клиничка смрт – Kurir.mk

Била мртва 27 минути, а кога се вратила во живот напишала само едно нешто- нејзината внука ги истетовирала тие зборови (ФОТО)

Катерина Бојаџиева — Wed, 26 Jun 2019 18:47:17 +0000

Тина Хајнс била клинички мртва 27 минути, па откако се вратила во живот, побарала пенкало и хартија… Напишала само едно нешто: „Тоа постои”. Кога ја прашале на што мисли, таа само погледнала нагоре… Потоа раскажала дека кога срцето ѝ застанало, го видела рајот. Претходно, Тина со сопругот биле на планинарење во Феникс, Аризона, САД, каде што се случила незгода и таа била тешко повредена. Болничарите потоа, за 27 минути се обиделе да ја оживеат шестпати, пишува интернет-страницата „АЗ фемили“. – Беше толку реално, боите беа така живописни… И, во еден миг, видов силуета за која сум сигурна дека беше Исус, кој стоеше пред црни порти зад коишто пак, се наѕираше силна жолта светлост, раскажува Американката. Нејзината внука Меди Џонсон ѝ верува, па на зглобот си ги тетовирала зборовите на тетка ѝ – „Тоа постои”, на истиот начин на кој и биле запишани. – Нејзината приказна е премногу стварна за да не ја споделам со вас. Тоа ми даде посилна верба во мојата вера, напиша Меди на Инстаграм.

Холандски кардиолог истражувал искуства на клиничка смрт, а цртеж на шестгодишно девојче го шокирал (ВИДЕО)

Предраг Кукиќ — Sun, 17 Feb 2019 20:24:37 +0000

Холандскиот кардиолог Пим ван Ломел пред неколку години во Минхен ги претстави новите сознанија за искуството со блиска смрт, т.н. клиничка смрт. „Искуството на блиска смрт е извонредна состојба на свеста”, изјави тој пред полна сала на Филозофскиот факултет во Минхен. Како експерт за природни науки мислел дека човек кој ја изгубил свеста не бил способен да забележува, но го сменил мислењето кога еден човек, кој се разбудил од кома, точно го опишал местото на кое медицинската сестра му ја ставила протезата и што заборувале лекарите покрај неговиот кревет. „Се заинтересирав и почнав систематски да ги испитам луѓето на кои им застанало срцето“,вели Ломел. Во едно истражување, 18 проценти од 282 испитаници рекле дека за време на застојот на срцето биле свесни за сето она што се случувало околу нив. Повеќето од нив почувствувале дека љубовта е најважната работа во овој и тој свет, и поради таа причина, по блиското искуство со смртта, својот стил на живот значително го промениле. Некои по тоа искуство станале верни христијани. Ван Ломел, исто така, го прикажал цртежот на шестегодишно девојче, кое го опишало своето лично искуство: на него се гледа како девојечето насмеано лебди над своето тело, кое го реанимираат двајца мажи. „Децата не знаат ништо за медицинско оживување. Девојчето го нацртало тоа што го видело кога нејзиното срце застанало “, објаснува Ломел. Тој, исто така, го опиша документираниот случај на пациент кој свесно забележал што се случува околу него, иако апаратот на кој бил приклучен престанал да ја регистрира активноста на мозокот.

Се разбудила по 72 часа клиничка смрт

Ивона Петрова — Fri, 11 Jan 2019 08:39:52 +0000

Девојка од источно-кинеската провинција Фуџијан се опорави по 72-часовна клиничка смрт, откако на 1 јануари била итно примена в болница поради забрзано чукање на срцето. По згрижувањето, нејзиното срце прекинало да работи, а таа ја загубила свеста. Лекарите утврдиле миокардитис – воспаление на срцевиот мускул, па веднаш била приклучена на апарати. Тие ѝ го спасиле животот, но срцето повторно почнало да пумпа крв дури следното утро, а во наредните 72 часа ѝ се вратила и свеста. – Откако ги отвори очите, ја прашав дали е среќна и дали може да ме фати за рака. Кога таа го направи тоа, сфатив дека таа се врати во живот, раскажува д-р Занг Минвеј од болницата при Универзитетот на Сјамен. МИА

Гром удрил во Миланче, па го закопале со хармониката: Арамии го откопале гробот, а таму пејачот жив

Катерина Бојаџиева — Fri, 16 Feb 2018 19:52:30 +0000

Пејачот на народни песни и автор на многу хитови Миланче Радосављевиќ (74) има најневеројатна животна приказна. Во младоста доживеал клиничка смрт, а настанот е толку необичен што за него половина век раскажува цел Обреновац. Како што раскажуваат мештаните, тоа што има криви и невообичаено распоредени прсти Миланче го толкува како несреќен случај, кој по многу работи е нелогичен. Приказната оди вака: Додека бил млад, гром удрил во дрво под кое седел, па Миланче доживеал клиничка смрт. Семејството го испратило во вечниот дом со хармониката, како што бива на овие простори, зашто бил неразделен од инструментот уште во младоста. А и обреновачките гробишта, како и сите други на кои се закопуваат мртви со цело богатство и со се што им било блиско и мило, си имаат свои арамии. Така, гробот на Миланче го откопале арамии за да ја земат хармониката, кога таму Миланче жив. Настанала вистинска збрка, а таткото на Миланче ги барал арамиите под дрво и под камен за да ги награди што му го вратиле синот жив. Секако, никогаш не ги нашол.

Драма во семејството на Лепа Брена, синот доживеал клиничка смрт

Ивона Петрова — Sat, 10 Feb 2018 09:17:01 +0000

Стефан Живојиновиќ доживеал клиничка смрт за време на неодамнешното престојување во Америка. Стефан криел од родителите, Брена и Боба, дека во Мајами после неколку часа играње тенис, паднал во несвест на теренот и лекарите од Итната медицинска помош се посомневале на триминутна кома од кардиолошка природа. -Да, тоа се случи во Мајами, само паднав и друго ништо не знам. Прекин на филмот. Траеше како вечност, а тие ми велат дека само неколку минути сум бил во несвест. Пријател веднаш повикал Итна помош и тие рекле дека состојбата личи на клиничка смрт. Немам појма, ништо не ми беше, потврдува Стефан за Свет. -Не му се јавив на никого бидејќи тоа може на секој да му се случи. Не смеев да и кажам на Брена, јас бев во Америка, а тие во Србија, ќе полудеа од грижи. Направив комплетни анализи и здрав сум како дрен, лекарите од Итната медицинска помош згрешиле, вели тој. Се се случило пред Нова година кога тој бил под голем стрес поради спотот и новата песна „Во другиот живот“.