клиника за стоматологија – Kurir.mk

Се обидел да изврши кражба во Клиниката за стоматологија, па зажалил за тоа – веднаш „паднал“

Дарко Андоновски — Wed, 16 Feb 2022 15:10:45 +0000

На 15.02.2022 околу 16.00 часот, полициски службеници од Полициската станица Центар го лишиле од слобода А.С.(26) од Скопје.

Тој бил затекнат при извршување кражба во една просторија на Клиниката за стоматологија во Комплексот клиники „Мајка Тереза“. А.С. бил приведен во полициска станица и против него ќе биде поднесена соодветна пријава.

Приведен скопјанец, фатен додека крадел на Клиниката за стоматологија

Ивона Петрова — Wed, 16 Feb 2022 10:14:29 +0000

На 15.02.2022 околу 16.00 часот, полициски службеници од Полициската станица Центар го лишиле од слобода А.С.(26) од Скопје. -Тој бил затекнат при извршување кражба во една просторија на Клиниката за стоматологија во Комплексот клиники „Мајка Тереза“, информира МВР. А.С. бил приведен во полициска станица и против него ќе биде поднесена соодветна пријава.

Вработените на Стоматологија без здравствено во период на грип?!

Предраг Кукиќ — Wed, 06 Mar 2019 10:34:52 +0000

Во Клиниката за Стоматологија има околу 500 вработени, кои како што дознаваме веќе 7-ми ден тие немаат здравствено осигурување. Вработените најмногу се грижат што немаат здравствено осигурување во сезона на грип. Спречени се да користат здравствени услуги, рецепти и упати, а подложени се постојано на инфективен материјал. Наводно, проблемот бил поради грешка во системот на УЈП и не можат да ја воочат грешката од таму.

Нема нови случаи на заразени од МРСА

Предраг Кукиќ — Thu, 31 Jan 2019 11:58:57 +0000

Клиниката за стоматологија информира дека нема нови случаи на заразени од МРСА, откако кај вработен на Клиниката беше откриена оваа бактерија. -Во врска со настаните околу веста за откриена бактерија МРСА кај еден од вработените во ЈЗУ Универзитетски стоматолошки клинички центар Свети Пантелејмон – Скопје, информираме дека работниот процес се одвива непречено во континуитет. Покрај генералното чистење и дезинфицирање од страна на нашите вработени, во текот на денешниот ден во периодот после 14.30 часот превентивно ќе биде извршена дезинфекција на целата клиника, велат од Клиниката. Од таму додаваат дека се чекаат резулатати од санитарниот преглед направен на вработените и дека нема нови пријавени случаи. –Во интерес на пациентите, апелираме до јавноста дека нема потреба од било каков сомнеж за сигурно и квалитетно давање на стоматолошки здравствени услуги, велат од Клиниката.

Клиниката за стоматологија денес работи до 14 часот, потоа дезинфекција поради МРСА

Предраг Кукиќ — Thu, 31 Jan 2019 10:29:51 +0000

Клиниката за стоматологија денеска ќе работи само прва смена или до 14 часот. Вработените, вели нашиот извор, се известени да дојдат само прва смена. Причината е да се направи дезинфенкција поради констатирањето дека вработен на Клиниката, протетичар е заболен со бактеријата МРСА. Вчера и денес се прават вонредни испитувања на вработените дали се носители на бактеријата. Но, кај упатените постои сомнеж дали дезинфекцијата и проверката кај вработените се прави по специфични протоклоли кои станува збор за вакви случаи кога постои сомнеж за постоење на бактерии кои се многу отпорни. -Кога станува збор конкретно за оваа бактерија на вработените треба им се земе брис и тоа три пати во одреден период. Тоа е начинот да се детектира дали се носители на бактеријата. Во спротивно со еден брис не се добива соодветен резултат. Од друга страна, дезинфекцијата на просториите во Клиниката исто така е специфична. Меѓудругото, се користат и посебни ламби, наведува нашиот извор. Истиот објаснува дека сомнежот се јавува поради пишаната изјавата на надлежните на Клиниката за стоматологија дека „превентивно, направена е комплетна дезинфекција на просториите на катот каде вработениот работел, а во тек е дезинфекција и на сите простории“. По обелодувањето на информацијата министерството за здравство информираше дека нема опасност од зараза со бактеријата МРСА. – Во установата се преземени сите мерки за дезинфекција и изолирање на бактеријата. Вработениот кај кој е потврдено присуство на бактеријата е изолиран и не доаѓа на работа. Превентивно, извршена е комплетна дезинфекција на просториите на катот каде вработениот работел, а во тек е дезинфекција и на сите простории, информираа од министерството. Од министерството за здравство нагласуваат дека нема опасност од зараза и Стоматолошкиот клинички центар непречено и континуирано обезбедува здравствени услуги за пациентите. Сепак, и за ова упатените велат: „Мора да се постапува претпазливо зошто вработениот е протетичар, значи бил во контакт со материјали и површините во Клиниката, но и со доктори и пациенти“. На претпазливост се укажува поради фактот што станува збор за бактерија која многу лесно се пренесува при ракување, допир, преку површина со која бил во контакт носител на бактеријата. МРСА предизвикува опасни крвни инфекции, воспаление на белите дробови или инфекции на местото на хируршкиот зафат. Симптомите се појава на булбуси на кожата коишто се црвени, отечени, болни и топли на допир, како и висока температура, грозница, слабост, болки во мускулите и така натаму. Во случаеви на агресивен облик на болеста, доаѓа и до сепса, инфекции на срцевите залистоци или коските и воспаленија на белите дробови.

На Клиниката за стоматологија ја има смртоносната МРСА бактерија?!

Дарко Андоновски — Wed, 30 Jan 2019 08:42:27 +0000

На Клиниката за стоматологија вработен во текот на денот се пожалил на симптоми кои укажуваат дека тој е заразен со бактеријата МРСА. Оттука за денеска е најавено дека на сите вработени денеска ќе им се направат испитувања за се види дали и колку од нив ја имаат оваа бактерија. -Доколку навистина ја има оваа бактерија кај некој од вработените или има само симптоми Клиниката треба прво веднаш да се затвори и да започне постапка истата да биде уништена. Во исто време треба да се направат испитувања кај сите вработени, коментираат упатени. Сепак дел од стручната јавност посочува дека во ваква ситуација лицето кое ги има симптомите треба веднаш да биде ставено во изолација. Истите извори велат дека станува збор за бактерија која многу лесно се пренесува при ракување, допир, преку површина со која бил во контакт носител на бактеријата. -Токму поради ова е потребно затворање на Клиниката, бидејќи протокот на пациенти е голем. Таму има различни оддели како за деца, возрасни, протетика, велат упатени. МРСА е бактерија којашто е исклучително отпорна на антибиотици, а се пренесува со директен контакт со заболено лице или заразен материјал. Предизвикува опасни крвни инфекции, воспаление на белите дробови или инфекции на местото на хируршкиот зафат. Симптомите се појава на булбуси на кожата коишто се црвени, отечени, болни и топли на допир, како и висока температура, грозница, слабост, болки во мускулите и така натаму. Во случај на агресивен облик на болеста, доаѓа и до сепса, инфекции на срцевите залистоци или коските и воспаленија на белите дробови.