Клиника за инфективни болести – Kurir.mk

40 ЛУЃЕ ПОД ЗДРАВСТВЕН НАДЗОР – по двата случаи на конго-кримската хеморагична треска

Дарко Андоновски — Tue, 08 Aug 2023 11:08:52 +0000

Откако минатиот викенд, од конго-кримска хеморагична треска по каснување од заразен крлеж, почина млада жена од штипско, беа издадени решенија за изолација за 29 контакти, а една од хигиеничарките во Клиниката за инфективни болести пројави симптоми, Издадени се решенија за излоација за уште 11 контакти. – Што подразбира здравствениот надзор: контактите на пациентката ќе треба да се јавуваат и да бидат во постојан контакт со дежурниот епидемиолог од Центарот за јавно здравје. Да бидат во не класична изолација, но не треба да бидат во контакт со домашните, за да не се прошири оваа зараза и јас се надевам дека ова ќе биде и последниот случај. Што се однесува до претходните 29 контакти, од нив една, еве, се потврди како случај. Вкупно имаме издадено решенија за здравствен надзор на 40 луѓе. Од овие 11, десет луѓе се од потесното семејство на пациентката и еден контакт е колешка од Клиниката за инфективни болести – рече на денешната прес-конференција Рената Младеновска, директорка на Државниот здравствен и санитарен инспекторат. Таа додаде дека и и за Клиниката за инфективни болести било издадено решение за спроведување на протоколите при вакви случаи, а од таму ги известиле дека клиниката постапила по нивното решение и отстранети се недоследностите.

ТРАГЕДИЈА ВО МАКЕДОНИЈА: Почина 15 годишно девојче од коронавирус кое по 13 дена било хоспитализирано, претходно починала и нејзината мајка

Магдалена Андонова — Wed, 01 Sep 2021 10:50:22 +0000

Министерството за здравство со голема жалост информира, дека на Клиниката за инфективни болести и фебрилни состојби почина 15 годишна пациентка од село Селце тетовско. - Пациентката со многу тешка клиничка слика била донесена на Инфективна клиника, откако 13 дена претходно била со симптоми на болеста. Пред да биде болнички лекувана, пациентката имала тегоби 10 дена. Според медицинскиот извештај, станува збор за исклучително тежок случај, со развиена тешка форма на болеста, пациентка е со обезитас. Епидемиолошката анкета е позитивна односно, според кажувањата на таткото на пациентката нејзината мајка е почината со Ковид 19, велат од Министерството за здравство.

Во Скопје се лекуваат вкупно 237 пациенти заразени со коронавирусот

Дарко Андоновски — Sun, 14 Feb 2021 11:15:32 +0000

Во изминатите 24 часа во ковид центрите во Скопје се хоспитализрани 12 нови пациенти поради компликации од корона вирусот. Вкупно 237 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на интерните клиники немало приеми. Во ковид центарот во ГОБ 8 Септември имало 7 нови приеми на пациенти и 5 на Инфективната клиника во текот на вчерашниот ден. Во изминатите 24 часа дома се пуштени 6 оздравени пациенти. Во моментов на Кожната клиника во ковид центарот се лекуваат 23 пациенти, на Клиниката за неврологија 26 болни, а на Институтот за ТБЦ се примени вкупно 9 пациенти со симтоми на корона вирусот. Во ГОБ 8 Септември има вкупно 7 болни, а на Клиниката за инфективни болести лежат 82 пациенти, додека во Иститутот за белодробни заболувања кај деца Козле има 18 пациенти. На ГАК се хоспитализирани две пациентки. Вкупно 237 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 100 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Во Скопје вкупно се хоспитализирани 240 пациенти заразени на коронавирусот

Дарко Андоновски — Wed, 03 Feb 2021 12:52:20 +0000

Во изминатите 24 часа во ковид центрите во Скопје се хоспитализрани 16 нови пациенти поради компликации од корона вирусот. Вкупно 240 лица сомнителни и потврдени за КОВИД -19 се лекуваат на инфективните оддели во главниот град. Во последното деноноќие, на интерните клиники имало 2 приеми. Во ковид центарот во ГОБ 8 Септември имало 5 нови приеми на пациенти, а на Инфективната клиника 9 во текот на вчерашниот ден. Во изминатите 24 часа дома се пуштени 25 оздравени пациенти. Во моментов на Кожната клиника во ковид центарот се лекуваат 20 пациенти, на Клиниката за неврологија 23 болни, а на Институтот за ТБЦ се примени вкупно 20 пациенти со симтоми на корона вирусот. Во ГОБ 8 Септември има вкупно 76 болни, а на Клиниката за инфективни болести лежат 82 пациенти, додека во Иститутот за белодробни заболувања кај деца Козле има 19 пациенти. Вкупно 240 пациенти потврдени и сомнителни за КОВИД- 19 се лекуваат на инфективните оддели во болниците во главниот град. Голем дел од пациентите се на кислородна поддршка. Бројот на приеми во изминативе денови е стабилен и утрово до 8 часот имало 94 слободни места, а се очекува во тек на денот по направените исписи на оздравените пациенти да се ослободат и дополнителни места. Сите инфективни одделенија имаат довод на кислород и можат да згрижат пациенти кои имат потреба од кислородна поддршка.

Директорката на Инфективна меѓу заболените доктори од клиниката

Ивона Петрова — Tue, 02 Feb 2021 06:03:45 +0000

Директорката на Клиниката за Инфективни болести, Милена Стефановиќ е позитивна на коронавирус. Таа е една од тројцата лекари и медицинска сестра за кои медиумите известија дека добиле позитивен тест на Ковид-19. Стефановиќ е на домашно лекување, а се очекува наскоро да се врати на работа по помината 14 дневна изолација. Пред десетина дека на Клиниката за нефрологија беа заразени близу 30 вработени истовремено.

На инфективните одделенија во земјава се лекуваат 1275 пациенти

Дарко Андоновски — Thu, 17 Dec 2020 13:48:03 +0000

Во изминатите 24 часа во ковид центрите во болниците низ земјава е пријавено дека се лекуваат вкупно 780 пациенти позитивни и суспектни на корона вирусот. По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 75 пациенти позитивни и суспектни на КОВИД-19. Во болницата во Штип се хоспитализирани 51 пациенти. На инфективното одделение во Тетово има 43 пациенти, во Велес се лекуваат 49 болни, а во Куманово 93 пациенти позитивни и суспектни на КОВИД 19. Во ковид центарот во Охрид има хоспитализирано 100 пациенти, во Прилеп 91 во ковид центарот во Гостивар 58, а во Струга 39 болни. Во болницата во Струмица хоспитализирани се 77 пациенти, во Кочани 13 во Кичево 11, Кавадарци 54, во Гевгелија 16 лица, а во Дебар 10 позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти. Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 1275 и има околу 230 празни болнички кревети во ковид центрите. Во тек на денот се прават и исписи на оздравени пациенти со што ќе се ослободат дополнителни легла. Инаку, сите одделенија на клиничките болници располагаат со болнички места до кои има довод на кислород. Министерството за здравство е во постојан контакт со сите болници и доколку има потреба, капацитетите на ковид одделенијата ќе бидат дополнително проширени.

ЦРН ДЕН ВО МАКЕДОНИЈА: Почина 26 годишно момче од коронавирус, неговиот брат се лекува во болница, а татко му дома!

Дарко Андоновски — Tue, 03 Nov 2020 13:15:12 +0000

Почина дваесет и шестгодишен кавадарчанец на Клиниката за инфективни болести. -Дваесет и шест годишниот пациент од Кавадарци бил хоспитализиран на Клиниката на инфективни болести и фебрилни состојби од 25 октомври. Тој имал апластична анемија и бил со тешка клиничка слика на неинвазивна вентилација со прогресивно влошување на здравствената состојба, стои во писмениот одговор до МИА од Одделение за односи со јавноста при Министерство за здравство. Според неофицијални извори блиски до момчето, тој бил позитивен на коронавирус. Истиот извор тврди дека на клиника се лекувал и неговиот брат. Таткото на двајцата браќа се лекувал во домашни услови.

Џафери ја напушта Инфективна, можно е да ја води конститутивната седница

Ивона Петрова — Mon, 03 Aug 2020 09:33:35 +0000

Претседателот на Собранието во заминување Талат Џафери, кој беше хоспитализиран денеска заминува од Клиниката за инфективни болести, и можно е утре тој да претседава со конститутивната седница на Собранието. -Се чувствувам добро и мислам дека веќе е извесно дека јас ќе претседавам со конститутивната седница утре, изјави Џафери. Собраниските служби,пак, се подготвуваат согласно мерките за заштита од коронавирусот за одржување на конститутивната седница во големата сала со купола каде што ќе биде обезбедено соодветно растојание меѓу пратениците, собраниските службеници и други лица кои треба да се присутни. Гласовите на оваа седница ќе се бројат рачно, а веројатно и на тие потоа, имајќи предвид дека во неа нема инсталирано систем за гласање. На денот на одржување на Конститутивната седница ќе се мери температура на секој што ќе дојде во собраниската зграда, пратениците и другите поканети гости ќе бидат прифаќани од протоколот и спроведувани точно до местото каде што ќе треба да седат. Кризата со коронавирусот предизвика промени и во работата на новинарите и медиумите. Како што се најавува, имајќи ја предвид актуелната состојба со коронавирусот, најверојатно бројот на медиумските работници во Собранието ќе биде ограничен, а нивните активности ќе се следат во живо преку Собраниските канал и со стримови во живо. Конститутивната седница ќе се следи преку Собранискиот канал, а прес-конференции ќе бидат организирани во Кристалната сала каде што би имало доволено простор за одржување дистанца.

Филип Морис донира медицинска опрема во вредност од 110.000 евра за Клиниката за инфективни болести во Скопје

Тале Кристо — Tue, 14 Apr 2020 10:17:50 +0000

Општествено одговорните компании постојано се обидуваат да дадат некаков придонес за моменталната ситуација во Македонија, а таква е и Филип Морис, која донираше опрема за Клиниката за инфективни болести, во вредност од 110.000 евра. Во време на пандемија, кризата се чувствува секаде, но одговорните компании се подготвени да покажат солидарност кон заедницата. Филип Морис, како глобална компанија, има развиено силно чувство на солидарност и целосно ги поддржуваат и ги признаваат огромните напори на Владата, но осoбено на медицинскиот персонал во Македонија во нивната борба против пандемијата предизвикана од Ковид-19. -За таа цел, како што секогаш оваа компанија поддржувала вредни проекти значајни за општествениот развој, така и овој пат Филип Морис ТКП преку донација обезбеди вредна медицинска опрема (ЕКГ апарати, механички вентилатор, дефибрилатори, инфузиомати, монитори за инвазивно мерење притисок на пациенти, хируршки аспиратори, итн.) во вкупна вредност од 110 илјади евра, се наведува во соопштението од компанијата. Оваа опрема, како што стои во соопштението, ќе биде дистрибуирана оваа недела и е наменета за користење од страна на медицинскиот персонал при Универзитетската клиника за инфективни болести и фебрилни состојби во Скопје.

Нема тетанус вакцини и серум на Клиниката за инфективни болести

Катерина Бојаџиева — Thu, 04 Apr 2019 08:21:15 +0000

Марина од Скопје деновиве наместо да се грижи за повредениот син била во потрага низ аптеките во градот за да најде тетанус вакцина или серум. Нејзиното дете се исекло на раката од оградата во училиштето. На Клиниката за Инфективни болести речиси една недела ја немаат оваа терапија која е неопходна за пациенти каснати од куче или со исекотини на телото. Иако синот на Марина е редовно вакциниран согласно календарот за имунизација, матичниот лекар им кажал дека треба вакцина поради сериозноста на повредата, дознава Сител. -Се повреди вчера на оградата во училиштето. Го однесовме во болница таму ја сошија раната, а матичната не упати на Инфективна за тетанус вакцина. Немаше, ја барав сегде и од Инфективна прво велат нема потреба, ама матичната кажа мора и јас не сакам да ризикувам со здравјето на моето дете, вели Наумоска Марина, за Сител. Од Инфективна потврдија дека немаат тетанус вакцина и серум. Ги потрошиле количините бидејќи имаат зголемен број на пациенти кои имаат потреба од ваква терапија, а кај нив доаѓале и од другите градови. Нејасно е што прават пациентите ако не најдат лек во аптека. Инфектолозите велат дека во зависност од повредата, пациентот може да добие и вакцина и серум. Речиси секој ден во полицискиот билтен има по најмалку еден случај на каснат од куче.