија да ја добие препораката од ЕУ, а минатата опозиција тегнела назад и молела Бога тоа да не се случи. -Тоа е разликата. Ги хушкаше луѓето да одат по улиците и да го урнисуваат системот, праќаше лоши вести по Брисел и по светот, кодошејќи ја сопствената држава и владата. Мицкоски го спомена и извештајот од Стејт Департментот, каде за Македонија пишува дека е заробена држава, што како што кажа лидерот на ВМРО-ДПМНЕ и е акцентирано во извештајот. -За што биравме ние нова Влада, ако порано било заробено, а сега е два пати позаробена државата, праша Мицкоски. Мицкоски кажа дека ВМРО-ДПМНЕ не се вклучени во преговорите за името, кажа дека последна информација која ја добиле е онаа на лидерската средба кон крајот на јануари месец.