климент охридски – Kurir.mk

СЛЕДЕТЕ ВО ЖИВО: „Св. Климент Охридски, стожерот на македонската грамотност“

Ивана Ефремовски — Thu, 08 Dec 2022 09:50:01 +0000

Денес (08.12.2022) во 12:00 часот во Дом на културата „Билјана Беличанец“ – Скопје по повод празникот 8-ми Декември, Свети Климент Охридски, Унијата на жени на ВМРО-ДПМНЕ и Централната комисија за култура организираат свечен настан на тема – „Св. Климент Охридски, стожерот на македонската грамотност“.

Говорници на овој свечен настан ќе бидат:

Проф. д-р Христијан Мицкоски, претседател на ВМРО-ДПМНЕ;
Жаклина Пешевска, претседателка на Унија на жени на ВМРО-ДПМНЕ;
Зоран Љутков, член на ИК на ВМРО-ДПМНЕ;
Насл. Вон. проф. м-р Мими Ѓорѓоска – Илиевска;
М-р Александар Јорданоски;
Проф. д-р Михајло Марковиќ;
Александар Какасулис.

Настанот можете да го следите во живо на линкот во продолжение:

Кање Вест објави фотографија од Климент Охридски

Ристе Здравков — Fri, 25 Sep 2020 16:54:22 +0000

Американскиот рапер Кање Вест денеска на Твитер објави 40-тина икони од православни светци, вклучувајќи го и Климент Охридски. Без никакво објаснување, раперот одеднаш ги објави иконите на социјалната мрежа. Пред три месеци, тој соопшти дека ќе се кандидира за претседател на САД на изборите во ноември, но неговото име ќе биде на гласачкото ливче во само 12 од 50-те американски држави, откако беше одбиен или се повлече во останатите 38 држави. Пред десет дена, раперот на Твитер објави видео како уринира врз Греми награда.

Врачена државната награда „Св.Климент Охридски“ за 2018 година

Ристе Здравков — Sat, 08 Dec 2018 13:02:10 +0000

Во чест на празникот „Свети Климент Охридски“ во Собранието на Република Македонија денеска беше врачена истоимената државната награда за 2018 година. Добитници годинава се просветните работници Кимет Агаи и Аднан Агаи за остварување во областа на воспитанието и образованието, режисерот Владимир Милчин, балетскиот уметник Емилија Стаменковиќ (Џипунова) и писателот Томислав Османли во областа на културата и уметноста и патофизиологот, специјалист по нуклеарна медицина проф. д-р Борислав Каранфилски во областа на здравството. Наградите им ги врачи претседателот на Одборот за доделување на државната награда „Св. Климент Охридски“, академик Влада Урошевиќ, кој рече дека наградата ја сфаќа како убава можност на дејците во културата да им се надомести барем мал дел од тоа што навистина го заслужиле. – Културата е се помалку присутна во медиумите. Време е да ја ослободиме културата од комерцијализацијата и политизацијата. Единствен наш вистински адут во барањето рамноправно место меѓу народите е културата, од воспитанието и образованието до највисоките дострели на уметноста. Доделувањето на оваа награда ја смета како убав придонес кон надминувањето на опасностите кои ја демнат македонската култура, додаде Урошевиќ. Од името на добитниците се заблагодари проф. д-р Каранфилски, кој рече дека наградата е израз на посебно високо општествено признание за постигнатите резултати. Посочи дека неговите постигнати резултатит не би биле можни без долгогодишна поддршка на неговата матична институција Универзитетот „Св.Кирил и Методиј“, на Медицинскиот факултет во Скопје и неговите драги соработници и колеги од Институтот за патофизиологија и нуклеарна медицина со кои изминатите години работеле посветено. – Го оформивме Институтот и ја збогативме наставната програма со нов предмет, ја воведовме како наставна содржина и нуклеарната медицина со широка примена на радиоактивни изотопи во многу медицински области. Заедничко за сите добитници на наградата е фактот дека ова признание не задолжува сите нас да продолжиме со творење со истата енергија и посветеност секој во својата област за доброто на нашиот народ и нашата земја, додаде проф. д-р Каранфилски. Наградата „Св. Климент Охридски“ е највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Македонија.