клинички центар мајка тереза – Kurir.mk

Комисијата за здравство на ВМРО-ДПМНЕ: Блокиран пристапот до Клиниката за кардиологија, Меџити иако вети и по пет месеци нема решение

Дарко Андоновски — Tue, 10 Oct 2023 10:26:45 +0000

Комисијата за здравство на ВМРО-ДПМНЕ преку статус на Фејсбук пишува дека пристапот до Клиниката за кардиологија е блокиран. ❗️❗️Блокиран е пристапот и до Клиниката за кардиологија, каде брзиот пристап е исклучително важен за навремен третман ❗️Секојдневнa слика е блокирана лента за возила до ургентен центар како и блокиран влез на хирургија. Пет месеци нема одговор на прашањето ❓️Дали некој се обидува ова да го корегира, кои мерки се преземаат Ова беше првото ветување на Меџити како министер за здравство кој вети решение за овој проблем. ❗️ Нема одговор ниту како здравствените власти го решаваат хаосот со паркингот во Клинички центар со оглед дека овој хаос е секојдневие, односно имаме нула реализација и во ова ветување. 👉Не слушнавме ниту збор 1.Кои се тие чинители со кои Министерството за здравство се има консултирано за изнаоѓање решенија и зошто оваа постапка е целосно нетранспарентна 2. Во кој временски рок е предвидено решавањето на овој проблем со оглед дека досега не видовме ниту една преземана конкретна активност 3.Дали на повидок имаме уште едно ќе ветување од Меџити Наталожените проблеми со немањето лекови, неинвестирањето во човечкиот потенцијал и инфраструктура се главна причина за актуелниот егзодус на медицински персонал и затоа потребно е рестартирање на здравствениот систем, стои во нивниот пост на Фејсбук.

Вработените во Клинички излегуваат на протест: Револтирани и незадоволни од неисполнетите ветувања ќе бараат покачување на платите!

Магдалена Андонова — Thu, 17 Nov 2022 17:24:52 +0000

На Клинички: Вработените револтирани и незадоволни наредна недела излегуваат на протест Пукна тиквата и на клинички. Огромниот револт и незадоволството на вработените, како што велат од Синдикатот ќе го искажат преку протест наредната недела. Во изјава за Сител синдикалците велат дека од бројните ветувања изминатиот период не добиле ништо и со 30 минутно излегување од работните установи сакаат да ги предупредат надлежните дека не се откажуваат од своите права и линеарно зголемување на платите. -Осум месеци преговараме со надлежните институции, ги поминавме сите инстанци...подадовме рака и за оние 2806 денари линеарно зголемување..ги добивте..не добивме ништо. Даваме рок од 4 дена, во среда имаме Совет во Синдикат и во среда излегуваме на протест, вели Предраг Серафимовски потпретседател на Синдикат на Клинички -со тоа линеарно зголемување очекуваме да се реши таа голема дискрепанца што се случи со минималната плата..медицинска сестра со почетни 22 000 денари и некој од технички персонал со поголем стаж ја стигнува со плата а одговорноста е далеку поголема. Револтот на клинички е огромен, вели Гордана Димевска, медицинска сестра и дел од Извршен на Синдикат на Клинички Министерот за здравство мисли дека се договорил со Синдикатот да го пролонгираат протестот две недели за да разговараат со Фондот и финасии. Но синдикалните организации на клинички не се согласиле бидејќи како што кажаа, што може да се смени за 14 дена кога осум месеци никој ништо не реализирал. -За конкретна сума сега не можам да зборам бидејќи јас не ги одредувам финасиите, меѓутоа дека треба да се поддрши клинички да. Се договоривме вчера со синдикатот тој протест и штрајк да го одложат две недели, вели Беким Сали министер за здравство. За информации кои кружеле во комплексот клиники дека платите на вработените ќе биле намалени за 5 проценти а дежурствата укинати, Сали вели дека се шпекулации со политичка позадина.

Сали: Се работи на решавање на проблемот со сметките за струја на Клинички центар

Катерина Бојаџиева — Wed, 16 Nov 2022 13:05:47 +0000

Се работи на решавање на проблемот со заостанатиот долг за електрична енергија на клиниките во склоп на Клиничкиот центар „Мајка Тереза“, изјави денеска министерот за здравство Беким Сали. Во изјава за медиумите појасни дека проблемот е кај дел од клиниките кои набавуваат електрична енергија преку заеднички служби. -Еден дел од клиниките набавуваат електрична енергија директно од набавувачи, додека друг дел се преку заеднички служби. Во делот на заедничките служби, поради наталожен долг во период на ковид-пандемија се соочиле со отежнато функционирање во делот на финансиското менаџирање, рече Сали. Додаде дека Фондот за здравствено осигурување е во комуникација со клиниките и се бара начин како да се надополнат буџетите, со цел да се подмират долговите. – Долговите се наталожени бидејќи во последните три години во време на ковид-пандемија не можевме да организираме добро менаџирање, а тука е и енергетската криза што за 500 проценти ја поскапи електричната енергија, изјави Сали.

Долг од седум милиони евра ќе го остави клинички без струја ?!

Магдалена Андонова — Fri, 11 Nov 2022 15:19:38 +0000

Телма објави дека поради долг од седум милиони евра клинички може да остане без струја. Како што дознава Телма, скопските клиники три години не ги плаќале сметките, ниту пак доставиле гаранција, која би ги спасила од исклучување. Од ЕВН за нив потврдиле дека клинички е еден од поголемите должници. Водени од правилникот на РКЕ, побарале банкарска гаранција, но не ја добиле.

ФОТО: Без струја дел од Клиничкиот центар во Скопје, пациенти во темница чекаат по ходници

Магдалена Андонова — Wed, 22 Dec 2021 09:05:47 +0000

Утрово Универзитетската клиника за кардиологија при Клиничкиот Центар „Мајка Тереза“ остана без струја. За тоа сведочат фотографиите кои беа испратени до Курир. Како што може да се види од самите фотографии, пациенти чекаат во темница по ходниците завиткани во јакни и ќебиња. Ваквата ситуација е недозволива во една здравствена институција, особено на минусни температури. Редакцијата на Курир провери дали претходно имало најава за прекин на електрична енергија во овој дел, но не наиде на никакво известување од страна на ЕВН.

Приведено лице за реметење на редот на паркингот на Клинички

Магдалена Андонова — Sat, 16 Jan 2021 13:28:33 +0000

По добиени сознанија за реметење на јавниот ред на паркингот на Клинички центар, од страна на полициски службеници од СВР Скопје преземени се мерки, при што е идентификуван Ф.М.(40) од Скопје. Притоа е утврдено дека на 12.01.2021 околу 10.15 часот Ф.М. го нарушил јавниот ред и мир во кругот на клиничкиот центар. Со него е извршен разговор во полициска станица и ќе биде поднесен соодветен поднесок, а се преземаат и дополнителни мерки и активности.

ВИДЕО: Три години глумат редари на паркингот на Клинички, наплаќаат пари, а полицијата не реагира

Магдалена Андонова — Wed, 13 Jan 2021 13:02:05 +0000

„Ало Клинички центар, дали знаете со вашиот паркинг што се случува“, прашува корисник на социјалната мрежа Твитер, кој објави видео на кое може да се забележи како неколку лица на своја рака „спроведуваат“ ред на паркингот, пишува Слободен печат. Во описот на видеото кое се прошири на мрежите, тој додава дека паркингот е окупиран од група на луѓе на кои, како што вели, доколку не им се дадат пари, не ги отстрануваат своите возила, па оние кои се во мака можат да кружат и по половина час за да дојдат до слободно место. Следуваа низа реакции со повици надлежните веднаш да реагираат и да ги санкционираат измамниците. Настанот го потврдија и од ЈП „Градски паркинг“, од каде велат дека со овој проблем се соочуваат со години. Според директорот Борче Јакимовски станува збор за лица на возраст од 25 до 40 години кои со сопствени возила заземааат слободни места, а на останатите возачи им бараат од 50 до 100 денари за да го тргнат својот автомобил.

Превземено: Alo klinicki centar dali znaete so vasiot parking sto se slucuva? Deka e okupiran od romi sto ako ne im.dades pari ne gi trgaat kolite , i ti vika nema da daes nema da parkiras? Deka nekoj bolen vrti 48 miniti da se parkira? ЌЕ РЕАГИРАТЕ НЕЛИ?! 🚨🆘️🚨🆘️ МВР? pic.twitter.com/cQK00P1OVG
— Две Ѕвезди (@dvezvezdi1) January 12, 2021

– Проблемот се провлекува веќе три години, а ние континуирано поднесуваме пријави до полицијата. Денеска повторно реагиравме, а воедно издадов наредба „пајакот“ да ги таргетира нивните возила што ги зафаќаат паркинг местата, изјави Јакимовски за „Слободен печат“.

Нападнат вработен во Клиничкиот центар

Ивона Петрова — Sun, 02 Aug 2020 12:15:23 +0000

Н.Б.(40) од Скопје, вчера пријавил дека во 13.00 часот додека бил на своето работно место во Комплекс клиники „Мајка Тереза“ по претходно недоразбирање и расправија бил физички нападнат од две лица, информира МВР. Се преземаат мерки за расчистување на случајот.

Страшна сообраќајка кај Страцин: Загинаа татко и син, повредено едно лице

Ивона Петрова — Mon, 04 May 2020 08:50:46 +0000

Две лица го загубија животот, а едно е повредено во сообраќајна несреќа која се случила вчера во 09.40 часот на патот Куманово - Крива Паланка, на место викано „Чешмиче“, пред с.Страцин. Од МВР информираат дека сообраќајката се случила помеѓу „Фиат пунто“, со кумановски регистарски ознаки, управувано од Б.Ѓ.(55) од с.Железница и „Фиат пунто“, со кратовски регистарски ознаки, управувано од И.М.(26) од Битола. -Во незгодата од здобиените повреди починал Б.Ѓ., додека сопатникот од истото возило Ф.Ѓ.(23) од с.Железница и И.М. биле пренесени во Комплекс клиники „Мајка Тереза“ во Скопје за укажување на лекарска помош, каде Ф.Ѓ. починал, велат од полицијата. Неофицијално, починатите лица се татко и син. Извршен бил увид на местото на настанот од Јавен обвинител и увидна екипа од СВР Куманово.