клинички – Kurir.mk

ФОТО: Или Клинички ќе биде како оној во Хјустон или владата нешто мати за 550 милиони евра

Тале Кристо — Wed, 24 Feb 2021 09:31:35 +0000

Ова е медицинскиот центар во Хјустон, Тексас кој го гради приватна компанија. Истиот чини точно 550 милиони долари. Има 19 спратови за студентски простории, 19 спратови за академски простории и 30 спратови медицински простории. Ќе биде целосно опремен, и изграден на површина од над 22 илјади квадрати метри. Треба да се има во предвид дека Хјустон веќе има медицински центри, но нема ваков за кој приватната компанија ќе потроши вкупно 550 милиони долари, за град како Хјустон кој има над 7 милиони жители. Деновиве Владата има предложено предлог закон за нов Клинички центар за кој првичната сума е 500 милиони евра и тоа само за сува градба, без пресметани дополнителни давачки. Во 2018 година тогашниот министер за финансии Драган Тевдовски истакна дека парите за нов Клинички ќе бидат вратени без државата да плати пенали или дополнителни средства. Тој тогаш појасни дека договорот е склучен на 97 милиони евра, од кои 70 милиони се за Клиничкиот центар во Скопје и кои ќе бидат вратени во Банката на Советот на Европа. Остана нејасно зашто Владата ќе ги врати парите, а дополнително сега ќе се задолжи за (сеуште не се знае колку) и сеуште министерството за здравство не кажува каде ќе се задолжиме за истото. Министерството за здравство и Владата сега убедува дека за 550 милиони евра или скоро 670 милиони долари колку што би чинел новиот Клинички центар ќе изгледа како Медицинскиот центар во Хјустон кој чини дури и помалку од тоа што е предвидено за новиот Клинички центар. Притоа само сува градба, без предвидени академски простори, без наведени хируршки сали и медицински простории, за град колку Скопје што нема ни пола милион жители, ќе потрошиме или ќе се задолжиме, не знаеме каде, ни за колку точно пари . Точната сума не е предвидена во новиот закон затоа што министерот се уште не знае колку ќе чини истиот. Или новиот Клинички ќе изгледа како на фотографиите од Хјустон или владата нешто мати со износите и од ракав ги одредува.

Заев ги изигра вработените во Клинички, паркингот ќе се плаќа по 800 денари

Ивана Ефремовски — Fri, 28 Dec 2018 14:14:55 +0000

Уште еднаш се докажа колку држи зборот на премиерот Зоран Заев. По средбата на синдикатот на здравствените работници на Клинички центар со Заев, им беше ветено дека ќе го разгледа проблемот со наплаќањето на паркингот и ќе направи се за да не поскапи, при што и ќе се заложи да се им се обезбеди и во меѓувреме катна гаража за вработените. Но, денес на сите вработени во Клинички центар им беше доставено известување односно решение дека почнувајќи од 01.01.2019-та година, паркинг за вработените ќе изнесува 800 денари. По оваа вест можеби револтот на вработените на Клинички центар ќе прерасне уште повеќе. Затоа што ветувањата на Зоран Заев и Венко Филипче не беа вистинити, додека тие им ветуваа на вработените, им ги подготвуваа решенијата за поскапување на самиот паркинг.

Среде Клинички прегазена старица

Ристе Здравков — Wed, 17 Oct 2018 10:09:20 +0000

Вчера во 11,30 часот во Секторот за внатрешни работи Скопје било пријавено дека на сервисната улица во кругот на Комплекс клиники “Мајка Тереза“ патничко моторно возило “Пежо-206“ со скопски регистерски таблици управувано од Х.Н.(29) од Скопје удрило во пешак А.Г.П.(69) од Скопје. Во незгодата со тешки телесни повреди се здобила А.Г.П., која со истото возило била пренесена во Ургентниот центар при Комплексот клиники. Извршен бил увид на местото на настанот од страна на СВР-Скопје и се работи на целосно расчистување на случајот.

Мотоциклист заврши на Клинички откако излетал во провалија, пожарникари во извлекувале

Матеја Петровски — Wed, 05 Sep 2018 08:36:59 +0000

Во текот на вчерашниот ден околу 16:45 часот на автопат Скопје-Велес, мотоцикл „Кавасаки“ со прилепски регистарски ознаки, управуван од М.А.(43) од Прилеп, удрил во рабник и банкина и излетал од коловоз на непристапен терен, инфомираат од полицијата. Со асистенција на Противпожарната бригада-Скопје, М.А. бил извлечен и со возило на Итна медицинска помош бил пренесен во Ургентен центар при комплексот клиники „Мајка Тереза“-Скопје, каде му биле констатирани тешки телесни повреди. Од полицијата велат дека увид на местото на настанот извршила екипа од СВР Скопје.

Двегодишно дете со тешки повреди заврши на Клинички откако било прегазено од комбе

Матеја Петровски — Sat, 18 Aug 2018 08:33:31 +0000

Во текот на вчерашниот ден околу 17:40 часот во Куманово, на улица „Средорек", Д.С.(26) од Италија управувајќи товарно моторно возило, комби "Волсваген" удрил во две годишно дете од Куманово, информираат од МВР. На детето му е укажана лекарска помош во болница Куманово каде му биле констатирани тешки телесни повреди по што е препратена на лекување во Комплекс клиники "Мајка Тереза" во Скопје. Извршен е увид на местото на настанот.

Драма во Аеродром: 10.000 евра украдени во вооружен грабеж на улица, случаен минувач со прострелна рана заврши на Клинички

Матеја Петровски — Fri, 01 Jun 2018 09:08:49 +0000

Во текот на вчерашниот ден околу 16:30 часот во Скопје на улица „Руди Чајавец“ од страна на две непознати лица со моторцикл непозната марка, од кои едниот вооружен со пиштол било извршено разбојништво врз М.С.(49) од Крива Паланка, кој во тој момент излегувал од зградата, при што му одзеле 10.000 евра кои ги носел со себе. При напуштање на местото на настанот едно од лицата испукал еден куршум и повредил случаен минувач, П.О.Д.(53) од Скопје. Повредената со возило на Итна медицинска помош била пренесена во Комплекс клиники "Мајка Тереза" каде и била констатирана прострелна рана во пределот на десната надколеница. Извршен е увид на местото на настанот. Се преземаат мерки за пронаоѓање на сторителите.

Тешка сообраќајка во Скопје, едно лице заврши на Клинички

Матеја Петровски — Fri, 11 May 2018 08:51:29 +0000

Вчера околу 17:15 часот во Скопје на улица „Маџари“ се случила сообраќајна незгода помеѓу моторцикл „Трува“ со скопски регистарски ознаки управуван од К.Н. (21) во Скопје и патничко моторно возило „Фиат Пунто“ исто така со скопски регистарски ознаки управувано од Л.Б. (55) од Скопје. Од незгодата со тешки телесни повреди се задобил К.Н. кој со возило на Итна медицинска помош бил пренесен во Комплекс клиники "Мајка Тереза" каде е задржан на понатамошно лекување. Извршен е увид на местото на настанот.

Тешка сообаќајка во скопско: Едно лице со тешки повреди пренесено на Клинички

Матеја Петровски — Mon, 09 Apr 2018 11:00:40 +0000

Во текот на вчерашниот ден во 12:40 часот на регионалниот пат Скопје-ХЕЦ Козјак, атар на село Нова Брезница, мотоцикл “Кавасаки-550“ со скопски регистерски таблици управуван од Ф.Ш.(25) од Скопје изгубил контрола и удрил во сообраќаен знак. Ф.Ш. со возило на Итна медицинска помош бил пренесен во комплексот клиники Мајка Тереза, каде од страна на лекар му биле констатирани тешки телесни повреди и бил задржан на понатамошно лекување. Од страна на увидна екипа од Секторот за внатрешни работи Скопје на местото на настанот бил извршен увид и се работи на целосно расчистување на случајот.