клиника за детски болести – Kurir.mk

ВМРО-ДПМНЕ: Надвор од функција единствениот ургентен центар за деца на Клиниката за детски болести

Ивона Петрова — Tue, 03 Jan 2023 12:00:53 +0000

Единствениот ургентен центар за деца на Клиниката за детски болести повеќе не е во фунција, а тука се третираа најтешките педијатриски случаи од целата држава, велат од ВМРО-ДПМНЕ. Од партијата посочуваат дека тука се хоспитализираа најмлади пациенти за кои е потребна изолација и хоспитализација - деца со тешки инфекции, ургентни состојби во педијатријата, меѓу кои и стрептококен токсичен шок синдром, високо вирулентен сој на стрептокок кој во повеќе земји е со доста летални исходи. За оваа алармантна состојба, здравствени работници реагираат до Комисијата за здравство на ВМРО-ДПМНЕ. -Апелираме до здравствените власти за итно преиспитување на одлуката со која е укинат единствениот Детски ургентен центар, отворен токму за оваа фунција со најсовремена опрема, со помош на Турската меѓународна агенција за соработка и развој-ТИКА, а донацијата беше исклучиво за оваа намена - Ургентен детски центар единствен во државата во јавното здравство и ова повеќе не фунционира. Огромен проблем на Детската клиника е и континуираниот одлив на кадар, со акцент на медицински сестри со што се доведува во прашање фунционирањето на оваа здравствена установа каде се третираат најтешките случаи од целата држава, велат од Комисијата за здравство на ВМРО-ДПМНЕ.

Стефковски во хуманитарна посета на Детска клиника, предаде донација

Ивана Ефремовски — Fri, 11 Feb 2022 11:48:16 +0000

Градоначалникот на општина Гази Баба, Бобан Стефковски, утрово направи хуманитарна посета на Клиниката за Детски болести на која оствари средсба со директорката Аспазија Софијанова. На средбата градоначалникот Стефковски ја предаде донацијата која се состои во перници и постелини за одделенијата на клиниката. Донацијата е од собраните средства од реализацијата на манифестацијата „Пивтијада 2022 година“, која се оддржа во општина Гази Баба. За посетата градоначалникот Стефковски информираше на својата официјална Фејсбук страна на која напиша: "ДОНАЦИЈА ЗА КЛИНИКАТА ЗА ДЕТСКИ БОЛЕСТИ! Утрово бев во хуманитарна посета на Клиниката за детски болести во Скопје каде на директорката Аспазија Софијанова и ја предадов донацијата која се состои во перници и постелини за потребите на одделите на клиниката. Донацијата е од собраните средства од оддржаната манифестација Пивтијада 2022 година. Хуманоста е одлика за општина Гази Баба, тоа ќе продолжи така и во иднина." - напиша Стефковски.

Им кажа збогум на хемотерапиите: Ѓурѓица силно удри на ѕвончето, за сите да ја слушнат нејзината победа (ФОТО)

Магдалена Андонова — Thu, 18 Nov 2021 16:56:37 +0000

Малата Ѓурѓица со силно ѕвонење на ѕвончето во Детската клиника во Скопје, ја прослави својата победа и крајот на болеста. Таа пред неколку месеци посака за роденден да добие перика, а сега веќе си оди дома. Среќната вест ја споделија од здружението САНО кои напишаа:

Клиниката за детски болести ќе го одбележи Светскиот ден на детето

Ивона Петрова — Tue, 01 Jun 2021 05:26:29 +0000

Универзитетската клиника за детски болести – Скопје денеска ќе го одбележи Светскиот ден на детето. На настанот, како што најавија од Клиниката, ќе присуствуваат министерот за здравство Венко Филипче, словачкиот амбасадор во земјава Хенрик Маркуш и претставници од компанијата „Алкалоид“.

Mozzart донираше автомобил во Клиника за детски болести во Скопје

Super Admin — Mon, 22 Mar 2021 12:55:23 +0000

Продолжуваат хуманитарните кампањи на компанија Mozzart, која овој пат донираше нов автомобил во Универзитетската клиника за детски болести во Скопје. Автомобилот ќе биде наменет за вработените кои вршат конзилијарни прегледи и дополнителни консултации во други здравствени установи, како и за останатите потреби на Клиниката, меѓу кои превозот на деца во други установи кога за тоа има потреба. Од ЈЗУ Универзитетската Клиника за детски болести се заблагодарија на донацијата која им е од огромно значење, особено во овие услови на пандемија од Ковид-19.

„Компанија Mozzart уште еднаш покажа дека е пријател на Универзитетската клиника за детски болести во Скопје. Навистина се израдувавме кога добивме информација дека ќе пристигне донација автомобил, со кој што ќе можеме ние вработените пред сè, да вршиме конзилијарни прегледи и возилото ќе ни биде од огромна помош. Како што знаете, во оваа пандемија, децата заболени од коронавирусот одат во Институтот за белодробни заболувања, а ќе треба и наша дополнителна консултација, каде што е потребно одредени деца да се одвезат до други установи, па тоа ќе биде направено со ова возило. Голема благодарност до компанија Mozzart, која повторно прави донација во нашата клиника, а досега за време на пандемијата донираа прочистувачи на воздух и лаптопи наменети за децата од хемато-онколошкото одделение.“ – изјави директорката на Клиниката, Д-р Аспазија Софијанова.

https://www.youtube.com/watch?v=zXGeUYE3kKU Од Mozzart велат дека во овие тешки моменти во услови на глобална криза предизвикана од пандемијата на коронавирусот, помошта и хуманите активности се значајни повеќе од било кога, особено во здравствениот систем.

„Нашата компанија преку различни и бројни акции континуирано го поддржува здравствениот систем, а се надеваме дека со оваа донација ќе помогнеме во непречено функционирање на дел од теренската работа на клиниката. Ова не е прв пат да ја посетиме ЈЗУ Универзитетската Клиника за детски болести. Досега таму дониравме медицинска опрема во вкупна вредност од 1.100.000 денари, а за време на пандемијата од коронавирусот дониравме прочистувачи на воздух во рамки на кампањата „Хуманитарен тикет за викенд“, понатаму дониравме лаптопи наменети за потребите на хемато-онколошкото одделение. Уште од почетокот на пандемијата, компанија Mozzart постојано реализира општествено одговорни активности во сите сфери и области, со цел полесно надминување на кризата и справување со предизвиците кои таа ни ги носи. Подготвуваме и нови хуманитарни акции кои ќе се реализираат во наредниот период.“ – изјавија од менаџментот на компанија Mozzart.

Компанијата Mozzart е препознатлива по општествено одговорните акции, кои особено се истакнуваат од појавата на Covid-19, a со тоа и појавата на зголемени потреби за помош во услови на глобална криза. Тие во борба против пандемијата на коронавирусот донираа финансиски средства, болнички кревети за интензивна нега, пакети со храна, телевизори, компјутери, инвентар, витамински пакети за освежување, како и други материјални добра наменети за различни установи со кои обезбедуваат помош на најзагрозените категории на граѓани во сите области од оштеството.

Клиниката за детски болести се огласи откако Филипче најави дека се тестира цело онколошко одделение

Ивона Петрова — Sat, 18 Apr 2020 11:26:15 +0000

Универзитетската Клиника за детски болести –Скопје информира за состојбата откако на вчерашната прес-конференција министерот за здравство Венко Филипче информираше дека по појава на случај на Клиниката ќе биде тестирано цело одделение -По најавата дека се прават тестирање на коронавирус на сите деца кои се хоспитализирани на хемато-онколошкото одделение, како и на нивните родители кои престојуваат со нив за време на лекувањето, Универзитетската Клиника за детски болести –Скопје информира дека овие рутински тестирања кои се според протоколите за работа поради новонастаната состојба се завршени и резултатите на децата и родителите се негативни на Ковид-19, информираат од Клиниката. Следно, превентивно ќе се направат и тестови на сите вработени од хемато-онколошкото оддение каде нема заболени или суспектени на вирусот, а по добивањето на резултатите од истите, Универзитетската Клиника за детски болести –Скопје дополнително ќе информира.

Децата со температура од денеска да се носат во болницата „Козле“

Ивона Петрова — Mon, 16 Mar 2020 06:33:22 +0000

Почнувајќи од денеска сите родители и матични лекари кои ќе имаат итна потреба децата со температура да ги донесат во болница, тоа да го сторат во Институтот за белодробни заболувања „Козле“, наместо во Клиниката за детски болести. Исто така, ако има деца кои живеат во регионот кој сега е ставен под режим за движење (дебарско), за преглед да се упатуваат кон Институтот, со претходна најава. Ова е одлука на Комисијата за заразни болести и министерот за здравство Венко Филипче, со цел да се заштитат децата кои се хоспитализирани на Клиниката за детски болести. Институтот Козле има капацитет да ги згрижи децата со температура, суспектни на коронавирус и децата кои доаѓаат дебарскиот регион. Хоспитализираните пациенти кои сега се во Козле во текот на вчерашниот и денешниот се префрлуваат на лекување на Клиниката за детски болести.

По примерот на целиот свет: Супер херои во новогодишна посета на децата од клиниката за детски болести (ФОТО)

Дарко Андоновски — Sat, 14 Dec 2019 12:37:56 +0000

Вчера тимот од Црвен крст на град Скопје, преправени во Суперхероите претпразнично ги посетија хоспитализираните деца на Клиниката за детски болести на сите оддели. Членовите на тимот беа маскирани во костими од омилените херои од цртаните филмови, тие измамија бесценети насмевки кај децата. Тимот ја изведе вежбата спуштање по јаже. Децата и останатите присутни на клиниката имаа прилика да се дружат и фотографираат со маскираните главни јунаци Спајдермен, Супермен и Бетмен. „По втор пат се организира вежба со супер хероите, лани исто ова време и сега, целта е да им се олесни и разубави престојот на децата во клиника.“ – вели Кристина Георгиевска од организацијата Црвен крст – Скопје.

Детска клиника: Заклучените деца во автомобил примени во свесна состојба, но исплашени

Ивона Петрова — Thu, 29 Aug 2019 09:38:00 +0000

Универзитетска Клиника за детски болести денес соопшти дека двете деца кои вчера беа пронајдени заклучени во автомобил во Ново Лисиче, биле донесени во свесна состојба. Децата, 7 годишно девојче и момче на возраст од четири години, биле донесени во 23 часот со возило на брза помош и во придружба на полиција. -Во моментот на прием, на преглед оддавале впечаток на запуштени деца (валкани во нечисти алишта) во свесна состојба, исплашени, лесно дехидрирани, свесни со уредни витални параметри. Децата се хоспитализирани на одделот пулмологија Б за обсервација, направени рутински лабораториски анализи со уреден наод и спроведена перорална рехидрација. Во тек на престојот во стабилна состојба. Истите се испишуваат во добра здравствена состојба, информираат од детска клинија.

Директорката на Клиника за детски болести си поднесе оставка

Ивана Ефремовски — Mon, 20 May 2019 12:53:42 +0000

Директорката на Клиниката за детски болести, професор д-р Катерина Ставриќ си поднесе оставка од функцијата. Информацијата за ТВ 24 ја потврди и министерот за здравство, Венко Филипче. Оставката Ставриќ ја поднела уште пред изборите, поради лични причини. На прашањето кој ќе ја наследи директорката - министерот вели дека Клиниката располага со доста стручен кадар и доколку Ставриќ остане на одлуката да се повлече од функцијата, допрва ќе се одлучува кој ќе ја наследи.