клиничко испитување – Kurir.mk

„Џонсон и Џонсон“ го прекина клиничкото испитување на потенцијална вакцина против Ковид-19 поради несакани ефекти врз пациент

Ивона Петрова — Tue, 13 Oct 2020 06:17:41 +0000

Американската компанија Џонсон и Џонсон привремено го прекина клиничкото испитување на потенцијална вакцина против новиот коронавирус поради необјаснета болест на учесник во студијата, објави компанијата. Болеста на учесник на тестот, ја испитува независен одбор за набудување на податоците и безбедноста. Во соопштението се посочува дека таквите паузи се вообичаени за време на големите истражувања во кои може да учествуваат десетици илјади луѓе. Тоа е второ одложување на тестирањето на вакцините спроведено од неколку производители ширум светот, откако АстраЗенека ја паузираше доцната фаза на тестирање на својата експериментална вакцина, што се развива на Универзитетот во Оксфорд, исто така, поради болест на учесник во студијата. Тестовите за вакцината во Велика Британија, Бразил, Јужна Африка и Индија продолжија, но се уште се во пауза во САД. Џонсон и Џонсон минатиот месец објавија дека нејзината експериментална вакцина против Ковид-19 произведува силен имунолошки одговор во раните и средните фази на испитувањето, по што започна последната фаза со 60.000 учесници, а резултатите се очекуваа подоцна оваа година или почетокот на следната.

Универзитетот во Кембриџ на есен почнува со клинички испитувања на вакцина против Ковид-19

Тале Кристо — Wed, 26 Aug 2020 08:17:57 +0000

Универзитетот во Кембриџ планира на есен да ги започне клиничките испитувања за својата потенцијална вакцина против Ковид-19, откако за тој проект доби 1,9 милиони фунти од британска Влада. За време на развојот на вакцината, научниците од Кембриџ ги користеле генетските секвенци на сите познати типови коронавирус за подобрување на имунолошкиот одговор во човечкото тело, за што, според нив, може да се избегне негативниот ефект на хиперинфламаторниот имунолошки одговор. „Нашата крајна цел е да развиеме вакцина која ќе штити не само од САРС-КоВ-2, туку и од други сродни коронавируси кои можат да се шират кај луѓето од животни“, рече еден од научниците вклучен во развојот на потенцијалната вакцина.

Аргентина почна испитување на хиперимун коњски серум

Ивона Петрова — Thu, 30 Jul 2020 05:44:51 +0000

Во Аргентина почнаа клиничко испитување на лекување на Ковид-19 со хиперимун серум развиен од антитела од коњ. Серумот што го произведува биотехнолошката компанија „Имунова“, се добива со вбризгување на протеин на САРС-Ков-2, што предзвикува коњот да создава големо количетво на неутрализирачки антитела. Потоа плазмата се екстрахира од коњот, се прочистува и обработува. По позитивните резултати од лабараториските тестови, во клиничките испитувања на ефикасноса на серумот учествуваа 242 лица, кај кои беше дијагностициран новиот коронавирус од умерен до тежок облик. Првите резултати се очекуваат во октомври, најдоцна во ноември. Во Аргентина регистрирани се речиси 175.000 инфицирани лица со Ковид-19, од кои починале околу 3.200 луѓе.

Русија: Клиничкото испитување на вакцина за Ковид-19 ќе трае околу 90 дена

Ивона Петрова — Wed, 17 Jun 2020 09:29:14 +0000

Клиничките испитувања на руската вакцина против коронавирус, развиена од Националниот истражувачки центар за епидемиологија и микробиологија Гамалеј, ќе траат околу еден месец и половина, објави новинската агенција ТАСС. Очекуваното времетраење на клиничкото испитување на вакцината е околу еден месец и половина, а волонтерите ќе останат во болница 28 дена, потврди директорот на Националниот истражувачки центар за епидемиологија и микробиологија Гамалеј. Волонтери ќе ја примат вакцината поделена на две дневни дози во период од 21 ден. На 2 јуни, Министерството за одбрана на Русија објави дека две групи на волонтери биле избрани за да учествуваат во клиничките испитувања на вакцината. Првата група ја сочинуваат 50 војници, вклучително и пет жени, на возраст меѓу 25 и 50 години, кои доаѓаат од различни единици од цела Русија. Другата група волонтери вклучува десет медицински работници, вклучувајќи тројца лекари.

Германија започна тестирање на вакцина за коронавирус над доброволци

Ивона Петрова — Thu, 30 Apr 2020 07:32:38 +0000

Германската фармацевтска компанија BioNTech објави дека започнала тестирање над доброволци за потенцијална вакцина против Ковид-19. -Дванаесет учесници на студијата примија доза на потенцијалната вакцина BNT162 во Германија од кога почна тестирањето на 23 април, се наведува во соопштението на компанијата. Бројни фармацевтски компании работат на пронаоѓање ванцина против заболувањето кое го предизвикува новиот коронавирус, а кој предизвика глобална пандемија со над 215.000 смртни случаи ширум светот. Станува збор за прво клиничко испитување за потенцијална вакцина против Ковид-19 во Германија. Во првиот дел на клиничкото испитување речиси 200 здрави доброволци на возраст меѓу 18 и 55 години ќе бидат вакцинирани за да се процени сигурноста и имуногеноста на вакцините и да се одреди оптималната доза за понатамошно испитување. Германското регулаторно тело го одобри почетокот на клиничкото испитување минатата недела.

САД почнува клиничко испитување на вакцина против новиот коронавирус

Ивона Петрова — Mon, 16 Mar 2020 07:12:06 +0000

Клиничкото испитување за оцена на вакцината намената за заштита од новиот коронавирус почнува денеска, кога треба да се вакцинира првиот пациент, соопшти неименуван претставник на американската Влада. Експериментот ќе биде спроведен во Институтот за истражување на здравјето во Сиетл, а ќе го спроведе Националниот институт за здравје. Според експертите, за да се потврдат ефектите од вакцината потребни се од 12 до 18 месеци.